[Lamees]

اقتباس المشاركة الأصلية كتبت بواسطة ساحر الأحزان بسم الله الرحمن الرحيم اليوم بتعتبر خامس حلقة من برنامج ضيف فى بيتـة ومعى ضيفه قديمه حديثه من الاعضاء المستمرين معنا في المنتدي من أصحاب الأقلام المميزه وصاحبه حس أدبي ذواق في صياغه المواضيع التي تصل ألي القلب مباشره وهي العضوه تدرجت في التسلسل الأداري وأصبحت مراقبه عامه ولولا أنشغالها لما تركت المراقبه أنها لميس أهلا بك معنا فى البرنامج اهلا بيك استاذ أمجد بشكرك على التقديم الجميل ده ونخش بقى على الأسئلة ولكن الاول أيه حكايه اسمك دي؟ lamees ده اسم الممثلة التركية توبا في مسلسل سنوات الضياع ومن هنا كانت بداية اشتراكي بالمنتديات واختارت الاسم ده لاني بحبه والصوره الرمزيه الصورة الرمزية بقى لممثلة كورية دمها خفيف جدا بتابع مسلسلاتها خاصا المسلسل اللي فيه صورة الرمزية ده تقريبا شفته 10 مرات بس ممكن نتعرف على بطاقة لميس الشخصية ؟ اسمي الحقيقي مش هيفرق مع حد انا لميس .. متزوجة وعندي ولدين احمد ومحمد بارك الله بهم وحفظهم لكم وهل تعملين وما مجال عملك ؟ نعم انا معلمة انجلش في الأساس خريجة كلية الآداب ترتيبك فى عائلتك؟ ترتيبي رقم 7 من أصل 8 مين أقرب الأشخاص ليكى فى العائلة ؟ ولا حد بس انا أقرب ليهم كلهم ياترى سرك عند والدتك ؟ لا سري معايا انا بس ولا عند والدك ؟ الله يرحمه ولا عند مين أخواتك ولا أصدقائك؟ أصدقائي صداقة الطفولة بتكون حلوة هل ليكى أصدقاء من الطفولة لحد دلوقتى؟ طبعا صاحبتي الانتيم تقريبا احنا اخوات اصلا أقرب ليا من اي حد أصدقاء من اول اعدادي حتى بعد زواجنا بيتي بيتها واولادي أولادها احنا واحد في كل حاجة مفيش فرق بينا لميس هل أنتي متسرعة ؟ اه 😭 هادية؟ بحاول اكون هادية والله والحمد لله بقيت اهدى بكتير من الاول عصبية ؟ اه بس كمان بحاول اقلل عصبيتي وقدرت الحمد لله أى الصفات أقرب ليكى ؟ الطيبة احب اكون طيبة لميس ذكرى تحبى أن لا تنسيها ؟ ذكرى اول حب في حياتي اللي هو الحب الطفولي ده 😁 بحب افتكر السذاجة بتاعتي والمشاعر البريئه اللي عيشتها .. وذكرى تحبى أن تنسيها؟ وفاة والدي موقف عالق فى ذاكرتك؟ اول يوم عرفت جوزي حياتك الشخصية ؟ هل أنتى من النوع المغلق على نفسة ؟ اه بحب اكون في حالي ورايقة كده مش بحب وجع الدماغ والبعد عن الناس مريح جدا انا ممكن يجيلي توحد والله من كتر ما انا بحب اكون في حالي وابعد عن الناس ولا من محبى الصداقات؟ لا لا مش بحب اكون صداقات بحب دايرة علاقاتي تكون محدودة اوي أية رئيك فى السياسة هل بتحبى الكلام فيها؟ مالناش دعوة بيها الكون ليه رب بيدور احواله مش كلامنا اللي هيفرق بعني وأية رئيك فى الوضع الحالى ؟ الحمد لله على كل حال رغم اني مش راضية عن بعض الاحوال بس لا حيلة لي ما رئيك فى مشاركة البنات فى السياسة ؟ مالهاش لازمة البنت تهتم بوصفة لبشرتها احسن أو ماسك للشعر جنان كده يا ترى مش حنشوف سيدة ترشح نفسها للرئاسة ؟ لا الستات ممكن يخربوها ويقفوا على تلها 😂 ولا رئيسة وزراء انا لما بنوي اعمل محشي بضع خطة أسبوعية عشان اعمله تقولي رئيسة وزراء الله يسامحك ههه ضحكتيني اسعدك الله لميس نخش على المنتدى ما سبب معرفتك علي منتدي بنات مصر؟ انا عرفت المنتدى عن طريق بنوته كانت معاكم هنا اسمها celina وعلى فكرة هي عروسة زي القمر هتتجوز قريب ادعولها ربنا يتمم لها علي خير وبلغيها السلام وربنا يوفقها بحياتها الجديده وقولي ليها عاوزين نشوفها من جديد في المنتدي وحشنا تصاميمها الحلوه أنتى منتشرة فى المنتدى بسى كتاباتك مقتصدة على أقسام معينة ؟ أية السبب؟وهل ممكن نشوف كتابات لكي ؟ في أقسام أكثر ؟ أقرب الأقسام ليا الأقلام والنقاش والخواطر لأنها بتكون بقلمي بس معاكم في اي حاجة ان شاء الله لميس مين الكاتب المفضل عندك فى المنتدى ؟ كلهم كتاب مميزين كل عضو وليه طابع خاص بيه وكلهم ممتازين اتمنى وجودهم كلهم ومين أقرب أصدقائك ؟ هنا مفيش ليا أصدقاء تقريبا انا معرفش حاجة عن حد هنا ولا حد يعرف عني حاجة وانا شايفة ان ده صح واريح وهل لكي أصدقاء من بنات مصر متواصله معهم لحد الأن ومن هم ؟ لا مفيش ما رئيك فى بنات مصر ؟ منتدى حلو جدا بس بالناس الموجودة فيه من حيث السلبيات ومن حيث الأيجابيات ؟ الإيجابيات الراحة النفسية السلبيات حاليا في غياب الإدارة ما أحب الأقسام عندك ؟ الأقلام والخواطر من هم الكتاب فى المنتدى المتابعة لمواضيعهم ؟ بتابع الكل وبشارك الكل تحبى تقولى أية للأعضاء فى المنتدى ياريت ترجعوا تاني بشكرك لميس علي الاهتمام بطلب الضيافه انا اللي بشكرك أمجد شكرا لكي لميس تحيتي لك وأنتظرونى فى اللقاء القادم

انا اللي بشكرك أمجد على ذوقك والاستضافة الرائعة دي
والله يعطيك العافية