السلام عليكم ورحمه الله وبركاته
لما نفارق ليه بعد الفراق بيكون كره بيكون زعل سوء بين اصدقاء بين مخطوبين بين متزوجين
ليه بعد الفراق بيتقلب كل شيء حلو لعكسه وكأن ما كان فيه عيش وملح وفيه عشره
قد تصل لعشرات السنين أو اكتر
قد يكون الفراق مصلحه للطرفين ومحدش عارف ألي جاي مكتوب فيه أيه
فيه ناس بتفارق ولما تشوف بعض في الشارع ولا كأن فيه شيء
ولا كأن كان فيه أيام حلوه من العمر
كان فيه سنين حلوه ومرت وجه الفراق محاها ومحي كل شيء حلو معاه
أنا بطبعي ضد الفراق أو البعاد ولكن لما الفراق والبعاد يكون فيه خير
بجي علي نفسي وأتحمل عشان ما أحسس الطرف التاني أني وقفت
في طريق سعادته أو أني ما بحب ليه الخير والتوفيق بحياته
لما تفارق فارق ولما تقرب قرب المهم ما تخلي الذكريات الحلوه وألي جوه القلوب ذي ما هوه ما تغير
عندي قناعه نفسيه أني لن أخد ما هو أكتر من المكتوب ليه وفي نفس الوقت
يكون عندي قناعه طالما الشيء ألي مكتوب أخدته لما يكون فيه رضا وراحه بال
مفيش شيء حيضايق الأنسان منا طالما أنه أخد المكتوب ليه من ربنا
فيه نفوس وأنفس بطالب بالمزيد ولا تتوقف عن المطالبه بكل شيء
ومهما تاخد مش مكتفيه بالي ربنا كتبه ليها حتي لو وصل بيها الأمر
أنها تاخد صاحبها ألي أسحق السافلين
أتمني لي ولكم سعاده وراحه بال دوما
تحياتي وتقديري للجميع