| الغنوه اصلها محكيه
ساقدم لكم الان احدى كلمات الشاعر الغنائى المصرى
ايهاب المليجى
وهى اغنيه ياسم
( الغنوه اصلها محكيه )
الغنوه اصلها محكيه
يوم ليك ويوم ليا
تتخان عشان ناس تانيه
وعشانك تتخان ناس تانيه
مداح قمرى يا ليل بيحكيلى خبر
ساهر وياه يا ليل ماليش غير السهر
قلبى كسر قلب ولا قلبى انكسر
مستنى رد من حد ام رد مداح القمر
قلى طريقك بايدك وماتفكرش فى اللى اتخسر
وعينى عاللى افتكرته حبيب وخدعنى
عينى عاللى اديته كل اللى عندى وبعنى
عينى عالضحكه لما تبئى بحساب
عينى لما تتعذب واللى ادامك مايحسش بعذاب
عينى لما الكلام يفضل طول عمره كلام
وعينى لما السلام هايكون اخر سلام
واه يا دموع يا نازله من العيون
واه لو يوم اتحطيت مابين تتخان ولا تخون
واه لما حد يقلك حبيبى انت الكون
واه لما تطلع انت اول واحد عليه بيهون
|