[بحر القمر]

"( هُوَ عَلَيَّ هَيِّن )"
هقولك علي معلومة هي سبب إنك لحد دلوقتي موصلتش للي أنت عايزه .. وبسبب جهل ناس كتيره بالمعلومه دي.. و إن كل حاجه تبقي بالنسبه لهم صعبه .. ومستحيل يوصلوا طول ما هما مش عارفينها ..
يمكن أول مرة تسمعها في حياتك .. بس عاوزك تعديها علي قلبك كده .. ومش شرط تصدقها . المهم إني أبقي وصلتهالك ودي مهمتي 🙂
إنت عارف إنك لما بتنوي الحصول علي أي شيء في الدنيا أيًا كان هو بيتخلق لك وبيبقي موجود و" مستنيك " تروح تجيبه !
يعني أنت ممكن تستني إنه يجي .. وهو سيادتك دلوقتي حالًا مستنيك تروح له تخيل بقي إننا مستنين المعجزه تحصل علشان يجي مع إنه مستني هو كمان !!
علشان كده ربنا قالك أسعي ..
واسعي معاناها إن أطلب من ربنا أيًا كان الجحم الكبير " بالنسبه لك أنت " وهو هيبقي تحت أمرك .. سيادتك بس روح خده .
بالنسبه لربنا هيقولك " هُوَ عَلَيَّ هَيِّنٌ"
يارب عاوز عربيه .. " هُوَ عَلَيَّ هَيِّنٌ"
يارب عاوز يبقي عندي شركه .. "هُوَ عَلَيَّ هَيِّنٌ"
يارب عاوز يبقي معايا فلوس .. " هُوَ عَلَيَّ هَيِّنٌ"
أيًا كان الطلب أيه صدقني سهل جدًا ..
ربنا قالك " هُوَ عَلَيَّ هَيِّنٌ" .. يعني بالنسبه لك هو موجود صدقني بس عليك سعي فقط .. أيًا كان حجمه !
طيب سيبك من الكلام ده ..
طب أنت عارف إن أي حاجه عاوزها وبتجري وراها أساسًا موجوده معاك دلوقتي حالًا !
"وَآتَاكُم مِّن كُلِّ مَا سَأَلْتُمُوهُ وَإِن تَعُدُّواْ نِعْمَتَ اللّهِ لاَ تُحْصُوهَا إِنَّ الإِنسَانَ لَظَلُومٌ كَفَّارٌ"
يعني أي حاجه سألتها .. ربنا إدهالك وموجوده بس أنت مش واخد بالك !
أقسم لك بالله وهتحاسب قدام ربي وربك إنها موجوده .. ومش ناقصك أي حاجه .. غير إنك بس تغير طريقه تفكيرك دي وتكسر سوء ظنك بربنا ! 🙂
لو أنتي عاوزه تخسي ..
وزنك 90 كيلو مثًلا .. وعايزه تخسي .. سيادتك الوزن المثالي اللي عاوزه توصلي ليه موجود !
عارفه ناقص ايه بس ؟
تسعي إنك تنزلي الـ 20 كيلوا دول علشان الـ 70 كيلوا اللي عاوزه توصلي ليهم يبقوا الواقع بتاعك ..
يعني ببساطه الـ 70 كيلوا موجودين مجرد إن في 20 كيلوا زياده .. "مجرد مثال "
طب مثلًا ..
الراحه اللي إنت عمال تبحث عنها هنا وهناك .. وفي أشياء ماديه ملهاش لازمه .. أساسًا اللي متعرفهوش الراحه هنا .. هنا صدقني معاك حالًا بس أنت مش واخد بالك !
يمكن في يوم من الأيام كل اللي أنت مريت بيه من خوف و قلق و توتر وهم ده حصلي .. ويمكن أكتر كمان بكتير بس صدقني .. لو فعًلا مؤمن من جواك إن الله هو المصدر اللي بيمدك بكل اللي إنت عاوزه حياتك هتتغير .. هتبهر الدنيا كلها .. وأولهم نفسك 🙂