[بحر القمر]

التعلق بالهدف يخليك تتنازل وترضى بأى وسيلة لتحقيقه مثال :
البنت المتعلقة بهدف الجواز ...هترضى بأى شخص يظهر فى حياتها حتى لو غير مناسب وهتستميت عليه رغم عدم حبها له .. علشان بس تحقق الهدف وتتجوز .. غير البنت الى واقفة على ارض صلبة والجواز بالنسبة لها هو اضافة ولازم تكون اضافة جميلة لحياتها وغير ذلك
ف عدم اضافتها افيد .
الشخص المتعلق بانه يعيش حالة حب هنلاقيه اى حد يقوله كلمة حلوة يحبه على طول .. ويخرج من قصة لقصة تانى تعذبه اكتر وهو فاكر انه بيحب .. بس الحقيقة هو متعلق بالحالة .. الحب الحقيقى ثابت وبتعيش حريتك معاه ..
الشخص المتعلق تعلق مرضى بالمال
حرام ولا حلال مش مهم المهم احصل عليه .. اتنازل عن كرامتى وادميتى مش مشكلة المهم المكسب .. بيعبد الاسباب او الناس الى شايفهم ممكن يكونو مصدر للمال ..
الحل :
- كلما قويت صلتك بالله وقويت عقيدتك بانه هو المصدر لكل ما تريد استحالة استحالة تتنازل لمخلوق من مخلوقاته وتجعل زمام امرك فى ايده ..هناك علاقة عكسية بين تعلقك بالله وتعلقك بما سواه
-متخليش حياتك قائمة على هدف واحد .. ونظام ياهو يامش هقدر اعيش .. اعمل لنفسك اهداف فى كل المجالات ووسع مداركك
-اعرف قدر نفسك وقدرك عند الله ومتخليش اى شئ يستعبدك .. قلل الاهمية .. الدنيا كلها لا تساوى عند الله جناح بعوضة