يا طبيب احكيلي يا طبيب
زي ما دايما بتحكيلي
حكتلي الجرح ح يطيب
واهو كبر الجرح وهد حيلي
بقيت حاسس اني غريب
اه يا غربتي اه يا طول ليلي
بقيت مستني اني أغيب
ولسه بكلامك ودواك بتوحيلي
دواك مش هيغير نصيب
ولا داوى الجرح كلامك بس احكيلي
عارف يا طبيب يا ابو روشتة
دواك خلى الوجع يزيد
كان جرح واحد دلوقتي بقوا ستة
كل ما يخلص جرح يرجع يعيد
دواك في حتة والوجع في كل حتة
إلا الحتة اللي دواك موصوفلها بالتحديد
أنا كنت زي الحصان خدت دواك بقيت جتة
ولسه ليك عين وبتوصفلي ف نوع دوا جديد
ش . ح
|