عيبها وأجمل ما فيها أكتبلك ولا أكلمك
لما اكتبلك بتفهميني
دنا على قد ما بكلمك
بين السطور بس بتطاوعيني
عشان ف خيالي برسمك
عشان لما بكتبلك بتصدقيني
👆 دي حبيبة قلبي
دي عشق الروح
دي أحلى نعمة من ربي
كلامها بلسم للجروح
عيبها وأجمل ما فيها
حافظة كل أغاني الحب
ولا مرة فكرت ليا تغنيها
لو غنوة ترد الروح للقلب
أجمل ما فيها كل ما فيها
مفهاش عيوب، عاش ي كدب 😉
عيبها وأجمل ما فيها
ملامحها حتة من القمر
لو تلبس إيه بيليق فيها
وانا لحم ودم مش حجر
عيبها عشان بغير بجد عليها
مش عايز يشوفها غيري بشر
عيبها أجمل من الجمال
واجمل ما فيها كل ما فيها
عيبها جمال عند غيرها ي خال
مفيش منها ولا بالساهل تلاقيها
عيب ع القلب لو لغيرها مال
أو قال كلمة بحبك لحد قبل ما يقولها ليها
أجمل ما فيها كل ما فيها
مفهاش عيوب الله يحميها
ش . ح
|