حاجات ناقصاني بقول مش ناقصني
حتى لو كان ناقصني
وهو ده اللي ناقصني
ناقصني حاجات كتير
واللي يشوفني يقول
ناقصك تركب جناحات وتطير
م انا اللي مش بقول
فاكرهم بيحسوا ألمي من غير تفسير
عندي لكل مشكلة حلول
ناقصني حل لمشاكلي وصمتي الكبير
مش بقول ومش هقول
م احبش أسمع جملة سرك في بير
البير قدامهم والناس العطشانة كتير
لو كانت موجودة معايا
مكنش هتبقى حاجة ناقصاني
كانت هتبقى هي كفاية
كانت هتبقى نصي التاني والأولاني
كانت هتبقى السلام جوايا
في عز ما بيحاربني كل جزء ف كياني
كنت عمري ما امل سطور الحكاية
حكاية اسمي وحكمتي الحب خالد والعمر فاني
ش . ح
|