مجهود كبير وتاريخ كبير جدا المنتدى طول عمره كان فيه ناس عندها روح العطاء و الابتكار وزى ماقولت كان فى تشجيع ديما للاعضاء وتدرج فى الالوان كان سبب فى تحفيز الاعضاء بشكل كبير
انا سجلت فى المنتدى فى فترة إدارة طارق سيلفر وقتها المنتدى كان فى أعضاء كتير جدا و أقلام مميزة و مسابقات فى كل الأقسام تقريبا أول مسابقة شاركت فيها كانت فى قسم الخواطر مع واد حبيب كان مشرف الخواطر و اركو فى الهوايات كان وقتها بنشاطها وأفكارها من افضل الاقسام فى المنتدى
طارق نفذ فكرة محررين الاقسام شاركت فيها و منها بقيت مشرفة الديكور كل فترة كان بيسجل ناس جديده تضيف للمنتدى فى كل اقسامه غير الفاعليات الممتعه فعلا اللى كانت بدون توقف تقريبا
أما فترة ادارتك انت ودمعة حائرة كانت شىء مختلف ومنة كانت من افضل الاداريات اللى شوفتهم فعلا بعيد عن حبى الشخصى بيها لكن عطاءها و تعاملها مع الاعضاء كان مختلف
للأسباب دى فى ناس مرتبطة بالمنتدى مهما غابت بترجع تانى تسجل دخول فى وسط مشاغلهم اتمنى المنتدى يرجع تانى زى الاول بالناس الحلوة اللى كانت فيه عارفه أنه صعب لكن حقيقى هنا كان اجمل مكان ممكن الإنسان يكون موجود فيه على الانترنت
|