[واد حبيب]

السلام عليكم ورحمه الله وبركاته
اعضاء المنتدي المبدعين الغائبين والحاضرين
كل عام وانتو بالف خير وسعاده
النهارده حلقه جديده من برنامج الحكايه ومعانا ضيف مبدع بكلماته وابداعه واخلاقه العاليه
سعيد جدااا اني اكون اول واحد عمل معاه لقاء هنا
معانا ومعاكم ومع كل من في المنتدي
المبدع
رضا التركي
عوزين نتعرف عليك في سطور قليله
الاسم والمحافظه والمؤهل وحاجات تانيه أتكلم برحتك
بسم الله وعليه أتوكل
يسعدني ويشرفني مقابلتك القيمة
وعلى فكرة أول برنامج ليا هنا من عشر سنين ههههههههه
الإسم رضا خليل نظمي محمد
من المنيا عروس الصعيد
إنسان بسيط لأبعد الحدود
متزوج وأعمل في مجال الزراعة
مؤهلي متوسط فني صنايع
ايه كمان ممكن يتقال
ما علينا اللي بعده

أكتر الأشخاص اللي تقدر تثق فيهم في حياتك
أكتر حد أثق فيه هنا دكتور عبدالله ونغم وقيثارة
اما خارج المنتدى غالبا الكل يحظى بثقتي لأني عفوي جدا

ما اكثر شئ يزعجك بحياتك؟
اكتر شيء يزعجني إن حد قريب مني يشك أو يظن ظن خطأ فيا
لأن الكلمة في الوقت ده بتكون أصعب من طلقة نارية

وما الشى الذى يشعرك بالسعاده؟
الصلاة وقراءة القرآن بلا ادنى شك

أي القرار اللي اخده في حياتك وندمت عليه
القرار اللي ندمت عليه فعلا ترك نفسي لهوى
لم أظنه يفعل بي الأفاعيل هو قرار قلب ف الأصل

لما تاخد قرار بتحكم قلبك ولا عقلك
اكيد بحكم عقلي لكن قرارات للقلب ملناش تحكم فيها

ما اصعب المواقف اللي مريت بيها في حياتك
اصعب موقف ليا لما حملت سلاح وكنت مجبر
عشان كان علينا تار وقتها بتبقى في موقف
في غاية الصعوبة إما تقتل أو تتقتل لكن الحمد لله
ربنا نجاني وأهلى بفضله وكرمه

قولينا سر في حياتك عمرك ما قولتو لحد
سر ما قولتوش لحد بص يا محمد غالبا أسراري
بحكيها لأقرب الناس ليا فمش لاقي سر مقلتوش ههههه
ليا نص ساعة بفكر فسؤال السر ومش لاقي والله هههههه

أي طموحك في المستقبل القريب
طموحي إني أبني مستقبل جميل لأولادي

علاقتك باخواتك علاقه حب وصداقه ولا سطحيه
علاقتي بإخواتي حب وصداقة أكيد دي روابط لا تنفك مدى الدهر
عمرها ما تبقى سطحية أبدا

اسرارك ممكن تكون مع حد ولا بتخليها في قلبك
اسراري دايما بحكيها مع الثقات بس للأسف اتخدعت
مرة من سبع سنين ومازلت أعاني منها

مين أقرب الناس لقلب في الحياه
طب ليه ما اشركتش الممات مع الحياة عشان أقول أمي رحمها الله
لكن في الحياة سؤال صعب الإجابة عليه

حلم حلمت بيه وعاوزه يتحقق
الحلم اللي حلمته ونفسي يتحقق زيارة بيت الله الحرام

ما هى الصفه التى لا تستطيع تغيرها فى نفسك
الضعف أمام مراد القلب

ماذا تفتقد فى حياتك
الحب وإيصال الشعور لمن أحب

قولينا العيب اللي فيك ومش قادر تغيره
تربسة الدماغ هههههههههههههه

لو قولتلك خد قرار دلوقتي هيغير حياتك أي هيكون القرار
البعد عن الشبكة العنكبوتية

المال بنسبالك هوه السعاده ولا السعاده أي بنسبالك
المال عمره ما كان سبب سعادة المال سبب عيش فقط
أما السعادة ف الطاعة والرضا وحسن التوكل

تفضل الجواز عن حب ولا تقليدي
عن حب طبعا

واي مميزات شريكه حياتك
الأخلاق والوفاء والحياء والرومانسية هههههههههههه

أي الدوله اللي نفسك تعيش فيها علطول
وهل بعد موطن المصطفى عليه الصلاة والسلام
نبغي وطنا لقلوبنا

امته دخلت منتدي بنات مصر
من ٢٠١٢

ده اسمك الحقيقي ولا اسم مستعار
اسمي الحقيقي في كل مكان

عرفت المنتدي ازاي وايه اللي شدك تسجل فيه
والله مش فاكر

اي اكتر الاقسام المحببه لقلبك في المنتدي
ابداعات الأعضاء الأدبية

مين اكتر الاعضاء بتشوف موضعهم دايما في المنتدي
دكتور عبد الله ونغم الشام والقادمة بقوة قيثارة الصمت وفداء

اي الفرق بين المنتدي ده واي منتدي تاني
الفرق كبير لان الموضوع موضوع إنتماء

هتكون متوجد بصفه مستمره ولا هتغب
إن شاء الله متواجد مش سهل إني أغيب

المنتدي بيمثلك اي هوه مجرد تسالي ولا حاجه تانيه
لا عمره ما كان تسالي بعتبره بيتي التاني

مين اقرب الاعضاء لقلبك هنا اختار باسماء
اممممممممم دكتور عبد الله ومينفعش اذكر أسماء إناث

مين اللي نفسك يرجع المنتدي تاني ويفضل علطول
والله نفسي الكل يرجع وأولهم هادية

فرق بين رضا في المنتدي وخارج المنتدي
مفيش فرق خالص بتعامل مع النت عموما كواقع حقيقي

قول لينا المنتدي ناقص أي علشان يرجع زي الأول
كتير قوي قوي والإدارة مخولة لمعرفة ذلك

انت كاتب متميز دي موهبه ولا دراسه
الكتابة موهبة ف الأصل بنميها بالدراسة

دخلت مسابقات قبل كده في كتابه الشعر
مرة بس وحرمت ههههههههههههههههه

مين من الشعراء اللي واخدهم قدوه لك
القيسين وجميل بن معمر والخنساء رضي الله عنها

أي القصيده اللي كتبتها وكنت منبهر بيها اوي
والله مش عارف يمكن أيا دهر كنت متأثر قوي وانا بكتبها

عوزين منك نصيحه لاعضاء المنتدي
كونوا من مقيمي الصلاة فالعبادات أهم ما ينصح به
وتحابوا في الله فذاك أنقى وأطهر

اسئل سؤال لنفسك وجوب عليه
سؤال لنفسي إلى متى تظل عاكفا هكذا على ما يؤجج نا قلبك؟
دايما بسأل نفسي السؤال ده والإجابة لا أعرف ولست أدري

ده اخر سؤال
وجه كلمه لواد حبيب
اكلمة ليك يا محمد سعدت وسررت بلقائي معك
وشرفني الظهور برفقتك
بس ابق فرق بين أسئلة التذكير والتأنيث
أسلة كتير عدلتها بتقولي مثلا دخلتي وعرفتي
ايه يا عم هو انا لابس فستان ههههه
دمتم موفقين جميعا
ودمتم بكل ما هو خير وأكثر


حاضر ياغالي غلطه التلفون مليش دعوه انا ههه
سعيد جدااا والله معاك في الحلقه دي
تسلم ياغالي
تقبل تحياتي لك