ذكريات المولد النبوي الشريف (مسابقه المولد النبوي الشريف السلام عليكم ورحمه الله وبركاته
من وأحنا صغيرين فيه ذكريات لمناسبات بتفضل معلقه معانا
وعمرنا ما بننساها ...مهما كبرنا ومرت عليها السنين..
الذكريات دي بتكون من ماضي جميل عشناه وخصوصا ؟
ماضي الطفوله أن كنت ولد وشقي أو بنت شقيه
أو العكس صحيح أن كنت هادي أو كنتي هاديه .. فيه محطات كتير بتكون في حياتنا وخصوصا المناسبات
الدينيه ذي الأعياد ورمضان ومولد النبوي الشريف..
كل مناسبه من دول ليها طعم حلو ؛؛
وبتفضل جوانا ما تتنسي ححكي
اليوميه دي عن مولد النبي
والأحتفال بيه يمكن فيه حاجه بتميز
الأرياف والقري عن المدن أسمها تواصل
الرحم بمعني عمتك أختك أمك خالتك ..
فيه شيء أسمه موسم الكلمه دي مشتقه من مواسم والمواسم دي ذي فصول السنه كده
متقلبه ذي الدايره من موسم مولد النبي وموسم العيد الكبير والصغير
ورجب وشعبان وشم النسيم وبر الحبايب
كل موسم من دول له زيارته الي بيتواصل
بيها الأقارب سوء لأختي أو عمتي وخالتي بتيجي من عند الأقارب بتوصل الرحم وبتقرب الموده وصلتها بين الأخوات
مثلا مولد النبي (عليه أفضل الصلاه وأتم التسليم )
كان أساسي فيه أنه يجي من عند أخوالي بما أني
كنت أصغر أخواتي حصان حلاوه أو سفينه حلاوه ..
مع حلاوه مولد النبي وكنت بحتفظ بيهم لحد لما
مولد الرسول يعدي وتخلص الحلاوه ..
أقوم مطلعهم وأتسلي عليهم كل يوم أكسر حته من الحصان الرجلين وبعد كده أكمل علي باقي الأجزاء لحد ما يخلص وبعدها أروح قالب
علي السفينه وهكذا لحد لما تخلص برضه وتنتهي
مع توديع باللقاء في الموسم القادم الخاص بحلوي المولد الحصان والعروسه الحلوي ..
ألي حل محلهم البلاستيك
برغم أنها حاجه بتمتاز بالبساطه فيها وليست مبالغه أو سعر عالي
ولكنها ؟كانت بتترك أنطباع أيجابي متوارث عن معتقداتنا وميراث متوارث
من أحتفلات داخل أذاعه القرأن الكريم والأحتفال في الشوارع
وتزاور وتقارب بين الأهل ...
بتقاليد لا تنسي داخل القلوب والأنفس
أنتم بقي أيه ذكرياتكم مع المولد النبوي الشريف؟ وكل عام وأنتم بخير أخوتي الكرام
|