[أمير عسكر]

* جـــوابي الأخير *

قلم وجواب .. عني بيتكلم

وعين مشتاقة .. وقلب بيسلم

حكاية عشق .. وجرح بيعلم

بحبك ومين زاي بيتألم

أنا دلوقتي بكتبلك

وأحلف يمين وأقسملك

إن في يوم

عمرى ما خاصمتك

أنا اللي عشقت لون رسمك

وحفرت عـ الضي حروف اسمك

وإن كان فراقنا نصيب

ووداع حزين لحبيب

خلينا متفقين

بكره الجراح بطيب

وتبقى لينا ذكرى

من قلبي بدعيلك

الفرح يغنيلك

ويوم الهنا عيدك

ونهاية القصة سلام


مع حبي

وجوابي الأخير ليكي

يا معاليكي


أميـــــــر

*