جديدي
اليك السلام
ياعالي المقام
بتاكل كويس
بتعرف تنام
بتشرب سجاير
تنام ع الحراير
ده فعلا ياغالي
بتتعب حرام
توقف في الطابور
وتستني دور
والفين شعور
وجع وانهزام
بتاكل في دندي وبلوظه وكباب
بتدفع حساب
وايش جاب لجاب
القبور للمقام !
ياعالي المقام وحياتك جنابك
ووحياة سمو الكريم اللي جابك
تبص علينا وتعمل حسابك
تعبنا غلبنا وجيوبنا انعدام
ياعالي المقام وحياة فخامتك
وبركات جنابك وعظمة عظمتك
ترحم بحالنا تبين كرامتك
ووحياة سلامتك ترد السلام
ياعالي المقام
:
بحر القمر
|