جديدي
لما يبيض الديك
هب ياعم عاديك
ع اللي هيحصل فيك
هم تلاقي
فقر تلاقي
واوعى تقول لي اغنيك
هب ياعم عاديك
وبلاوي في خطاويك
ورغيف عيش بقى قرصه
والقرده بقت فرسه
والاحوال الفارسه
تفضل كده ترازيك
هب ياعم عاديك
وغناوي ومزازيك
واللي يهرتل
واللي يطبل
زي قرود حواليك
هب ياعم عاديك
والنصبه المنصوبه
والكلمه المقلوبه
وما طوبه وطوبه
الخير هنا مش ليك
هب ياعم عاديك
ابواب او شبابيك
مش من حقك ابدا
غير بس انك تحزن
حتى الديك لو يدن
او لما يبيض الديك
:
واياك حد يفكر يدبح الديك
بحر القمر
|