[شاعر الحب الحزين]

اللي اتجابلك غير اللي اتكتبلك
حبايبك خدعوك في دواك
جابولك دوا ب يسلب منك عقلك
كل ما تشوفهم مش معاك



غدروك في صحوتك
وغدروك برضه ف نومك
خرجوك من جنتك
خلوك بالعافية تعيش يومك
يزعلوا لو شافوا ضحكتك
عايزينك تغرق ف همومك



خلوك تفضل في مكانك
وبعين العجز تشوفهم
بيروحوا وييجوا قدامك

وهموك قال انهم عشانك
بقيت تتمنى تشوفهم
عشان دواهم الحلو ف أوهامك

سجنوك وسحبوا الرحمة من حيطانك
عيشوك وقتهم وظروفهم
لما مبقتش قادر تعيش غيرهم ف أيامك



كل ده كان تأثير دواهم عليك
شفت ثقتك وصلت بيك لفين
شربت دواهم أول م تحط ف ايديك
من غير ما تقرأ اسمه وهو منين
لما بقيت عن أخطائهم مغمي عنيك
شوقوك وخلوك تشوفهم كل فين وفين
انسى دواهم وانساهم اللي عليك عليك
اللي تخسره النهارده هتكسب أحلى منه بعدين
لما يخلص مفعول دواهم اللي جواك وفيك
لما بإيدك تجيب دواك هتعرف دواك الحقيقي فين



ش . ح