[SiLver Spectra]

اقتباس ألم يأت الوقت للتوحد وطرد السفراء اليهود والامريكان والأنجليز والفرنسيين من بلادنا وقطع علاقتنا معهم جميعا ..

لا لم يحن الوقت يا أمجد
هو مين محتاج لمين ؟ هل هما محتاجينك و لا انت اللي محتاجلهم ؟
بص كدا عالاقتصاد و انت هتلاقي الاجابة . و بالتالي لو الدولة قاطعت الغرب فانت اول واحد هيتضرر . زي مثلا المواطن اليمني هل عزلة اليمن اثرت عالغرب و لا العكس اللي حاصل ؟

بالنسبة للوحدة . ايه اللي هتستفيده بلد مثلا زي قطر و و لا الامارات انها تعمل وحدة مع مصر ؟ طيب ايه الاستفاده لمصر انها تعمل وحدة مع الصومال ؟ الاجابة مافيش اي استفاده . الاستفاده هتكون للدوله الاكثر فقرا فقط و بالتالي دا هيتسبب في هجرة من مصر للكويت او من الصومال لمصر . بمعنى ان الدولة الاكثر غنى هتتفقر و تركيبتها السكانيه هتتغير تماما . و عندك مثال للوحدة اللي تمت بين مصر و سوريا و ماكملتش 3 سنين لانها اولا مش مبينه على تكامل ثانيا احنا انظمة مستبده . مين هيحكم دي لواحدها كارثه
فالوحدة اللي بتشوفها مثلا بين الدول الاوروبيه مبنيه على انها دول متقاربه اقتصاديا و متفاهمه داخليا مش دوله فقيره و دوله غنيه دوله ديمقراطيه و دولة مستبدة . و بالتالي مصر مش مفيده اقتصاديا لبلد زي الامارات عشان تتم وحده مابينهم

اما بالنسبة لايران و ان الضربة دي تمثيلية . هو في الحقيقة ايران بتدي درس للسزج و اللي اولهم حركة حماس اللي عملت 7 اكتوبر باعتبار انها هتشعل حرب اقليميه و ايران تحارب اسرائيل لكن دا ماحصلش ببساطة لان ايران بتحسبها و عارفه انها لو عملت كدا فهيتم تدميرها بشكل كامل من امريكا و دا مش عيب نهائي
.
العيب هو انك تبقى سازج و تورط اهلك في حرب بحسابات غلط .
قدر نفسك قبل ما تعمل حرب عشان ماتبقاش النتيجة كارثيه على اهلك . لانك لو ماحسبتهاش صح فانت حرفيا بتقدم على عملية انتحارية هتضحي بالشعب فيها

انك تبقى حاكم فدي مسؤوليه ارواح قبل ماتبقى مشاعر و بروبجاندا لشخصك او لايدلوجيتك
احسبها صح و قدر قدراتك كويس و العب سياسه
احسبها بالعقل تكبر . هتحسبها بالمشاعر هتصغر و احتمال تندثر