اللي تشوفه اللي تشوفه مناسب اعمله
امشي الطريق اللي يعجبك
اختار اللي يخليك تكمله
مش اللي عن طريقك يحجبك
هدفك حلمك إياك تهمله
اكتب وجعك قبل ما هو يكتبك
الصح ف وقته بلاش تأجله
مانتاش حمل ضميرك يأنبك
كل شيء غلط كنت بتستعجله
بعد استعجالك جالك يعذبك
الصح نسيته بس الغلط بتحنله
وانت مفيش قد الحنين شيء بيتعبك
عيش زي ما تحب واللي تشوفه
اللي يشوفك بعين بطل تشوفه
الكلام اللي يزعلك قطع حروفه
اللي يتكلم للناس بسوء عنك
روحله واجهه بكلامه قدام ضيوفه
مفيش حد هياخد موقف منك
بس لو سكتت هيقولوا سكت من خوفه
متفكرش إن الكل ظنه نفس ظنك
كله بيفكر بطريقته وبيتكلم ع حسب بيئته وظروفه
عيش الحياة اللي تناسب عمرك وسنك
ملكش عندي غير النصيحة ، وبراحتك بقى واللي تشوفه
ش . ح
|