مش قادر أجمع مش قادر أجمع
ولا قادر أدمع
على كل حاجة حلوة
راحت من غير م ترجع
قلت اكتب عنها ف غنوة
جايز لحالة الصمت تشفع
تملي يزيد الألم ويقوى
ومين لآهات القلب يسمع
بيداري ورا حنيته كتير قسوة
كان إيه الدهب قبل ما شكله يلمع
لو مبقاش دهب كان إيه يسوى
رغم إنه مجرد لون لغير الدهب مش بينفع
مش قادر افكر مشغول بالي
في واقع واخدني من خيالي
في حزن وندم فوق احتمالي
لحد إيمتا يا هدوء الليالي
أبان بهدوء مستفز بعكس حالي
ليه معرفش اقول كلمة وانا مالي
مش قادر أجمع
مش قادر أرد واتكلم
ف نفسي بضيع
من أخطائي مش بتعلم
ف حيطاني بودع
عشان ملهاش إيدين تسلم
أنا اللي كنت مسمع
إني ف حل المسائل معلم
وان العيبة مني م تطلع
م اعجزش قصاد مسألة واستسلم
خلاص مبقتش قادر أجمع
ترتاح ازاي يا قلب وانت حتى راحتك بتتألم
ش . ح
|