[شاعر الحب الحزين]

خلصت سطور الكتاب
فاضللك إيه تقوله يا قلم
مش راحوا خلاص الأحباب
وراحت تضحياتك خدمة علم
الشعور بالحب والإعجاب
قضى عليه الشعور بالخذلان والندم
دايماً قافل عليك الباب
دايماً راحتك بيطعن راحتها الألم
مبقتش تحب اللمة والأصحاب
مبقاش عندك ثقة ف حد ولا عشم
حيرة كبيرة ومفيش أسباب
لحن حياتك مبقاش فيه أي نغم
حاضر بصورتك لكن قلبك غاب
وخده الغياب لحد ما بقت مشاعرك صنم
بقيت بتتعامل بكل برود أعصاب
مبقاش عندك أهداف لما بقيت انت الحكم
انت فقدت الشعور بالحب والإعجاب
لما حسيت إن وجودك في الحياة بقى زي العدم



ش . ح