| نكت يارب تعجبكم
1- واحد بيقول لصاحبه انت عارف في عيد جوازي الاول اخدت مراتي في رحلة لليابان قاله يااااااااه... امال في عيد جوازك العشرين بقي هتعمل ايه... قاله هروح اجيبها من اليابان
2- واحد بيقول لمراته.... انا النهاردة عايز رومانسية في البيت... راحت سألت مامتها يعنى ايه رومانسية؟؟ قالتلها: والله مش عارفة بس احتياطى انقعى الرز
3- نساء العالم اتحدن وقررن انهم مش هيعملوا أي حاجة من واجبات البيت.... وبعد اسبوع اتقابلوا
عشان يعرفوا النتايج
الزوجة الفرنسية: انا قلت لجوزي ميشيل انا مش هعمل حاجة في البيت الاسبوع ده كله
وقالت أول يوم ما شفتش حاجة وتاني يوم ما شفتش حاجة وتالت يوم بدأ يغسل ويمسح وقالي انتي بتتعبي خالص يا مراتي يا حبيبتي
الزوجة الانجليزية: انا قلت لجوزي انا مش هعمل حاجة خالص في البيت الاسبوع ده اول يوم ما شفتش حاجة... تاني يوم بدأ يعمل الاكل تالت يوم غدانى وعشانى بره
الزوجة المصرية: انا قلت لابو العيال انا مش هعمل حاجة في البيت الاسبوع ده اول يوم ما شفتش حاجة تاني يوم ما شفتش حاجة... ثالت يوم ابتديت أشوف شوية بعيني الشمال
4- واحد بيقول لمراته تصدقى جارنا بيقول انه خان مراته مع ستات العمارة كلهم الا واحدة بس؟ قالت له اكيد الولية الرخمة اللى فى الدور الرابع
5- واحد متجوز من 20 سنة وفيه دولاب عنده مقفول بمفتاح من يوم ما اتجوز وبياخد المفتاح معاه فى كل حتة.. مراته نفسها تعرف الدولاب فيه ايه انتهزت الفرصة وعرفت تاخد المفتاح وفتحت الدولاب لقت فيه 200 الف جنيه وبيضتين راحت لجوزها تسأله... ايه حكاية البيضتين دول.... قالها الصراحة يا حبيبتي كنت كل ما اخونك مرة اروح اشتري بيضة واحطها في الدولاب.... قالت كويس عشرين سنة جواز ومخانيش غير مرتين بس قالتله وايه حكاية ال 200 الف جنيه دول... قالها كنت كل ما اكمل كرتونة بيض اروح ابيعها
اتمنى انهم يعجبوكم وميكونش دمى ثقيل على قلبكم ولو فى مكرره معلش امسحوها فيا المره دى :shiny01:
وحستنى تعليقاتكم الجميله 
|