فى الحقيقة انا فرحانه جدا لان كان نفسى اوى انى اعمل مشاركة فى اى موضوع لحضرتك لان كلها مميزة جدا لكن للاسف مكنتش ببقى فاهمة حاجه ههههههههه
لكن الحمد لله الموضوع ده مش هبقى ببالغ لو قلت ده افضل موضوع قريته فى المنتدى
اكيد الحب الاول بيبقى له طعم مميز لكن من الطبيعى ان لما حد يبقى ماشى فى طريق بيبقى له احتمالات اما هيوصل للى هوه عايزه او لا فان الحب الاول فشل فالمفروض ان ده شئ محتمل فالصدمة بتكون خفيفة شوية
الحب الاول مش شرط انه ينجح
لكن على افتراض انه منجحش..نعمل ايه نموت نفسنا مثلا..لا طبعا الحياة هتستمر ولا حتى نزعل نفسنا لان ده قدر
وممكن فى اوقات كتير بنكتشف ان ده مكنش حب اصلا كان اى حاجه تانيه غير الحب
فى ناس ممكن فشل الحب الاول يدمرها ويعقدها..ودى بتبقى ناس ضعيفة جدا وممكن ضعفها يكون بيكمن فى انها ملقتش حد يقف جمبها فى محنتها ويساعدها انها تتخطاها
وممكن عدم وجود ناس جمبهم يرشدوهم وينصحوهم زى ما عزت عمل مع زاهر يكون بيرجع لانهم مش بيحكوا لحد اما بقى لخوف او ان مفيش صدر حنين يلجأوا ليه فى الظروف دى
وفى ناس بتتعب شوية وبعدين بتتخطى الازمة دى وانا بقول ازمة لانها بتتعلق بمشاعر الانسان اللى هى اغلى شئ عنده
المهم ان اى حد يتعرض لحاجه زى كده لازم يقوى نفسه وميسبهاش تضعف ومايبصش وراه خليك مركز فى بعدين علشان متتعبش اكتر
لانه فى يوم من الايام هيضحك بردو زى زاهر لاننا ممكن فى سن العشرين بنكبر المواضيع شوية ونديها اكبر من حجمها وزاهر ضحك لانه كبر وشاف ان فى حاجات تانيه تستاهل اكتر اننا نهتم بيها ولو ضاعت نزعل عليها مع انى ضد الزعل على اى حاجه ضاعت
اسفه طولت بس الموضوع عاجبنى اوى بصراحة وطريقة سرد الموضوع جميلة وهادية
وفقك الله
وجزاك الله خيرا
|