اقتباس:
المشاركة الأصلية كتبت بواسطة marwoo 
ليه تمللي ماحدش بيرضى بنصيبه
ويطمع في رزق غيره
او َعيِّلُه.. أو حبيبه
وإن مرة رزقه خده الغراب
يحلا في عينه ويستطاب
صدقوا اللي قبلنا قالوا
عينك الفارغة يابن آدم
ما يملاها غير التراب
وعجبي
عجبى
عجبى عليك يازمن
قالوا عليك غدار
وكانوا طول عمرهم
ماشيين مع التيار
مادام وراه مصلحة
يجروا وراه مشوار
ده الغدر من طبعهم
بس الزمان دوار
. . . . .
عجبى عليك يازمن
شايف قلوب الناس
شفت بعنيك يازمن
اللى ينافقوا الناس
وإن كان لهم مصلحة
يجروا ورا الخناس
ويهتفوا لحضرته
ويسقفوا بحماس
وإن أنتهى أو مشى
قالوا عليه نسناس
الأخت الرائعة
مروة
لم أجد من قاموس اللغة كلمات توفيكى حقك
فسمحي لى بخربشتى المتواضعة
بين جنبات روضتك البهية
من اليوم سألوذ الصمت
فالسكوت فى حرم الجمال جمال