يا فجـر يامستخبى
يافجـر . . يامستخبى
ورا ليل ملهوش نهايه
خايف من طول هوايا
صابر . . والليل طويل
صابر . . ويا طول أسايا
أمتى أشوفك ياليل
أنتى ح أشوفك معايا
يافجر . . يا مستخبى
ورا ليل ملوش نهايه
من يوم ما الشمس غابت
وأنا خايف . . مستخبى
الكلمة حروفها ماتت
والضلمة ساكنه قلبى
ساكن بحر فى دموعى
مش ساكن جوه دربى
يا سنين العتمه مالك
بتقيدى النار فى حبى
قلبى من يوم ماعرفك
مش هو ياعتمه قلبى
ح أكتب قصة حياتى
فى الضلمة بنور شعاع
نور الأمل اللى غايب
وفايتنى للضياع
ح أرسم قلبين وبينهم
ضحكه . . وعتمه . . وصراع
مشتاق للفجر لكن
الفجر باينه ضاع
الحزن فى قلبى ساكن
والفرح أسير خداع
قلبى عاشق سفينه
مصلوب فيها الشراع
يا فجر يا مستخبى