[Transporter]

اقتباس المشاركة الأصلية كتبت بواسطة sereen ياهلا ياهلا بترانسبورتر منورنى ويارب روميو وجوليت يشوفوا كلامك وانا معاك طبعا ان موقف (3) دة فلانتينو طبعا ردك عجبنى جدا ونورتنى فى المناقشة اسئلتى لك موقف رقم (2): انت قولت انه صادق ومتاكد من كدة....... اية السبب اللى يخليك متاكد انه صادق؟ هل تقدر تحب شخص دون ان تراة ؟ وهل يعتبر دة حب ناقص ويلزمة مقومات كثيرة؟ موقف (5): صادق ولاكذاب وبنسبة اد اية؟ موقف (7): هل ممكن تحب انسانة انتقدتك؟ موقف (8): اذا تعرضت لهذا الموقف مع العلم ان حب تلك الانسانة انتهى من قلبك ....كيف تعتذر عن الحب دة وبدون ان تجرح مشاعرها؟ سؤالى على نفس الموقف..... هل ستجد انه فرصة للانتقام من الجرح الذى سببته لك تلك الانسانة فيما قبل؟ طبعا انا عارفة ان انا سالت كتير بس متاكدة انك قدها وادود فى انتظار اجابتك

(2)هل تصدقى

من تحدثتى معه ولم يراكى او يسمع صوتك ولكنه احب كلماتك وطباعك وهدوئك وعقليتك وصفاتك ...وبعد فترات من الحديث يفاجئك بقول انا احبك... مع انك احستى بحبة ولكنك لم تبادليه اى مشاعر هل حبه لكى حقيقى ام انه مجرد اكبر وهم وهم به نفسه

بصي اقولك على شيء من تجارب شخصية يعني هو بداية بيكون اعجاب بشي ارتبط بيه ذهنيا وحسيا ومن تكراره بيكبر جواه وبيحس بحالة الحب من ناحيته وبيصرح بيه لانه متاكد من حبه للشخص دا علشان كده صرح بيه بالرغم من موقفه لكن كونها تتفاجي طبيعي لانها مكنش في بالها شيء زي دا بس صدقيني بتيجي لحظة بتغير الفكر دا وتخليها تحس فعلا بالحب الحقيقي وكل مشاعرها بتتجه نحوه هو ويمكن اكتر منه كمان بعد كده بتظهر كل العوامل المساعدة على اكمال الحب دا لو الطرف التاني اللي هو البنت كان عندها فعلا النية الصادقة للحب دا والحفاظ على استمراريته انا مش بجابك كلام اي كلام لا والله دا من تجربة شخصية اوي كمان

=====
(5)هل تصدقى

من تحدثتى معه مجرد كلام رسمى ولفترات متقاطعة ...وبعد ذلك يفاجئك بقول: انى ارتاح لكى فلا تتركينى

هنا بقى هو مش كداب لانه مقلش احب لكنه قال ارتياح بس ودا شيء عادي انا ممكن مرة واحدة يحصل قبول بيني وبين شخص وارتاح له واتمنى اني استمر معاه بس كمعرفة يعني مش ارتباط لان هنا مفيش تصريح بالمرة باي شيء دا فقط ارتياح للاعجاب او الانسجام الشخصي ومش كل ارتياح وانسجام يشترط له حب يعني نسبته قليلة اوي اوي

=====
(7)هل تصدقى

من دخلتى معة فى نقاش طويل عريض لدرجة انكى انتقدتيه وبشدة.... ولكن..... بعد فترات تجديه يقول *انا احبك*.....


والله من ينتقدني يعني بيحبي لانه انتقدني وجها لوجه وبردو ممكن يقلب باعجاب وليس حب لانه اعجب براي المعارض ويمكن يكون اول مرة يتعارض معاه ويتقبله بشكل رحب ودا ولد الاعجاب زي خالف تعرف كده
====

(8)هل تصدقى

من تعذبتى فى حبه وتمنيته ووصلتيه حبك له ولكنه لم يهتم بهذا الحب وبعد فترات طويلة من العذاب والنسيان تجدينه امامك يطلب الحب ولكن فى الوقت الذى انتهى فيه حبه من قلبك


مش محتاجة اعتذار يعني كفاية يعرف اللي اتسبب فيه وايه مبررات انتهاء احب دا ودي كفيلة اوي انها تتعبه لو بيحس يعني وبالنسبة للانتقام دا بيكون للنفوس الضعيفة بس لكن الواثق من نفسه خلاص العفو عند المقدرة والا بنساوي نفسنا بيه وبنشمت بشكل مبالغ فيه بغرض جرح الاخر جرح اقسى من جرحه لينا وانا مبحبش كده بصراحة



ومشكورة ويارب اكون جاوبت على تساؤلاتك بس لعلمك كلها بشكل شخصي يعني وكل واحد له رائيه
=====