ماتخافش يافــــــــــــراق... !
ده أنا حتى عشقتك
وصبحت إنت حبيبى وأنا رفيقتك
ومش عارفة لية وإزاى سبتك
عارف يافــــــــــــراق .........؟
مابقيتش أخـــــــــاف ........!!!
لو من بعيد أو من قريب جت سيرتك
أو يوم أنا أشوف صورتك
مطبوعة فى عيون سهارى
مجروحين طالهم ظلمك
سيبك إنت من رعشة إيدى
اهى بكرة تمر
أو دمعة لمعت فى عيونى
دى يادوب يافــــــــــــراق
دمعة حزن
وغريبة دى...............!!!
بقلق أوووى يافـــــــــــراق
من أى قــــــــــــــــــــــــرب
أولحظة أعيشها فيها حب
أو طيف طيب وفى
يرافقنى فى أى درب
وياااااااااااااااه عليك يافراق
قــــــــــــــــــــــــــــــــــادر
وفيك قــــــــــــوة
تهد فى لحظة
وتمحى ولا يهمك
تقرر مصاير وتحط ليها حد
تنهى وتأمر بكيفك ومافى حد
يقدر يقولك نص كلمة
مالك ياأخى إتهد
عندك مشــــــــــــاعر
ولا مخلص أوووى حضرتك
لمهمتك فى دنيتنا دى بجد
عارف إنت ليـــا
كنت أوفى صاحب
ولايوم شكيت
ملـــيــــــت
ولاقولتلى يافــــــــــــراق
نــــــــــــــــــــــــــــــفارق
و ااالله عليك يافـــــــــــراق
ماشى معايا على طول الخط
صادق معايا فى كلمتك ليا
مهما أنا اتشال وأتحط
هتفضل كدة ملازمنى
ولا إية بالظبط......؟!!!
إوعاااك تكون زعلان
يافـــــــــــراق منى
دى فضفضة على هبل
غصب عنى
تقدر تقول كدة لحظة ضعف
أوجـــــــــــنون منى
عارف أنا هسكت خالص
وهريحك من تفكيرى
وهضم حزنى
وأقفل عليا بيبانى
أل يعنى كانوا مفتوحين
قبل منك
ولا عمرى هندب أنا
سوء حظى
ولا أقول
يافــــــــــــراق
إشمعنى غيرى
هرحب بيك وأضمك
وهواجهك بكل اللى إتبقى
فيا من شجاعة ياسى فراق
وهقول إيه يعنى
لو وحدتى مصيرى
إليه وحده....[color="red"]...
من سحرنى هدؤه الحالم.. وكلامه الساكن.. ونظراته الحنونه
يدهشنى الآن حزمه وقوته عندما يحدثنى عن الفراق ...
هو لايعلم أننى إعتدته
عليا إذن الإنتظار حتى يعلن لى عن ميعاد فراقنا ......
وقتها سألعن غبائى وأنسحب فى صمت ....
مودعه إياه ومرحبة بحبيبى القديم لأقول لة إليك عدت من جديد
..................
رجعت ليك يافراق
[/color]