[Amonah]

صَبـٍـاح عِـيـْـد ولكْن لٍيـسً كـ أيْ عِـيَــْد ،، عندما يكـْون هُنـاكـ عِـيــٍد للـ جًــْرح
إعْلم أنْ هُنــآكـ شُمــوعٌ تـبـْكــي ,, وآهــاتٌ تـئـِن بضُـعٍـف ..
’,
ويظل لـ هذا العِـيـْـد طقوسه الخاصة .. وذكريـاتـه الأليمــه

/

مثل هذا اليوم جرحك من سنـه أقلـق منامـي
مثل هـذا اليـوم قلبـك شـد نيـات الرحيـل


مثل هذا اليـوم منّـك إنتهـت رحلـة غرامـي
مثل هذا اليوم عينـي ماغفـت لحظـة مقيـل


كان ودي بسْ أفهم وش سبب كسرك عظامـي؟
كان ودي تشوف قلبي وش كثر بعـدك عليـل


كيف أبوصف لك شعوري كيف أتمم لك كلامي؟
كيف توصف ريحة الماء ؟ .. ولاّ لون السلسبيل ؟


آآه ليتك شفت عينـي يـوم أعلنـت إنهزامـي
آآه جرحك مافطنتـه لييـن صاحـوا بالوليـل


آآه منّـك كـل ليلـه أذكـرك والجـرح دامـي
ولالي بشوفك طريقه ولالي يمّـك مـن سبيـل


آآه ليـت الآه تنطـق كـان ترسلـك سلامـي
زفرةٍ بأقصى ضلوعـي سهّـرت ليـلٍ طويـل


أسكنك وأرحل وأجيلـك ثـم يطعنـي حسامـي
أعشقك وأكره غـرورك ثـم أجافيـك وأميـل


ما عرف أضحك وحزني واضحٍ خلـف اللثامـي
ما عرف والله مقدر واللـي شفتـه مـو قليـل


يرحم الله هالبـراءه كنـت لـي كلـك مرامـي
كنت أكبر من طموح يحـط لـك حلـم ويشيـل


مرت الأيـام فينـي أذبلـك وأعيـش ضامـي
وأحلف بربي بأنـك ( طاهـر ومالـك مثيـل )


ياااه أنهيت القضيـه بـلا اتهـام ولا مُحامـي
لا ولا حتـى دفــاع ، لا ولا حـتـى دلـيـل


أوعـدك ماافتـح ملفـي ولا أخـلّ بألتزامـي
ولا أراهن بك صمودي وأنت مثـل المستحيـل


أوعدك أبقـى بعيـده فـي شتاتـي وانتظامـي
وما أذل النفس أكثر وأنـا كنـت أكبـر ذليـل


يرحـم الله المحبـه والوفـاء بالعهـد سامـي
وانت في عيني بـراءه لونـي بجرحـك قتيـل


مايغيـر مـن خفوقـي ومايقلـل مـن مقامـي
إني ابقى لك وفيه / تبقـى فـي قلبـي خليـل


بحتفظ بالصوره عندي لجل أشوفك كـل عامـي
وأضحك بوجهك وأنا اللي دمـعٍ بعينـي يسيـل


حتى بروازك يلوم / وكيـف أنـوي بأتهامـي
وألمح الدمعات تشكي داخـل الطـرف الكحيـل


ياحبيبي هذا يومـي يـوم جرحـك بإهتمامـي
بحيي الأيام ذكـرى وأسهـرك ساعـات ليـل


أحتفلت بعيد جرحك شمعه تشعـل لـي ظلامـي
وأنتظـر منـك هديـه وأعرفـك منـت بخيـل






’,





منقول


انشاء الله تنال اعجابكم