[ألاء الرحمن]

صباح/ مساء الخير يا حلويين

كل عام وانتم بخير

لاسباب خارجه عن ارداتنا حُذف الموضوع بالخطأ

واتوجه بعذرى الى كل من تكرم وعبر عن رأيه فى الموضوع قبل ان يتم حذفه

حيث انى لم استطع قراءه ارائهم وشكرهم عليها

وهنا اعيد كتابه موضوعى واتمنى من الكل ان يطرح وجهه نظره كيف نستفيد منها



الان وقد انتهيت من دراستى الثانويه

وقد مررت على مدار الدراسه الابتدائيه والاعداديه والثانويه باربع مدارس

ومررت ايضا باربع مديرات

وشاهدت طريقه تعاملهم مع البنات

كنت دايما بسأل نفسى

ليه دايما المديره بترسم لنفسها صوره بتكرهنا فيه ؟!

ليه دايما غضبنه .. زهقانه .. متنرفزه

ليه بتزعق وتصرخ وتهزق

ليه مجربتش تعاملنا بالحنيه والحب

ليه دايما فى بالى ان المديره دى كائن مرعب

اكيد طبعا مش كل المديرات كده بس معظمهم كده

والله انا مره كنت رايحه المدرسه

لقيت المديره نازله من عربيتها عشان تدخل المدرسه

والله من ساعه ما كانت فى العربيه لغايه مادخلت وهى مكشره وحواجبها اتلزقوا فى بعض من كتر التعصب اللى

مرسوم على وجهها

ليه مشوفتش مديره تجمع بين الحزم والحنيه

ليه مشوفتش مديره تقرب مننا ونحبها وفى نفس الوقت ساعه الجد جد

قرارتها حازمه وجاده

ولكن فى نفس الوقت تمتلك قلبا رقيقا كى تمتلكنا

هل السيطره علينا لاتأتى الا بطبع الكره تجاهم فى قلوبنا

هل معامله الحب معانا فاشله ؟؟!!

هل الحنيه معانا متمشيش؟؟!!

هل مفيش وسيله للتعامل غير القسوه ؟؟!!!



موضوع احببت ان اطرحه للنقاش

وكى اعرف هل انا الوحيده اللى شايفه كده ولا ايه

ولكم منى ارق تحيه