[SiLver Spectra]

اقتباس ليس معنى هذا انى انادى بالضد لمجرد الضد ولكن الضد للثراء الفكرى فقط

هي التسمية الافضل ليست الضد

في الافكار بنقول الراي الآخر

لأن كل شخص بيشوف إن الي عكسه في الرأي هو الضد

لذلك يقال الراي و الراي الآخر

و ليس الراي و الضد


لو غاب الرأي الآخر من المجتمع تعرفي إن في شيء خطأ

أو بمعنى أصح أن المجتمع بيحكم من نظرة واحده

و للأسف أعتقد الحال الي وصلناله هو عدم القدرة على فهم معنى الراي الآخر

فتلاقي الملك أو الرئيس او أيا كان مسمى الحاكم ...

رايه هو الصواب و لا غبار عليه و لا يناقش فيه

أو حتى كان عالم دين....

المأساه الحقيقية هي إن الناس مش بتفكر!!

بتسمع و بتنفذ

يعني تسأل واحد رأيك ايه في الموضوع يقولك و الله الشيخ الفلاني قال كذا أو القضية عليها خلاف

طيب انت فين رأيك و تحليلك الشخصي!!

و لو تسأله مين العلماء دول مثلا!!

هيقولك ما أعرفش

علماء مثلا اختلفوا من 500 سنة و ماتوا و ظلت القضية عالقة

بدل ما تحسم

و لا خلاص المجتمع اختفى فيه العلماء!!

اذا انت بتعاني من مشكلة تفكير قبل ما تكون مشكلة اختلاف رأي

لأنك في الحالة دي هتناقش عقل إنسان بلسان ناقل


شكرا على موضوعك يا ميس ايجيبت