[منى خالد]

مش عارفه ايه جرالها بسمتها راحت فين ليه دمعتها الحزينه جارحه الخدود والعين قلتلها مالك حبيبتي ... شكلك باكي حزين قالت .... كان حبيبي وكنا سوا متعاهدين ما نفارق بعض ابدا قال .. اني حب السنين وفي يوم كلمني بيبكي قال حصل حادث أليم جريت من لهفتي ... مادريت انا رايحه فين لاقيته ..... سعيد متهني ومحضر ليه كمين قال ايه رأيك حبيبتي ... عشنا نملاه حنين اترجيته يسبني ولا اكون م المكسورين قال من ايه تخافي ؟؟ وزفافنا أكيد ويقين اترجيته كتير لكن سبني من المجروجين دلوقتي اعمل ايه وانا بين أحشائي جنين قلت لها ... هاتي عنوانه أكلمه كلمتين قالت سألت عليه قالوا سافر من شهرين انا كنت حلم اهلي اللى انتظروة سنين كتير قالت لي امي ... لزفافك مشتاقين ضيعت كل مناهم وهايعيشوا مكسورين وبأيه هايفيد ندمي القلوب المجروحين ؟! يا كل بنت حاسبي من الآعيب الشياطين بأسم الحب تنخدعي وما تجني غيرالآنين خدعتني دمعته .... وشوفي مصيري فين