[** MiSs EgYpT **]

المشاركة الأصلية كتبت بواسطة SiLver Spectra ~

موضوع رائع يا همس...

أحيكي على طرح الفكرة الرائعة

الأسماء الي ذكرتيها

البرادعي عمر سليمان عمرو موسى

أنا شايف إن ال3 شخصيات جديرة بالمنصب

مين قال إن 70 سنة في الحياة السياسية كتير!!

بصفة عامة

الراجل السياسي عشان يكون صاحب خبرة لازم ما يكونش أقل من 40 سنة

حتى ال40 قليل جدا

و دا بنشوفه في أغلب الحكام

مش كلهم لكن النسبة الأكبر بيكونوا كبار

غير مثلا أوباما...جون كيندي (اصغر رئيس مسك الولايات المتحدة)




صح كلامك سيلفر

ولكن انت عارف

احنا لما بيكون عندنا رفض لشى

بنبحث عن سبل للرفض

رغم اننا عندنا الى فوق الثمانين

ومازالو متمسكين بالكرسى








عارفة العائق الي بيحول أمام الحكومة و الي بيمنعها من الحياة الديمقراطية الحقيقية ايه؟

الاخوان

خايفين الاخوان يمسكوا البلد....

كتجربة واقعية

حركة حماس هي نفس مذهب حركة الاخوان

و حركة فتح هي مذهب أغلب الحكومات العربية

شوفنا الوضع في فلسطين

الأول حركة فتح كانت ماسكه كل زمام السلطة بدون انقسامات داخلية

بعد ما لجؤوا لانتخابات حقيقية فازت حماس و من بعدها دخلت الحياة السياسية

و وصل الحال لما وصل اليه


الحكومة في مصر كانت متنبأه لوضع الاخوان السياسي منذ تولى جمال عبد الناصر الحكم


و دا أهم سبب بيخلي الحزب الحاكم يمارس الضغوطات السياسية و عدم الشفافية في الانتخابات

و يضاف اليه طبعا المصالح الشخصية و حب النفوذ و التحكم


هنفضل نعاني من الوضع الحالي طول ما مافيش حزب كبير بيواجه الحزب الوطني

و دا موجود في بريطانيا مثلا (حزب العمال و حزب المحافظين)

(الديمقراطيين و الجمهوريين) في أمريكا

وجود حزبين كبار هما الي بيوزنوا المعادلة السياسية بكل مقاييسها


الي هيحصل و كلنا متوقعين

يفوز الحزب الوطني

و يحكم مصر من ينوب عن الحزب الوطني الديمقراطي


شخصيا نفسي نغير الحزب الحاكم

نفسنا نلتمس نظام جديد بزعامة جديده

قد يفشل و قد ينجح

و لكن نجرب...

للاسف مكتوب علينا ما نشوفش تغيير سياسي حقيقي




بص سيلفر الاخوان عمرهم ماهيمسكو الحكم فى مصر
لان محدا هيعطيهم الفرصه
واظن احنا شوفنا الى حصل مع النقاب

واعتقد لست وحدك هكذا
فكلنا واعتقد النسبه الاكبر من المصريين يريدون التغيير
وخاصة اننا لانشعر بتواجد حزبى بمصر
سوى الحزب الوطنى
واعتقد ان التغيير مرفوض وسيحارب من جانبهم
والبدايه ظهرت
فجميع الكتاب واجرائد المواليه للحزب الحاكم
بدأت فى معارضة فكرة هيكل
بل وصل بالبعض ان يصفه انه كبر وخرف
يا الهى
لنا ولك الله يامصر





شكرا على الموضوع يا همس






لشكر موصول ليك سلفر

دمت بود

همس