انا الحمد لله عايشة دلوأتى فمصر بس جربت الغربة عنها من حوالى 15 سنة وكان احساسى وحش اوى كنت كتير بتعدى عليا ليالى وحشة اوى وافضل اعيط نفسى ارجع اسكندرية والناس وصحابى وحشونى والشوارع والبحر والموضوع كان اصعب كتير من دلوأتى مكنش فى نت ولا موبايلات يعنى كنت بحس انى فى المنفى , كنت بعرف اخبار اصحابى بالجوابات تخيلو؟؟؟ يعنى اكتب الجواب وابعته وصاحبتى تقراه وتبعت رد يعنى فيها شهر عشان اسأل ازيك واسمع الحمد لله... ووسيلة الاتصال وقتها كانت تليفونات العملة طبعا انتو عارفين كانت عاملة ازاى تقريبا كانت كلها بايظة التليفون يبلع الريالات وماينطقش ... يااة دة الدنيا اتطورت اوى نت وكاميرات وموبايلات يعنى بيتهيألى دلوأتى ارحم من الاول عالاقل لما احب اتطمن على حد واعرف اخباره واسمع صوته وحتى اشوفه هقدر لكن طبعا يبقى الاحساس بالغربة والبعد عن الاحبة موجود
ربنا يهون على الجميع غربتهم ويردهم لبلدهم واهلهم سالمين يااااااااااارب
|