[zeanalabden]

غريق

اه من الحب وعذابه
واللى انكوى من احلامه
الغرام يا ناس قاسى
نرضى بيه ونقاسى
والحبيب بعد الاسيه
يلين قلبه وما يزعلشى
يسوق دلاله شويه
ويعمل نفسه ما يعرفشى
====
ساعه القلوب تفرح له
وساعه تتعذب بيه
قد ايه لوعتى بحبى
وانا يا ناس ما بتوبشى
مقدارش اقوله
ابعد وانسانى
وانا اللى ناديته ما انكرشى
انا غريق فى بحر هواه
وانا فى العوم ما بعرفشى
خلى رموشك مجاديف

خدنى عشان مغرقشى
وخلى ضلوعك متاريس
وجوه القلب ما تشلشى
الا االهنا والمنى
وغيرها ما تعرفشى



بقلمى واهداء خاص
شاعر العامية
زين العابدين