الى ما يشترى يتفرج

[big bốss]

مساء الخير

كل سنه و شعب مصر بخير

هتكلم النهارده عن مشكلتين منتشرين فى مجتمعنا بصوره مستمره

و متكرره اول حاجه تكون نايم فى البيت او بتتكلم فى الموبيل

و فاتح البلكونه او الشباك و تلاقى عربيه بتبيع خضار او عسل او سجاد ....الخ

و داير بالميكروفون وسط الشارع و باعلى صوته و ينادى و يقول علشان يبيع

بضاعته الميكروفون بيعمل ازعاج جامد و ضوضاء للاهالى

طيب ايه رايك فى التصرف دا ؟ و هل مبرر انه علشان يبيع يشغل ميكروفون

و يزعج الناس ؟

الظاهره التانيه البائعه الجائلين فى القطر ، تكون فى امان الله مسافر

و تلاقى الى يرمى كيس لب او ينادى بصوت عالى يلا بيبسي حاجه ساقعه

و طبعا يدخل و يتزنق و عامل ضوضاء هو القطر وسيلة مواصلات ولا سوق

للبيع و تلاقى الشرطه بتاعة القطر لا بيها ولا عليها مش عمله اى حاجه

تشوف الناس تتخانق و لا ليها دعوه امال مسئوليتكم ايه ؟


ايه رايك فى ظاهرة البيع فى القطر ؟ و المفروض نعمل ايه علشان نحلها ؟

و ايه رايك فى شرطة القطر ؟





و كمان بيبيعوا فى المترو

[نور ونار]

الناس اللى بتعلى صوتها دى عشان تبيع
ناسيه حاجه مهمه جدا
لا حيله فى الرزق ولا شفاعه فى الموت
وده رزق والله لو جاب ميكرفون يصحى
البلد كلها رزقه مقسوم ومحسوب
وقانونا ممنوع استخدام مكبرات
الصوت فى الكتل السكنيه الا بتصريح
وعشان احنا بنمر فى فتره صعبه
كان الاول اى حاجه من دى رنه واحده
لقسم البوليس كانوا يقوموا بالواجب
دلوقتى قول حسبى الله ونعم الوكيل فى سرك :d
لان الدين طبعا لاضرر ولا ضرار
عشان بس محدش يقول ده اكل عيش
ومش حاسين بالطبقه دى
وهناديلك حقوق الانسان والكلام ده :d
اما موضوع المترو والقطارات والبيع فيه
مش هقول المنظر والكلام ده
وشكل العام لا بس هقول حاجه مهمه جدا
هو مش واخد باله انه واخد مكان شخص
فى مواصله عامه ممكن يكون رايح شغله
او مريض رايح يتعالج او غيره
ممكن بدل ما يطلع على القطر او المترو
يبيع فى المحطه وعدد الدقايق اللى ناس واقفه
فيها ويمشى يبقآ كده ولا ضر حد ولا ضايق حد
ولا كمان احرج بنت او ست وكمان مش عمل مشاكل
مع القوانين
نور موضوع قيم
حقوق الانسان لو سالت عليا انا فى مشوار = ))

[احساسى صحيح]

ههههههههههه
يا نور احنا عالم تالت انتا نسيت ولا اية
طول عمر بلدنا كدة
وهى الدول الفقيرة عموما هو دة الشائع فيها
مش مثلا زى اوروبا
هناك اسواق للخضار والفواكة والحاجات دى وماركتات الكبيرة وكل حاجة عليها اسمها
بدون ما اى حد ينادى ولا يزعجك
ولا القطارات ,, تلاقى الشيف لابس الحتة اللى على الحبل وممكن يكون اشيك منك وبيقولك يا سير ومحترمك وبيستسمحك تشرب اية
يا عم انتا بتتكلم فى اية
تعالى ننام انا وانتا ونحلم هههههههههه

[موري كول]

اه والله عندك حق بيعملو ازعاج جامد

وحكايه البياعين دي منتشره اوي وخصوصا في القطرات العاديه الرخيصه
يعني مثلا قطرات الصعيد اللي هي درجه اولي بيكون مش فيها ازعاج جامد كده

اما لو هو قطر عادي من ابو 27 جنيه ده والله كل ثانيه تلاقي اللي بيبيع حاجه شويه ســــبح وسلاســــل وشويه سندوتشـــات وشويه مايـــه وشويه عطر تلاقيه ماشي يرش عطر عليك علشان تشتري هههههههههههههه
وشويه خيوط ولضمات ابر ومجلات وشربات وشواحن للتليفون وجرابات كل حاجه تلاقيها بتتباع

بصراحه انا ركبت فيه مره وهي المره حرمت اركبه تاني

[™Amiliya]

بص نور انا مشفتش الحاجات دي غير في التلفزيون والمكان الي كنت عايشة فيه كان ممنوع يدخلو الناس دي تبيع

بس من كلامك والتلفزيون دا منظر غير حضاري بالمرة

ولا عمري شفته الا في التلفزيون المصري

وكننت اصلا مكدبة انه ممكن يكون في حد كدا بس حاجات كتير اجهلها في مصر ومعرفهاش

الازعاج بكافة اشكالو مرفوض وفرض الاخر نفسه عليك مرفوض سواء بقا بيكسب رزقه والكلام دا ميصحش

في دول انا زرتها الناس الي بتبيع وبتعلي صوتها وتنده ع حاجاتها للبيع بيكون لهم مكان مخصص لممارسة
النشاط دا بعيد عن ازعاج المارة او السكان

مصر طالما فيها ناس لسة مش عارفة تفهم اخلاقيات ازاي نحترم الناس عمرنا منمشي خطوة لقدام

[مُنـــــايا]

هذه ظاهره متواجده بشكل واضح احتلال هذه الفئة لكل أرصفة وشوارع المدينة وأزقتها وعرقلة حركة السير مما أدت إلي فوضي واستخدام مكبرات الصوت بطريقه فوضويه لازعاج السكان ناهيك عن تلوث الشوارع بمخلفاتهم وانتهاك حرمة المساجد فــ حدث ولا حرج .... وإن تحدثت اليهم يعدونك ممن يمنعهم من مهنتهم بغلق مورد رزقهم الوحيد غياب الأمن له عامل قوي في انتشار تلك الظاهره اما بالنسبه للقطارات فـ ده شي مهين بصراحه وليس حضاري بالمره مما يقومون به من إزعاج المسافرين وإحراجهم بإلقاء بضاعتهم عليهم وكأنك داخل كمين من الباعه الجائلين فوق وتحت وبياعين فاكهه وحلل وملابس وكل حاجه تتخيلها دة احتلال للباعه الجائلين... المفروض يكون في إجراءت حاسمه لهذه الظاهر والحد منها موضوع قيم نـــــــور يسلموا ع الطرح

[إيلاانا]

لو كان في ضوابط مكان صار بشكل الملحوظ

بس بعض العقول صعب الواحد يفهمها

بس افضل مليون مره من ظاهرة الشحاتين

يلي يمشوا وراك ويلزقو فيك يكرهوك المشوار والطريق والتسوق


طرح لقضية جدا منتشره

مشكور على المجهود الرائع منك أخي

تحياتي لك ودعواتي بالخير

بقايا صمت

[Silver Flower]

اه مزبوط كلامك إحنا عنا هون ما في ليه ؟ألأنه اليهود بيشددوا يعني أي بائع أو متسول بيقوموا بحبسه
بس لما انكون على حاجز قلنديه وألحته دي مش عروفه هي من مناطق السلطه الفلسطينية أو اليهوديه و المنطقة دي سايبه بتلاقي الباعه بتجولوا بين العربيات والمشكلة الأكبر
انه بيضقوق عشان تشتري
طيب يا عمي ما بدي اشتري هو الشغلة غصب كمان
جد منظرهم مش حلوا أولا
تأنيا الازعاجات
وبعدين لو في مكان مخصص الهم
بدل البهادل الي بيعملوها
شكرًا الك ولموضوع الي صحيح مزعج ولازمه حل

[Islam Hagras]

فعلاُ ظاهرة موجودة
وبيعملوا ضوضاء ...

لى عودة بالمناقشة

[big bốss]

اقتباس المشاركة الأصلية كتبت بواسطة نور ونار الناس اللى بتعلى صوتها دى عشان تبيع ناسيه حاجه مهمه جدا لا حيله فى الرزق ولا شفاعه فى الموت وده رزق والله لو جاب ميكرفون يصحى البلد كلها رزقه مقسوم ومحسوب وقانونا ممنوع استخدام مكبرات الصوت فى الكتل السكنيه الا بتصريح وعشان احنا بنمر فى فتره صعبه كان الاول اى حاجه من دى رنه واحده لقسم البوليس كانوا يقوموا بالواجب دلوقتى قول حسبى الله ونعم الوكيل فى سرك :d لان الدين طبعا لاضرر ولا ضرار عشان بس محدش يقول ده اكل عيش ومش حاسين بالطبقه دى وهناديلك حقوق الانسان والكلام ده :d اما موضوع المترو والقطارات والبيع فيه مش هقول المنظر والكلام ده وشكل العام لا بس هقول حاجه مهمه جدا هو مش واخد باله انه واخد مكان شخص فى مواصله عامه ممكن يكون رايح شغله او مريض رايح يتعالج او غيره ممكن بدل ما يطلع على القطر او المترو يبيع فى المحطه وعدد الدقايق اللى ناس واقفه فيها ويمشى يبقآ كده ولا ضر حد ولا ضايق حد ولا كمان احرج بنت او ست وكمان مش عمل مشاكل مع القوانين نور موضوع قيم حقوق الانسان لو سالت عليا انا فى مشوار = ))

فعلا البائعه دول مش عندهم قناعه بان الرزق بايد ربنا

بس هما بيعملوا كل الحيل و يضروا الناس علشان يكسبوا

و احنا محتاجين قوانين تجرم الافعال دى

شكرا نور لرايك