الحلقة الخامسة من حوار خاص ومعانا ( big bốss )

[عاشق متيم]

بسم الله الرحمن الرحيم النهارده معايا فى حوار خاص ضيف غنى عن التعريف ضيف متميز جدااااا ؛ اطلق عليه القاب كتير منها الجوكر والدينامو معايا مشرف قسم النقاش والحوار big bốss مشرف النقاش العام البطاقة التعريفيه للعضو اسمى نور شاب طموح و واثق فى نفسي و فى قدراتى و عصبي جدا رغم هدوئى حساس رغم برود من حولى عنيد جدا و مش بستسلم او بأيس بسهوله دائما بفكر بعقلى رغم سيطرة قلبي حياتك 1- انت كان ليك قصة حب ولم يكتب لها النجاح ؛ اسباب عدم التوفيق ؟؟ وحالتك بعدها كانت عاملة ازاى ؟؟ انت قلت انك كنت سجين الغرفة ؟؟؟ القصه دى مثار اعجاب و تسالات كثير من الناس مش عارف السبب المهم كان فيه قصة حب و محصلش نصيب بعد الخطوبه لاسباب خاصه فرضت نفسها غصب و اقتدار حاولنا و بشده و لكن مقدرناش نفضل مع بعض رغم تمساكنا الحاله النفسيه كانت وحشه اوى كنا زى الطير المدبوح بس السكينه تلمه و الطير بيتالم و بيهتز بشده محتاج حد يكمل دبحه و يريحه من المه اه كنت سجين غرفتى و لكن هل السجن يمنع انكسار النفس و جرح القلوب ؟ الواحد كان بيستخبي علشان محدش يشوف منظره و هى نفس الحاله دى بس منظرها كان ابشع منى بصراحه لسه فكره لدلوقتى من اربع سنين 2- بعد فشل قصة الحب انت قلت ربنا يسامح الى كان السبب لن اعرف الحب ولن يدخل قلبى ولن اعيش فى وهمه فقد انتهت حياتى بسببه وضح لنا ؟؟؟؟ كنت عايش حاله من عدم الاستقرار و الحيره و التألم فكنت مشوش جدا و من شدة الالم كنت محتار بين البقاء فى الحب او قلع جذوره حتى انسي و اكمل حياتى فكنت بنتعى الى كان السبب ربنا يسامحه 3- الكلمات دى بتمثل لك ايه زعلان حس اللى بيا حبيبى حرام مقدرش انا مشتاق وسايبنى ليه وما بينا غرام مقدرش انا ؟؟؟؟؟؟ انت عرفت الحاجات دى من فين دى اغنيه كانت هى بتحبها و كنت بصالحها بيها 4- انت قلت عشق النفس اقوى واولى ؟؟ شايف ان رأيك ده صح ؟؟ وبنيته على اى اساس ؟؟؟ اه عشق الروح و النفس اقوى لانه مبنى على اساس ثابت لايتغير على عكس عشق الجمال او الجسم لانه عشق مؤقت بالى بيتغير بتغير الزمان و استمرارية الحب محتاجه اساس ثابت حتى تستطيع مجابهة تقلبات القدر و صدماته 5- ليه شايف ان الفراغ العاطفى مشكلة وراحة فى نفس الوقت ؟؟؟ على راي ام كلثوم لا الخالى مرتاح ولا الى بيحب مرتاح بس الحب بيخليك عايش فى عالم تانى و لك هدف و كيان و بتشعر بذاتك و ان ليك توام لروحك غير لما تكون عايش لوحدك و خالى ولا قيمه لك 6 - ليه اطلقت على نفسك لقب العاشق المجنون ؟؟؟؟ ما الى بيتنيل و بيحب ما بيتجنن يااخويا مش بيقعد سليم 7- هل تحس بالوحدة ( انت قلت امى تركتنى وابى انشغل عنى ) ؟؟؟ انا عايش انا و امى و اختى و ابي مع نفسه فى مكان تانى و انا دماغ مع نفسي 8- لمن قلت تحياتى لمن دمر حياتى ؟؟ وحياتك ادمرت ازاى ؟؟ ادمرت و اتصلحت تانى و الحمد الله 9- التاريخ ده بيمثل لك ايه ( 30/8/2010) 20 رمضان 1431 مش فاكر هى 2010 كلها سوده كانت 10- طفولتك كانت عاملة ازاى ؟؟ ولما بتبص لاخوك فارس بتتذكر ايام الطفوله وبتحن لها ؟؟ الطفوله دايما جميله و حلوه و كلها براءه و مفيش مسئوليه اه فارس طالع امور زيي و كلبوظه كدا 11- ليه اطلقت على بنت الجيران ( مدمنه نور )؟؟؟؟؟ كل ما تشوفنى تتجنن و تسال عن و كانت بجحه اوى تكلمنى قدام امى و تسالنى و انا اتكسف 12- جامعة اسيوط بتمثل لك ايه ؟؟؟ بتمثل درب العلم و النور و التفتح و الانفتاح 13- هل فى شخص هو صندق اسرار نور ؟؟؟؟ اه فيه شخص واحد بس يعرف عنى كل حاجه 14 - ايه اصعب لحظة مرت عليك فى حياتك ؟؟؟ لحظات كتير صعبه مرت بحياتى و لسه لما تمر المهم انى لسه انسان زى ما انا بقلب و ضمير 15- ايه الحاجة اللى ممكن تعصبك ؟؟ الغباء و اللامبالاه و التطنيش و الى يحرق دمى 16- ايه اكتر صفة بتحبها فيك ؟؟ وايه اكتر صفة عاوز تتخلص منها ؟؟؟ بحب ثقتى فى نفسي اوى الحمد الله و نفسي اتخلص من عصبيتى السريعه 17- علاقة نور مع اصدقائه وزمايله فى الشغل عامله ازاى ؟؟ وهل قطعت علاقتك بصديق ؟؟ كان ايه السبب ؟؟ علاقتى حلوه اوى مع كل الناس الى فى الشخص و الجيران و الكل بيضرب بيا المثل فى حضورى و غيابي و الحمد الله و دى حاجه فرحانى اوى مع انى بتعامل مع فئات عمريه اكبر منى بس احترامى مفروض على الكل 18- لو معاك 10 مليون جنيه تعمل بهم ايه ؟؟؟ هشترى عربيه هامر لونها احمر و هروح اسافر على امريكا عدل الفها ولايه ولايه و بعدها هدى مصر مليون جنيه تحل ازمتها الاقتصاديه و روق و اروشن كدا بصراحه تخيل الموقف صعب لانه هيختلف عن الحقيقه 20- مواصفات فتاة احلامك ؟؟ وليه مش اتجوزت لحد دلوقتى ؟؟؟؟ فتاة احلامى مواصفاتها : - اخلاق - ذكاء - موزه - سمبتيك - استتيل - هاديه - بتحبنى و تقدرنى شعرها طويل ليه مش اتجوزت اهم سبب انى بصرف على اسرتى و لسه يعنى ربنا يسهل الامور وجهة نظر 1- شايف الاعتذار ضعف شخصية ولا احترام للذات ؟؟ وهل بتعتذر لما تغلط ؟؟؟ الاعتذار هو احترام للذات لانه اعتراف بالخطأ و عدم تكبر انا بعتذر عندما اخطىء 2- لو شخص فهمك غلط؟؟؟ هل بتحاول تفهمه وهجة نظرك ولا بتكبر وتسكت منعا للجدال ؟؟ لا طبعا بحاول افهمه الحقيقه و اعرفه وجهة نظرى فى كل الحالات 3- مع او ضد ان الشخص بعد ما يتزوج يسكن فى بيت اهله ؟؟ ولا يسكن فى شقة منفصلة ؟؟؟ وليه ؟؟ هى حسب الظروف لو مقتدر يسكن منفصل و دا الافضل لو مش قادر يتجوز مع اهله و لما تفرج ينفصل لان الانفصال استقرار و خصوصيه احسن حاجه فى الزواج 4- شايف ان جرأة البنت شجاعة ؟؟ ولا قلة احترام ؟؟؟ فيه جرأه فى البنت بتعجبنى جدا فى حالات معينه و فيه جرأه بتعتبر بجاحه و قلة ادب و النوع دا بيستفذنى جدا 5- رأيك فى الحب عن طريق النت او التليفون ؟؟ النت او التليفون بيكون وسيله لبداية التعارف زى الباب كدا بعد كدا الارتباط بياخد مجراه الطبيعى زى الجواز العادى وتكويت صداقات عن طريق النت ؟؟؟ عادى برضو لان الواقع صدقاته بتكون اساسها المصلحه اما هنا اساسها الصداقه رأيك فى تدخين البنات ( سجاير - شيشة ) دى بنات دماغ و احلا حاجه لما تشيش مع الموزه فى شيشه واحده 6- رأيك فى الزواج المبكر فى بعض القرى والصعيد ؟؟؟ كارثه اجتماعيه لانها بتحدث فى مصر بحرى او قبلى لم تتجاوز 14 عام و تتجوز طيب ازاى ؟ و ليه ؟ بيقتل طفولتها و بيحملها مسئوليه هى مش قدها و بيظلمها و لازم قانون حاسم يجرم دا 7 - رأيك فى الهجرة غير شرعيه ؟؟ وايه اللى يخلى الشباب تعمل كده وهى عارفة انها ممكن تموت ؟؟؟ البلد حالها واقف و الشباب عايزه تكون نفسها و تعيش اهلها هتعمل ايه ؟ و بتعرض نفسها للموت ربنا يكون فى عونهم يارب 8- ازياد المعاكسات كل يوم ؟؟ ايه السبب من وجهة نظرك ؟؟؟؟ الكبت و انتشار الاثاره علنا فى الاعلام و لبس البنات و الانفتاح و استيراد الاخلاق الغربيه و افكارهم و انعدام الامن و قلة التربيه سياسة شايف مستقبل مصر ازاى ؟؟؟ حال مصر هيتعدل بعد الاخوان الشرطه رجعت تسيطر على البلد و هيبة الدوله رجعت بعد المولد الى كنا فيه و الارهاب و البلطجيه رجعوا السجون تانى مكانهم الى متعوديين عليه و ان مستبشر خير الاوضاع هتبقى افضل و احسن لانى حاسس بتحسن فى البلد خصوصا بعد صدور قانون الحد الادنى للاجور 2- رأيك فى مظاهرات الاخوان ؟؟؟ ضدها لان مرسي خلاص مش هيرجع ايه لزمت اننا ندخل تحدى ضد الجيش و الشرطه و الشعب و ضحايا كل يوم و نقول الجيش بيقتل الشعب و ليه عايزين يوقفوا حال البلد بالحملات بتاعتهم غير الارهاب و التفجيرات بصراحه حبيب العادلى و مبارك له حق يعتقلهم دول زى التتار ملهمش مكان وسط البشر او البنى ادمين 3- ليه قلت هسيب الصعيد وهروح اى محافظه تانيه لحد ما الاخوان يسيبوا الحكم ؟؟؟ لان فترة حكم مرسي مفيش امن و الدنيا خربانه عندنا سلاح و رصاص و تار و الكلام دا فدايقت جدا و قررت انى هستقر و اعيش بعيد عن الصعيد فى القاهره بس الامور دلوقتى هديت عندنا الحمد الله لما الشرطه اشتغلت الناس خافت اصل احنا شعب نمرود 4- ليه شايف ان مصر ما ينفعش يحكمها غير عسكرى ؟؟؟ لاسباب عده - العسكريين اكتر ناس عندها خبره و عارفه اسرار مصر الخارجيه و الداخليه - عندهم نظام و حزم و عقليه قياديه - ناس وطنيين و دخلوا حروب و كفايا انهم عندهم ولاء للوطن و لما دخلوا الجيش وهبوا اروحهم للوطن دون مقابل و فى اى وقت - اما الحاكم المدنى مش هينفع لانها احزاب طماعه فى السلطه من التيار السياسي الاسلامى للعلمانى 5- ردك على من يقول ان السيسى مجرم ؟ اولا السيسى دا مين الى اختاره و عينه وزير دفاع الاخوان و كانوا عارفين انه رجل تقى و عارف ربنا علشان كدا اختروه و لما وقف مع الشعب ضدهم بقى كافر و قاتل و مجرم هما كدا معانا تبقى مسلم ضدنا تبقى كافر اصل هما ملايكه نازله من السماء زى ما بيقول بديع الانقلاب على مرسي اعظم من هدم الكعبه منتدى 1- اغلقت احد المواضيع قبل كده وقلت ان صاحب الموضوع كان بيلقح كلام ؟؟ هل كان بيلقح كلام فعلا ولا الحكاية ايه ؟؟؟ كل الحكايه انى بكتب مواضيع شبيه بالسياسه بس بعيده عن الاخوان و الجيش الى هما سبب الاحتقان بين الاعضاء فهو اشار لكدا فى موضوعه و انى قدوه فى التجاوز بدل ما يقدم شكوى لو معترض عليا فى حاجه دا من حقه فقفلت التوبيك و حذفت الردود 2- سبب حذفك لاحد ردود بودى وهو ذعل ساعتها وقال انك بتحذف اللى مش بيعجبك ؟؟؟ بودى حبيبي دا انا قربت اقفل القسم علشانه اصله متعصب اوى انا بحذف الردود الى بتخرج عن مضمون الموضوع و تقلبه سياسى فهو فى الرد دا قال انقلاب عسكرى و السيسى فحذفتله الرد علشان خرج عن المضمون 3- سبب اختلافك مع جبل عالى وارسلت لهااعتذار فى شريط الاهداءت ؟؟؟ دا انت متابع كل حاجه دا اختلاف بينى و بينها فى قسم الاشراف اتقلب لخناقه فانا اتعصبت عليها فكان لازم اتعذر لها 4- اعتبرت كلام الدكتور طارق ليك فى حواره معايا نقد ؟؟ هل ذعلت ؟؟؟ اعتبرته نقد - بس هزعل ليه يعنى طارق انسان عادى و قال وجهة نظره فيا زى ما انا هقول وجهة نظرى فيه 5- هل لو حصل انتخابات اداريه ممكن نور يترشح ؟؟؟ انا لاقى نفسي فى الاشراف و وجهودى بلاقيه لما القى قسمى انشط الاقسام و بفرح لما القى الكل مستفيد من القسم علشان كدا اقصى طموحاتى هى الاشراف - و لن اخوض الانتخابات الاداريه فشرف اشرافى على النقاش و حل مشاكل الاعضاء اكبر و اعظم 6- ليه غيرت اسم مدونتك من قينونه العشق والتمرد الى جمرة الحب والانتقام ؟؟؟ كنت فى حالة انتقام من ذاتى بسبب قرار اتخذته 7- مورشو قال عليك انك متسرع ؟؟ هل فعلا انت متسرع وعاوز منصب اكبر من قسم النقاش ؟؟؟ انا مش متسرع و لا حاجه مورشو فاهمنى غلط انا بقترح حاجات علشان اغير عرف المنتدى فى الاشراف مش ليا انا للكل علشان يكون تحفيز و تغير لان انا طبعى كدا اى مكان اتواجد فيه لازم اجدده ببصمتى و بعدين مفيش اكبر من الاشراف على قسم النقاش 8- شايف قسم النقاش ازاى قبل ما تكون مشرف ودلوقتى ؟؟ والله انا اديت الواجب الى عليا على اكمل وجه انتم بئا الى تحكموا و تقولوا و تحسوا بالفرق اوتوجراف خاص عيلتك احلا و اجمل عيله بس عيله مجنونه و اتحسدت واخواتك اخواتى جامدين و عساسيل ربنا يخليهم ليا واصدقائك مليش اصدقاء و مش عايز اوتوجراف لاعضاء فى المنتدى silver spectra جاك الموت يا تارك الصلاه مغرور - واخد مقلب فى نفسه - ديكتاتورى مش بيسمع غير صوت نفسه - اعضاء كتير بتجمله لسانه طويل لما يتعصب بس كدا ساحر الاحزان عقليه هاديه و محترمه و رزينه و اخ فاضل دمعة حائرة عقليه جميله و متفتحه و عندها احترام ذات عظيم و مسيطره على الوضع الماجيك ابن بلدى و حبيبي محترم و دمه خفيف و ربنا يوفقه فى حياته و مستقبله حرف هجاء اممممممممم عقل مفيش زيه و روح بريئه و قلب كبير بس عصبيه و ارهابيه و بشنب و بدقن جبل عالى زميلى العزيز قلبها طيب و جدعه بس عقلها صعيدى لما تتنرفز اوعى وشك الاميرة رودى ساره من الشخصيات الجميله و الهاديه و من الاسباب الرئيسيه فى خمول المنتدى و انسحاب المشرفين من الاشراف رائحة القهوه شخصيه جذابه بثقفتها الكبيره و عقليتها المتزنه و اخلاقها الجميله و شخصيه كامله بهدؤها و مثالية قيامها و وجهة مشرفه لمصر شخصيات عامة محمد مرسى غلبان ظلم نفسه الاخوان وحلوه فى مستنقع السمع و الطاعه بافراط محمد بديع شال ذنب كبير نات ماتت بسببه علشان ولا حاجه عبدالفتاح السيسى رجل عظيم انقذ مصر من الهلاك و احنا محتجينه يقود مصر الفتره الى جايه عمرو موسى عجوز طامع فى السلطه احمد عز ممثل امور شبهى حازم الببلاوى عقليه اقتصاديه جميله لو لقى الامكانيات هيطلع مصر لفوق محمد البلتاجى ارهابي خطير يجب اعدامه نور هلال شخصيه كيوت و امور و عسول و من الاخر اخر سؤال ايه النصيحة اللى تحب تقولها لزوار قسم النقاش انتشروا فى كل المواضيع بدل ما اغزكم بالمطواه وبكده تكون خلصت الاسئلة بشكرك يا نورعلى قبول الدعوة شكرا يا برنس و اسئله جميله بجد انتظرونا الحلقة القادمة مع ........... هتعرفوا انا معايا مين الحلقة الجايه دمتم فى امان الله

[™Amiliya]

لقاء صريح جدا الصراحة وعجبني عقليتك نور ربنا يزيدك ويكرمك

وشكرا لكلامك في حقي

تحياتي ليك عاشق ع لقائاتك الجميلة

[ساحر الأحزان]

نورت الحلقة

يا نور

بردودك الجميلة وعقليتك الى تحترم

جميل الحوار عاشق

موفقين

[دمعه حائره]

اقتباس علشان كدا اقصى طموحاتى هى الاشراف - و لن اخوض الانتخابات الاداريه فشرف اشرافى على النقاش و حل مشاكل الاعضاء اكبر و اعظم

السيسي استايل
ليه كده انور سيبها للظروف
حلقه جميله والاسئله روعه شامله جوانب كتير
وحاجات اول مره نعرفها عن نور
وشكرا لرائيك فيا من بعض ماعندكم
وهزار مع طارق صح
ربنا يوفقك فى حياتك
وشكرا عاشق دايما مميز فى كل حلقه اكتر

[morshooo]

احبيبى انور
اولا الحوار جميل جدا
ونور اصلا ليه دماغ كدا
شغاله مع نفسها ودى حاجا تميزة مش تعيبه
انا لسه عند رئى فى نور انه متسرع
ومش بيقتنع بسهوله والى فى دماغه فى دماغه
حتى لو بيظهر انه اقتنع وبرضو دا مش عيب
احنا فى منتدى وكل واحد بيكون واخد انطباع
عن شخص مش بيغيرة بسهوله .
نور كمشرف طبعا نشيط ومميز
والقسم اختلف بعد ما بقى مشرف
مع انه مع جبل كانو ماشاء الله ماشيين كويس
بص ياض يا نور اسمعها منى تانى برضو
ماتستعجلش وشكلك قريب هتبقى
مشرف v.i.p
^_^

[SiLver Spectra]

اقتباس silver spectra جاك الموت يا تارك الصلاه مغرور - واخد مقلب فى نفسه - ديكتاتورى مش بيسمع غير صوت نفسه - اعضاء كتير بتجمله لسانه طويل لما يتعصب بس كدا

امال لو ماكنش بينا عيش و سيسي ههههههههههه

[حنـــــون]

حلقه جميله
نورت يانور:d
موفقين دايما ياحلوين

[۩۩ elMagic ۩۩]

حلقه مميزه
نور طبعا من المشرفين المميزين
والنقاش إختلف نشاطه إختلاف كلي للأفضل
من بعد توليه المنصب الاشرافي
ثانكس لكلامك في حقي يا إبن بلدي
ربنا معاك ويوفقك يا معلم
تسلم عاشق لمجهودكـ المميز
بالتوفيق إن شاء الله دايما ,,

[همسه الجوارح]

نور هلال

شخصيه كيوت و امور و عسول و من الاخر
ومين يشهد للعروسه
حلقه جميله وخفيفه
منور يابن بلدى
تسلم اخى ع الحلقه
ف انتظار القادم

[نور ونار]

احسن حاجه فى مواضيع عاشق
بيبقا دارس الضيف
كانه كتاب فيزياء
وحافظ المنهج من الجلده للجلده
لا بجد برافو
وشغل حلو
نور طبعا شخصيه متميزه
ولها بريقها الخاص
نايس اجابات يا نور
اجابات موفقه
فى انتظار الحلقات