حصاد 100 يوم لحكومة الببلاوى

[big bốss]

السلام عليكم و رحمة الله و بركاته

كل عام و انتم بخير


حكومة حازم الببلاوى جائت فى توقيت صعب و ظروف سيئه تمر بها البلاد

من بعد ثورة 30 يونيو و الاطاحه بالنظام السابق و التصدى لموجة الارهاب

فى انحاء البلاد و فى سيناء بالخصوص


و قد حققت حكومة الببلاوى فى 100 يوم اى ثلاثة شهور ما يلى :_


1- فض اعتصامات الاخوان و حل جماعة الاخوان المسلمين و فى طريقها

لحل حزب الحريه و العداله .


2- أعفاء الطلاب من المصروفات المدرسيه يعنى تطبيق مجانية التعليم .

3- تحديد و اقرار الحد الادنى للأجور .

4- حل مشكلة البنزين و السولار فى السوق .

5- حل مشكلة انقطاع الكهرباء الدائم .

6- تطهير سيناء من العناصر الارهابيه و التكفيريه .

7- ألغاء عقوبة اهانة الرئيس .

8- أعادة تشكيل المجلس القومى لحقوق الانسان .

9- أعتماد خطة انقاذ الاقتصاد المصرى بقيمة 22 مليار جنيه .

10- البدء فى بناء 50 الف وحده سكنيه فى مختلف المحافظات .

11- تطبيق التسعيره الجبريه لاسعار الخضروات فى الاسواق .

12- اعتراف وزارة الرى الاثوبيه بوجوب ان يكون سد النهضه

ذات منفعه لمصر و السودان و اثوبيا و ليست اثوبيا فقط ( و هذه بدايه جيده )



فى ظل تلك الاحداث

ما رايك فى حصاد حكومة الببلاوى ؟ و ما هى سلبياته فى نظرك ؟

[موري كول]

انت نسيت كمان انهم هيبدأو يعملو محطه للطاقه النوويه في مطروح
والله عمللونا حاجات جميله كلها ومفيش اي سلبيات ربنا ينصرهم

[ساحر الأحزان]

تعرف لو حققت نقطتين ولا تلانة من النقاط المهمة

زى التسعيرة الجبرية وأزمة المية

وحل أزمة السولار ..

وعملت على تعافى الأقتصاد حنحس بتحسن ملموس

بسى كدة كويس جدا فى المرحلة الحساسة دى

توضيح جميل نور

شغال

[اشرف 2006]

اقتباس المشاركة الأصلية كتبت بواسطة big bốss السلام عليكم و رحمة الله و بركاته كل عام و انتم بخير وانت بخير وسعاده حكومة حازم الببلاوى جائت فى توقيت صعب و ظروف سيئه تمر بها البلاد من بعد ثورة 30 يونيو و الاطاحه بالنظام السابق و التصدى لموجة الارهاب فى انحاء البلاد و فى سيناء بالخصوص جاءت على ظهر الدبابه بعد اختطاف الرئيس الشرعى للبلاد وهى غير منتخبه من الشعب فكيف تقولون انها تمثل الشعب .. و قد حققت حكومة الببلاوى فى 100 يوم اى ثلاثة شهور ما يلى :_ 1- فض اعتصامات الاخوان و حل جماعة الاخوان المسلمين و فى طريقها لحل حزب الحريه و العداله . وهو فض الاعتصام بقى انجاز ؟؟ يعنى قتلوا اكثر من 5000 شخص واصابوا الاف غيرهم وحرقوا المساجد اصبح هذا العمل الاجرامى انجاز ؟؟؟وهل اصبح تكميم الافواه انجاز ؟؟ لما نزلتوا فى 30يونيه هل تعرض لكم احد ؟؟ هل تم التفويض للقضاء على متظاهرين 30يونيه ؟؟ 2 - أعفاء الطلاب من المصروفات المدرسيه يعنى تطبيق مجانية التعليم . الاعفاء كان فى خطه حكومه المحترم هشام قنديل 3 - تحديد و اقرار الحد الادنى للأجور . اقره الرئيس مرسى كمشروع قانون لتطبيق الحد الادنى والاقصى معا مش الادنى فقط وعلى فكرخ رجعوا فى كلامهم من يومين وقالوا مش هيقدروا يطبقوه 4- حل مشكلة البنزين و السولار فى السوق . سعادتك تشوف البنزينات منذ اول امس الطوابير عليها قد ايه 5- حل مشكلة انقطاع الكهرباء الدائم . هو نفسه وزير الكهرباء اللى كان موجود فى حكومه مرسى ايه اللى اتغير وكمان مازالت الكهرباء بتقطع 6 - تطهير سيناء من العناصر الارهابيه و التكفيريه . قتل نساء واطفال وشيوخ سيناء وتدمير منازلهم بقى تطهير للعناصر الارهابيه ؟؟ واكتشفنا فجأه ان سيناء فيها ارهاب ؟؟ 7- ألغاء عقوبة اهانة الرئيس . امال عقوبه اللى يقول طرطور ام 30الف جنيه دى تبقى ايه ؟؟ 8- أعادة تشكيل المجلس القومى لحقوق الانسان . وايه هو التشكيل الجديد بتاعه وايه التزاماته ؟؟ 9- أعتماد خطة انقاذ الاقتصاد المصرى بقيمة 22 مليار جنيه . وعلشان كده اعطوا احمد عز اللى سرق 90مليار براءه مع ان الاموال دى لوحدها كفيله بعمل الكثير لمصر 10-البدء فى بناء 50 الف وحده سكنيه فى مختلف المحافظات . ماسمعناش عنها حاجه خالص لا فى الجرائد الرسميه ولا اى حته 11- تطبيق التسعيره الجبريه لاسعار الخضروات فى الاسواق . اللى بتروح تشترى منه بالتسعيره بيقولك روح اشترى من الحكومه لان مفيش امن بيراقبه ولو اشتكيت محدش هيسال فيك 12- اعتراف وزارة الرى الاثوبيه بوجوب ان يكون سد النهضه ذات منفعه لمصر و السودان و اثوبيا و ليست اثوبيا فقط ( و هذه بدايه جيده ) يعنى سد النهضه الان بقى حلو لمصر ومش هيمنع المياه عن شعب مصر وكمان عايزين نشارك فى بنائه حسب تصريح وزير الرى ؟؟؟ فى ظل تلك الاحداث ما رايك فى حصاد حكومة الببلاوى ؟ و ما هى سلبياته فى نظرك ؟ سلبياته انه لم يجئ باختيار الشعب بل داس على اراده الشعب والقى باصواتهم فى صناديق القمامه بالاضافه الى اعاده كل النظام السابق بفساده وظلمه وجبروته واختطف الرئيس المصرى فى الاراضى المصريه بايدى مصريه للاسف واعاد الينا قانون الطوارئ الذى تخلصنا منه فى ثوره 25يناير واعاد الينا الاعتقال العشوائى وبدون اسباب لدرجه ان من يجمل شعار رابعه يتم اعتقاله واعاد الينا حبس الحريات وتسلط المخبرين وامن الدوله على الشعب لدرجه الان لو انت عايز تقفل اى محل مش عاجبك او متضايق منه ماعليك الا ان تقول انه مناصر للاخوان !!! واعاد الينا حكم العسكر وهذا هو الاهم لان معنى عوده العسكر هو القضاء نهائيا على ثوره 25يناير وقد اصبح هذا الامر واضحا كالشمس بعد القرار الجمهورى اللى صدر امس بتكليف رئيس الجمهوريه لوزير الدفاع بممارسه مهام الرئاسه لمده عام من الان مع ان الدستور والاعراف الدوليه تقول انه لما يكون رئيس الجمهوريه المؤقت تعبان ولا مشلول ولا عاجز عن اتخاذ اى قرار يكلف رئيس الوزراء مش وزير الدفاع !!!!!! ناهيك عن قتل الشعب فى الشوارع بدم بارد الم ترى ماحدث فى 6اكتوبر من قتل وقنص للشباب البرئ الذى يعبر عن رائه بكل سلميه فى الدقى ورمسيس والتحرير ودلجه وباقى محافظات مصر ومع الاسف قتلوا اكثر من 50شاب فى النهار وذهبوا للاحتفال ليلا بوجود الفنانات والراقصات فاى حكومه هذه ؟؟ حكومه المحترمه هشام قنديل هاجموها لايام عديده بسبب حماده المسحول واقموا له الندوات وتحدثت عنه كل وسائل الاعلام اما القتلى برصاص الجيش المصرى والداخليه فلم يعيرهم احد اى انتباه فهل هذه هى اخلاق الشعب المصرى ؟؟ وهناك الكثير والكثير من السلبيات مما لا يتسع الوقت والمكان لذكرها ... سؤال اخير :- لماذا لم يقم وزير الدفاع بحمايه الرئيس المنتخب ويقتل المتظاهرين ضده كما يفعل الان مع الرئيس المفروض علينا ؟؟ وماتقوليش ان الشعب مش عايزه لاننا نعلم من الاول ان الرئيس مرسى نجح فى الانتخابات بنسبه 51% يعنى نصف الشعب مش معايا من الاول مش 20مليون بس كما قالوا فى انقلاب 30يونيه ؟؟ وقد ادان المتامرون انفسهم عندما قالوا ( انهم طلبوا من الرئيس مرتين بعمل استفتاء على بقائه من عدمه فرفض فكيف ياساده تطلب من الخائن والعميل للبلد ان يقوم بعمل استفتاء ؟؟ وماذا سيحدث لو نجح فى الاستفتاء ؟؟ ) الشعب طيب لكن مش اهبل وكثير منهم استرد وعيه ونزل الى الشارع ولا هتقولى برضه ان اللى فى الشوارع منذ 100يوم واكثر هم الاخوان ؟؟

انت المدير ولكن من حقنا نختلف معك صح ؟؟


تقبل تحياتى

[big bốss]

اقتباس المشاركة الأصلية كتبت بواسطة موري كول انت نسيت كمان انهم هيبدأو يعملو محطه للطاقه النوويه في مطروح والله عمللونا حاجات جميله كلها ومفيش اي سلبيات ربنا ينصرهم

فعلا يا مورى

البدء فى تنفيذ مشروع قومى و مهم ذى دا

انجاز كبير للحكومه

ربنا يوفقهم

شكرا لرايك مورى

[big bốss]

اقتباس المشاركة الأصلية كتبت بواسطة ساحر الأحزان تعرف لو حققت نقطتين ولا تلانة من النقاط المهمة زى التسعيرة الجبرية وأزمة المية وحل أزمة السولار .. وعملت على تعافى الأقتصاد حنحس بتحسن ملموس بسى كدة كويس جدا فى المرحلة الحساسة دى توضيح جميل نور شغال

فعلا يا مودى

اداء الحكومه ملموس و جيدا جدا حتى الان

فى ظل الظروف و التهديد الارهابي

ربنا يوفقهم

شكرا امجد لرايك

[big bốss]

اقتباس المشاركة الأصلية كتبت بواسطة اشرف 2006 انت المدير ولكن من حقنا نختلف معك صح ؟؟ تقبل تحياتى

انا مش مدير

انا مشرف

و اختلف براحتك مش مهم الرتبه كلنا واحد

[اشرف 2006]

سعدنا بك لشخصك الكريم ولاسلوبك الراقى فى التحاور مش لمنصبك

والارقام تقول :-

الدكتور علاء صادق عبر الفيس بوك

100 يوم من فشل الانقلاب
200 دولة ترفضه
400 فندق اغلق
800 مصنع افلس
8000 شهيد
20000 معتقل
30000 مصاب
50000 مسجد مقفول
1000000 عاطل فى السياحة
200000000000 مليار جنيه خسائر
وبكره تشوفوا مصر

اما الانجازات الوهميه التى على صفحات الجرائد فلا قيمه لها

فما معنى ان تعفى الطلاب من مصاريف المدرسه وترتفع اسعار الكتب للضعف والدروس الخصوصيه الى ثلاثه اضعاف ؟؟؟


تقبل تحياتى

[big bốss]

اقتباس المشاركة الأصلية كتبت بواسطة اشرف 2006 سعدنا بك لشخصك الكريم ولاسلوبك الراقى فى التحاور مش لمنصبك والارقام تقول :- الدكتور علاء صادق عبر الفيس بوك 100 يوم من فشل الانقلاب 200 دولة ترفضه 400 فندق اغلق 800 مصنع افلس 8000 شهيد 20000 معتقل 30000 مصاب 50000 مسجد مقفول 1000000 عاطل فى السياحة 200000000000 مليار جنيه خسائر وبكره تشوفوا مصر اما الانجازات الوهميه التى على صفحات الجرائد فلا قيمه لها فما معنى ان تعفى الطلاب من مصاريف المدرسه وترتفع اسعار الكتب للضعف والدروس الخصوصيه الى ثلاثه اضعاف ؟؟؟ تقبل تحياتى

لو لاحظة ان كل النتائج دى سببها ارهاب الاخوان مش فشل الحكومه

و بعدين انا مواطن مصرى حاسس بانجزات الحكومه دى جدا

مش مهم عندى اى حاجه تانى

[اشرف 2006]

عندك حق مش مش مهم اى حاجه تانى


طالما انت حاسس بانجازات الحكومه يبقى مصر بخير

ونعتذر عن الازعاج