اوليس للرجل سمعة ..~

[Lamees]

بسم الله الرحم الرحيم

الموضوع ده شاغل تفكيري هل للرجل سمعة مثل المرآة
يعني الشاب اليومين دول يخرج ويقابل ويعمل ما بدا له
وفي الآخر يروح يخطب ويكون معروف عنه الكلام ده وعادي
جداً يتقبل ويترحب بيه والحياة حلوة زي الفل تعالى بقى للبنت
لو عرفت شاب وتقابلت معه مرة او اكثر وحصل انه كان بيلعب بيها
وسابها تلاقي سمعتها سابقاها يعني لو حد سأل عليها بغرض الجواز
يقولوا لا سيبك منها دي بنت استغفر الله مش مزبوطة

الموضوع ده مش من وحي خيالي لا هقولكم على مثالين من الحياة

الاول : بنت جارتي وافقت على عريس رغم انه شاب صايع
والكل يعلم عنه انه كان على علاقة مع سيدة متزوجة وكان يذهب اليها
في بيت زوجها وتسبب في طلاقها

" وافقت عليه ليه ده اللي مش فاهماه "

المثال الثاني : سيدة عن عمر الاربعين تعمل في تجارة القسط الشهري
تبيع تليفون محمول لشاب عن عمر 23 سنة وبالطبيعي انه يطرق باب شقتها
ليدفع لها القسط الشهري وعندما تأخر في الدفع شهرين وبدأت السيدة
في المطالبة بحقها تحول الموضوع لفضيحة كبرى فوالدة هذا الشاب قذفتها
بتهمة بشعة وهي العلاقة مع ابنها وروجت لهذا بشتى الطرق
وكانت فضيحة كبرى دون الأهتمام بأن ابنها شاب
ولابد له ان يأتي يوم ويتزوج فهل هذا الموضوع
مش هيأثر في الزواج

" والله مش عارفة الناس دي بتفكر ازاي "

شاركوني الرآي
وخاصاً وجهه نظر الشباب
تقبلوا وافر احترامي

روني ..~

[اشرف 2006]

اكيد طبعا الشاب له سمعه زى البنت تماما


فالشاب المحترم المثقف اللى يعرف ربنا


اكيد مش هيدخل فى العلاقات دى


وزى مااهل العريس بيسالوا على العروسه


برضه اهل العروسه بيسالوا على العريس


اخلاقه صفاته طباعه اصحابه عمله


انما النماذج التى ذكرتيها اعتقد انها امثله شاذه


وليست هى القاعده فمن توافق ان يكون شريك حياتها سكير او بتاع مخدرات او صايع ؟؟

ومن يوافق ان تكون شريكه حياته بلا تعليم او اخلاق ازاى هتربى الاولاد ؟؟


الخير موجود رغم ان الشر موجود على السطح وناما فى استعدال الموازين بالقريب العاجل


ياريت بقى تسمعى كلامى وتشيلى السكينه اللى بتخلينا نخاف نشارك فى مواضيعك


ههههههههههههههههههههههه



تقبلى تحياتى

[دمعه حائره]

اكيد الشاب ليه سمعه بس بتكون مهمه عند فئه معينه
الناس اللى تهمهم الاخلاق والدين قبل اى حاجه تانيه
ناس بتبنى بيت مش مجرد جوازة وخلاص
اكيد البنت اللى وافقت دى عندها سبب قوى خلاها توافق وماتحطش فى اعتبارها
سمعته السيئه والنتيجه ممكن تكون جوازه فاشله لاقدر الله
او ممكن ربنا يهديه ويبقى انسان كويس
اى اب لما بيجوز بنته لازم وضرورى يكون سأل على العريس كويس
سمعته واخلاقه بين الناس

[big bốss]

الرجل مثل المرأه له سمعه

و لكن نحن نعيش فى زمان لآ يهتم احد بسمعة الرجل بل ما لديه من أمكانيات وقت الزواج

فى مجتمعنا كثيرآ من الناس يرى سر السعاده المال و هو بسببه نستطيع ان نغض النظر عن

اى شىء اخر ، لذالك لا استغراب فى زمان يعانى من قلة الاخلاق و تلاشى قاعدة القناعه فيه

موضوع جميل رونى

[Stop Ana Eltop]

لو على الصح مفيش حاجه اسمها بنت وولد السمعه والاخلاق والفضائل عند الانسان مش المفروض تقتصر على جنس معين

اما لو جينا للى متعارف عليه الايام دى انه هو (ولــــــــد) يعنى لو عامل ايه مش مهم هو ف الاخر ولد

مع انه الغلط غلط واحد ونفس الفعل ونفس العواقب ونفس الجنه ونفس النار بس لما تبقى افكارنا كلها متغيره مش هتيجى على الفكرهدى بالذات بقن

اما بالنسبه لجارتك فيه منها كتييير اووى بس هما ماشيين بمبدأ ضل راجل ولا ضل حيطه واهو بكره الايام تعدله ونسوا ان القاعده الاساسيه هى دينه وخلقه

[morshooo]

هكلمك بنظرة المجتمع الى دائما تسمعى فيها

( دا ولد يعمل الى يعمله )

لكن البنت

( لا انتى بنت مايصحش تعملى كدا )

يعنى لو ليكى اخوكى خارج يقابل بنت زميلته

محدش هيقوله حاجا فى البيت لكن لو انتى

خارجه تقبلى شاب زميلك انتى نفسك هتتهربى

من اهلك وتقوليلهم رايحه اى مشوار .

دا مفهوم فى المجتمع عموما مش عيب فى حد معين

زى بالظبط يبقى شاب مقطع بنات الجامعه والمنطقه مقابلات

ولو شاف اخته مع واحد يعمل ( دكر ) . ^_^

[Lamees]

اقتباس المشاركة الأصلية كتبت بواسطة اشرف 2006 اكيد طبعا الشاب له سمعه زى البنت تماما فالشاب المحترم المثقف اللى يعرف ربنا اكيد مش هيدخل فى العلاقات دى وزى مااهل العريس بيسالوا على العروسه برضه اهل العروسه بيسالوا على العريس اخلاقه صفاته طباعه اصحابه عمله انما النماذج التى ذكرتيها اعتقد انها امثله شاذه وليست هى القاعده فمن توافق ان يكون شريك حياتها سكير او بتاع مخدرات او صايع ؟؟ ومن يوافق ان تكون شريكه حياته بلا تعليم او اخلاق ازاى هتربى الاولاد ؟؟ الخير موجود رغم ان الشر موجود على السطح وناما فى استعدال الموازين بالقريب العاجل ياريت بقى تسمعى كلامى وتشيلى السكينه اللى بتخلينا نخاف نشارك فى مواضيعك ههههههههههههههههههههههه تقبلى تحياتى

بتمنى يكون زي ما بتقول انهم شواذ القاعدة
والرجل ايضاً يهتم بسمعته مثل المرآة تماماً
نورتني اشرف ومش هشيل السكينة ^ــــ^

[Lamees]

اقتباس المشاركة الأصلية كتبت بواسطة دمعه حائره اكيد الشاب ليه سمعه بس بتكون مهمه عند فئه معينه الناس اللى تهمهم الاخلاق والدين قبل اى حاجه تانيه ناس بتبنى بيت مش مجرد جوازة وخلاص اكيد البنت اللى وافقت دى عندها سبب قوى خلاها توافق وماتحطش فى اعتبارها سمعته السيئه والنتيجه ممكن تكون جوازه فاشله لاقدر الله او ممكن ربنا يهديه ويبقى انسان كويس اى اب لما بيجوز بنته لازم وضرورى يكون سأل على العريس كويس سمعته واخلاقه بين الناس

معاكي حق احنا في الجواز بنبي بيت
ولازم تكون قواعده سليمة والقواعد هنا الاخلاق
لكي يتم البناء ويكتمل للنهاية
مرورك اسعدني دمعة ..~

[Lamees]

اقتباس المشاركة الأصلية كتبت بواسطة big bốss الرجل مثل المرأه له سمعه و لكن نحن نعيش فى زمان لآ يهتم احد بسمعة الرجل بل ما لديه من أمكانيات وقت الزواج فى مجتمعنا كثيرآ من الناس يرى سر السعاده المال و هو بسببه نستطيع ان نغض النظر عن اى شىء اخر ، لذالك لا استغراب فى زمان يعانى من قلة الاخلاق و تلاشى قاعدة القناعه فيه موضوع جميل رونى

معاك حق بتنهار القيم امام الماديات
وده للاسف في مجتمع بيهتم كثيراً
بالشكليات اكثر من الاساس
وهنا الاساس الاخلاق بالطبع
مرورك راقي نور ..~

[Lamees]

اقتباس المشاركة الأصلية كتبت بواسطة stop ana eltop لو على الصح مفيش حاجه اسمها بنت وولد السمعه والاخلاق والفضائل عند الانسان مش المفروض تقتصر على جنس معين اما لو جينا للى متعارف عليه الايام دى انه هو (ولــــــــد) يعنى لو عامل ايه مش مهم هو ف الاخر ولد مع انه الغلط غلط واحد ونفس الفعل ونفس العواقب ونفس الجنه ونفس النار بس لما تبقى افكارنا كلها متغيره مش هتيجى على الفكرهدى بالذات بقن اما بالنسبه لجارتك فيه منها كتييير اووى بس هما ماشيين بمبدأ ضل راجل ولا ضل حيطه واهو بكره الايام تعدله ونسوا ان القاعده الاساسيه هى دينه وخلقه

لو هيفكروا من ناحية الدين اكيد مفيش فرق بين ولد وبنت
الغلط واحد والعقاب واحد بس هنا في مجتمع بيتعامل مع الشكليات
اهم من الالتفات للناحية الدينية والاخلاقية التي هي اساس اي علاقة زوجية
نورتيني يا قمر ..~