استطلاع رويترز

[نور ونار]

فى يوم العالمى لنبذ العنف ضد المرأه
طالعتنا وكاله رويترز الى استطلاع
من 655 خبير شامل كافه انحاء الوطن العربى
لمعرفه ماهى الاماكن واكثر المناطق التى تعانى فيها المرأه
فجاءت النتآئج صادمه
ان مصر حصلت المركز الاول فى القائمه السوداء
اكثر المناطق التى لا تصلح ان تعيش فيها المرإه
و المركز الثانى هى العراق
ثم توالت الدول من سوريا وتونس
فاصبح المناطق صاحبه الثورات الربيع العربى
اكثر المناطق فيها عنف ضد المرأه
وكان اكثر المناطق امان لها
هى السودان والصومال !!
طبعا الدراسه والاستطلاع تم على اساس تلقى المرأه
العنف وايضا نسبه مشاركتها فى المجتمع
ونسبه تواجدها فى البرلمان ...
السؤال بقآآ هل مصر تستحق ذلك المركز بالفعل ؟؟
واذا اجاباتكم بنعم اولا ماهى التبريرات
واذا كانت نعم فما هو الحل ؟؟

[™Amiliya]

العنف ضد المراة في مصر واضح يعني وضوح الشمس م محتاج اي استطلاعات تبينه

المراة في مصر من وجهة نظري بتتعامل بطرق كثير غير ادمية سواء في التعليم او سوق العمل او المواصلات
او الحقوق الي طول النهار بينادو بيها والمعيشة والحياة الاسرية والصحة والسكن ..... الخ

كم امراة في مصر تتمتع بالاحترام في الشارع ع الاقل؟
وكم امراة بتتحمل الي بيحصلها من اسرتها عشان تعيش؟
وكم امراة بتحاول توصل صوتها ويدفن؟

هل الحكومة بتعطيها حقوق؟ هل الي هي فيه دا حقوق؟

المراة الوحيدة الي في مصر تقريبا واخدة حقوقها ورفاهية عيش
هي المستويات العليا رغم ايضا تعرض البعض للعنف

الحل الوحيد عندي هي ان يحسنو اليها كما ذكر في الاديان يراعو ربنا بس فيها في وضع الدين امام اعينهم
ويستشفو منه كامل القوانين والحقوق والواجبات
يربطو الدين بالحياة وتطورها المستمر يعملو Update لكل قديم مرر عليه الزمن وجبر

[Lamees]

العنف ضد المرأة في مصر
واضح وضوح الشمس

اراه بعيني في مواقف كثيرة ،،

فذات مرة رايت بعيني

رجل يضرب فتاة برجله كام ضربه

كانها رجل مثله فقط لمجرد انه ضايقها

وقالتله يا حيوان ،،

ده مثال بسيط اما عن حقها في التعليم ضائع

وكمان في رأيهافي الزواج ..........الخ

اما عن الحل فنحن في حاجة لتخصيص خدمات

لضحايا العنف ولابد ان تتواجد مادة في الدستور

تجرم العنف ضد المراة ولابد ان تكون العقوبات رادعة

لكل من يستهين بالمرأة وحقها


كنت هنا نور

تقبلي مداخلتي

ودي ..~

[حالمة باميرى]

العنف موجود فى مصر وفعلا زاد جدا
فين حق البنت لم يمنعوها من التعليم
فين حقها لم تتجوز وهى لسة فى عمر الزهور
فين حقها لم تمشى فى الشارع وواحد يضربها اويسرقها
او يجرحها بكلمة خارجة
. فى مجتمع يري ان تنظيم النسل حرام .. و عدم تعليم الفتاة شئ عادى

مجتمع يرى "خلفة الولد خلف و خلفة البنت تلف" و بعد ذلك يجعل الفتاة تعمل لتعيل اسرتها و الولد "باليومية يوم اه و عشرة لا يعنى حيعمل ايه اكتر من كده".. فى مجتمع يصر على تزويج الفتاة بعمر الخامسة عشر و

واخلاق الجاهلية الاولى والتى جاء الانبياء للقضاء عليها و ان عيسي ابن مريم المسيح عليه السلام اول ما استنطقه الله و هو رضيع ليكرم امه و يرد اعتبارها و يزود عنها ما رماها به الجهلاء و ان سيدنا النبي عليه الصلاة و السلام اكثر وصاياه على النساء و حسن معاملتهن و اكرامهن " و ما اكرمهمن الا كريم و ما اهانهن الا لئيم ".. ماذا فعلنا و اين نحن من هؤلاء الذين سبقونا ؟؟.. لقد عدنا "لعصور الظلام" حيث المجتمع لا يلوم المتحرش و لا يأخد الامر بجدية و المرأة تلام على لبسها و حجابها و حتى نقابها ..
نعم العنف موجود
وشكرا

[big bốss]

المجتمع المصرى يتملق داخل افكاره و ايمانه بأءن الرجل فوق المرأه

و ان لا حقوق للمرأه و هو أساس كل شىء

فى مجتمعنا هناك تعديات على المرأه و عنف ممارس لآ اخفى ذالك

و لكن فى المقابل هناك احترام و تقدير لا مثيل له فى كل العالم

المسائله متفاوته من شخص لشخص

كأى مكان فى العالم

المشكله مشكلة فكر و اقتناع عايز يتغير اتجاه المراه

[دمعه حائره]

النتيجة ممكن تكون مبالغ فيها واخدوها بناء على الاحداث
اللى بيشوفوها فى المظاهرات والاعلام
لكن فيه دول كتير برغم تمدنها المرأه بتعنف بشكل غير انسانى
يعنى فى مصر ممكن العنف بيبدأ من صغرها سواء ضرب او حرمان من التعليم
مرورا بزواج بالاكراه
دى كلها حالات موجوده بنسب اكتر فى بلاد تانيه ممكن مش عليها اضواء زى مصر

[SiLver Spectra]

المعاكسات لواحدها كافيه انها تحطنا في المركز الاخير !!

[Mo7aMaD 3aLa2]

والله انا ليا وجهة نظر ف الموضوع دة

ثقافة المرأة المصرية هى اللى بتضعها فـ المستوى دة

هى اللى بتقمع نفسها بنفسها وبترتضى الامر الواقع

وتحب اوى تعيش فى دور انها مغلوبة على امرها

سؤال هو كم واحدة بتتكلم عن حقوق اضافية ليها

او حتى عندها فكر بيمس الفكر اللى انتى بتتكلمى علي دة

هتلاقى النسبة لاتتعدى الـ 10 %

اذن الاغلبية مرتضية الوضع او على الاقل سلبية

اذن الصوت مش مؤثر

ومن الافضل بدلاً من اتهام المجتمع ككل

اتهام المرأة نفسها كـ جنس او نوع بـ السلبية وارتضاء الوضع

زمان مثلا مكنش فية حاجة اسمها وزيرة

دلوقتى بقا فية ,, لية ؟

لان هى قررت تحصل على درجات علمية متقدمة تؤهلها للمنصب + طالبت بكدة وضغطت واصرت

وفـ النهاية تحقق المراد ,, وهكذا

اذن البداية من عندكوا

..

[احساسى صحيح]

انا لا اعتقد ان مصر تستحق تلك المكانه المهينه
لانى ارى الاسوء خاصا فى دول افريقيا الفقيره
خاصا فى جنوب السودان الذى شهد اعلى معدل اغتصاب فى التاريخ
يمكن الفتره الحاليه الاضواء مسلطه على مصر بسبب الاحداث السياسه الحاليه
ولكن طبعا التقرير فيه تجاوز كبير
شكرا نور ..