معقول الناس بقت كده ؟؟؟؟؟؟؟

[dr.marmar]

أنا مش عارفه أنا بكتب الموضوع ده ليه
لكن بجد انا مخنوقه
وحاسه اني نفسي أفضفض مع أي حد
هققولكم أنا مخنوقه من إيه
انا كنت مشتركه في منتدي تاني من فتره طويله
وبصراحه كنت بحب المنتدي ده جدا
بحبه لدرجه أكتر مما تتخيلوا
يعني مكنتش اقدر يعدي عليا يوم من غير ماادخله
وكان بجد فيه حب بين الاعضاء وروح جميله
عمر ماحدي تخيلها
مكناش بنرتاح غير واحنا مع بعض
كنت تحس ان كل بنات المنتدي اخوات بجد وعارفين عن بعض كل حاجه
والولاد مع بعض نفس القصه
بقيت هناك مراقب عام في فتره صغيره
المهم طبعا زي كل حاجه في الدنيا
مافيش سعاده بتستمر
حصلت شويه مشاكل وسبت المنتدي فتره
بس بصراحه مقدرتش افضل بعيد كتير
ورجعت تاني
بعد ماتنازلت عن منصب الاداره هناك
لكن رجعت لاني فعلا بحب الناس دي
وعاوزه اكون معاهم وخلاص
بس بصراحه مبقتش بدخل زي الاول
يعني دخولي بقي متقطع
احيانا بفتحه واغيب قدامه بالساعات من غير مااسجل دخول
المهم من حوالي اكتر من أسبوع
لاقينا عضو معانا عامل موضوع عن انه دخل منتدي بالصدفه للنساء
لقي فيه بنت هناك سارقه خاطره ليه ونسبتها لنفسها
لا ومش بعد كده اكتشفنا انها سارقه خواطر وقصص كتير من المنتدي بتاعنا
ونسبتها لنفسها هناك
دا اكيد بيقول انها عضوه معانا في المنتدي
المهم مهتمتش بالموضوع
وغبت حوالي 10ايام ماادخلش المنتدي
والنهارده بدخل بالصدفه
إتصدمت لاقيت عضو مميز ومحبوب ومشهور بينا جدا بالمرح
وبالطيبه
لاقيت تحت إسمه موقوف
بجد إتصدمت لما شفت إسمه باللون الاسود
وقلت أكيد فيه حاجه غلط
ولما سألت واحده صديقتي في المنتدي
قالتلي عن الي مكنتش اتوقعه أبدا
قالتلي ان الاداره عندنا كلمت الاداره هناك
وعرفوا الاي بي بتاع الي سرقت المواضيع
وقارنوها بالاي بي عندها
اكتشوف ان العضو ده للأسف هو الي عامل نفسه هناك بنت
وهو الي سارق الخواطر دي
بجد انا مش عارفه أقول ايه
معقول حد في الدنيا يقدر يعيش بشخصيه مزيفه بالشكل ده
حد في الدنيا عنده قدره علي التمثيل والكذب بالطريقه دي
بجد انا مخنوقه
لاني حاسه اني لسه زي مانا بتخدع في الناس
لان للاسف لما كنا بنشوف العضو ده كنا بنقول ان لسه فيه خير في الدنيا
لكن بعد الي حصل ده خلاص ابصم بالعشره ان خلاص الدنيا عليها السلام
بجد مش عارفه احنا ليه بقينا كده
ليه الكذب ده كله
ليييييييييييييييييييييه؟

[yooomi]

اقتباس لاني حاسه اني لسه زي مانا بتخدع في الناس

اتوقع ان لو اي حد مكانك كان ممكن يتخدع في العضو ده لان ما فيش حد بيعلم الغيب ولا اللي في النفوس ..........
والحاجات دي بتحصل كتييييييير في حياه الانسان ولو وقف عند كل واحده واثرت فيه مش هيقدر يكمل .....ولا هيقدر يثق في احد ...............
يسلموووووووووووو على الطرح .......
وبجد يسعدني اكون اول من رد
وأتمني انك تلاقي هنا في المنتدى اعضاء صادقين ومش بيكدبو ولا تنخدعي فيهم .....
تقبلي مروري
yooomi

[dr.marmar]

اقتباسالمشاركة الأصلية كتبت بواسطة yooomi
اتوقع ان لو اي حد مكانك كان ممكن يتخدع في العضو ده لان ما فيش حد بيعلم الغيب ولا اللي في النفوس ..........
والحاجات دي بتحصل كتييييييير في حياه الانسان ولو وقف عند كل واحده واثرت فيه مش هيقدر يكمل .....ولا هيقدر يثق في احد ...............
يسلموووووووووووو على الطرح .......
وبجد يسعدني اكون اول من رد
وأتمني انك تلاقي هنا في المنتدى اعضاء صادقين ومش بيكدبو ولا تنخدعي فيهم .....
تقبلي مروري
yooomi

المشكله في كده والله
المشكله ان للأسف ناس كتيره كده
يعني لسه موقف حصل من يومين
مع واحده صاحبتي من حد قريبها
بجد محدش يصدق ان ممكن القرايب يعملوا في بعض كده
وقبلها واحد في المنتدي
كلنا كنا بنقول عليها الحاج فلان او الشيخ فلان
نكتشف بعد فتره طويله اوي
ان حتي اسمه مزيف
وكل ده رسم علي كبير
علشان يوقع البنات
بجد بقي شئ مقرف
مبقاش عندي قابليه اصدق اي حد أو أثق في اي حد

[nooody]

عادى والله يا مروة

اذا كان دا بيحصل فى الحياة

وبتتخدعى فى ناس قريبين منك

ويطلعوا فى الاخر حد تانى

حتى العضو دة على الاقل تعرفوة

معرفه سطحيه , ما بالك بقى ان الخداع

دة يجى من اقرب الناس ليكى

هى دى الصدمه

يا بنتى الكذب بقى عامل زى الهواء

فى ناس مش تقدر تعيش من غيرة

قولى الحمد لله على كل حال

[أنثـے مًنْ الّخٍـْيـِالْ→♀]

و الله يا مروة انا مقدرة شعورك

بس فعلا معدش حد فى الدنيا دى لازم نثق فيه 100 %

انا شفت الموضوع ده من فترة

بس معرفتش مين العضو ده يا ميروو .. الا قولى لى مين هو ده ؟؟ ههههه

و اهو ده درس ليا و ليكى و لكل الناس

انه ميثقووش بحد على الشبكة العنكبوتية دى بالتمام

ده اذا كان زى ما هند قالت بنتخدع فى الناس اللى فى حياتنا

فما بالك بالنت و عالمه ؟؟

[H&H]

ايه ده يا مرمر انت طيبه اوي

بقى بزمتك في حد اصلا يثق كل الثقه في حد من على النت

مستحيييييييييييييييييييييييل

انا كمان عندي واحده صحبتي وثقت في حد من على النت و قعدت اقولها بلاش بلاش

و في الاخر انصدمت وقعدت فتره حزينه

وقعدت احاول اخرجها من المود ده عشان خاطر دخلين على امتحانات

بس انا كنت بقول عليها غلبانه اوي مفيش حد زيها

بس الظاهر ان طلع في حد كتير زيها

انا مش قصدي ان النت كله خداع

لكن منثقش في حد بسهوله و كمان حد منعرفوش

ارق التحيه يا مروه

اختك

[dr.marmar]

اقتباسالمشاركة الأصلية كتبت بواسطة nooodyعادى والله يا مروة

اذا كان دا بيحصل فى الحياة

وبتتخدعى فى ناس قريبين منك

ويطلعوا فى الاخر حد تانى

حتى العضو دة على الاقل تعرفوة

معرفه سطحيه , ما بالك بقى ان الخداع

دة يجى من اقرب الناس ليكى

هى دى الصدمه

يا بنتى الكذب بقى عامل زى الهواء

فى ناس مش تقدر تعيش من غيرة

قولى الحمد لله على كل حال

فعلا الحمد لله علي كل حال
معاكي حق والله ياهند
احنا بقينا بنتصدم في اقرب الناس لينا
والله تأثير الي حصل ده كان صعب عليا
بسبب انه مش موقف واحد
لكن للأسف في الفتره الاخيره
شفت من ده كتير
ده الي خلاني خلاص بجد مش مصدقه
ان الناس بقت وحشه كده
ربنا يخلصنا منها علي خير

[dr.marmar]

اقتباسالمشاركة الأصلية كتبت بواسطة stOp maSr tOp

و الله يا مروة انا مقدرة شعورك

بس فعلا معدش حد فى الدنيا دى لازم نثق فيه 100 %

انا شفت الموضوع ده من فترة

بس معرفتش مين العضو ده يا ميروو .. الا قولى لى مين هو ده ؟؟ ههههه

و اهو ده درس ليا و ليكى و لكل الناس

انه ميثقووش بحد على الشبكة العنكبوتية دى بالتمام

ده اذا كان زى ما هند قالت بنتخدع فى الناس اللى فى حياتنا

فما بالك بالنت و عالمه ؟؟

وربنا انتي رايقه ياطمطم
وكويس انك شفتي الموضوع
لا والغريبه يابت ياطمطم
ان الي طلع عمل كده
واحد من الي ردوا علي الموضوع
وتحسي انهم كانوا زعلانين اوي من الي حصل
وربنا حاجه تقرف يابنتي
الناس كلها بقت بوش وإتنين وتلاته كمان

[dr.marmar]

اقتباسالمشاركة الأصلية كتبت بواسطة H&Hايه ده يا مرمر انت طيبه اوي

بقى بزمتك في حد اصلا يثق كل الثقه في حد من على النت

مستحيييييييييييييييييييييييل

انا كمان عندي واحده صحبتي وثقت في حد من على النت و قعدت اقولها بلاش بلاش

و في الاخر انصدمت وقعدت فتره حزينه

وقعدت احاول اخرجها من المود ده عشان خاطر دخلين على امتحانات

بس انا كنت بقول عليها غلبانه اوي مفيش حد زيها

بس الظاهر ان طلع في حد كتير زيها

انا مش قصدي ان النت كله خداع

لكن منثقش في حد بسهوله و كمان حد منعرفوش

ارق التحيه يا مروه

اختك

لا ياكراميلا انا مبعرفش اتعامل مع الناس من المبدأ ده
للاسف ودي سبب اكبر مشكله في حياتي
اني بتعامل مع الناس بمنتهي الطيبه والبساطه
وباعتقد ان الناس كلها كويسه
يعني عمري مابفترض سوء النيه في حد
لغايه مايثبت العكس
وزي مانا عرفت ناس علي النت اتصدمت فيهم
بردوا عرفت ناس بثق فيهم ثقه عمياء
وهما بصراحه يستحقوا الثقه دي
زي طمطم وهند وميرا وحنان ونيفو
وهما اقرب ليا من اخواتي
وللاسف عمري ماهقدر اغير طريقه معاملتي مع الناس
مش عارفه والله اعمل ايه ؟

[أنثـے مًنْ الّخٍـْيـِالْ→♀]

اقتباس وربنا انتي رايقه ياطمطم وكويس انك شفتي الموضوع لا والغريبه يابت ياطمطم ان الي طلع عمل كده واحد من الي ردوا علي الموضوع وتحسي انهم كانوا زعلانين اوي من الي حصل وربنا حاجه تقرف يابنتي الناس كلها بقت بوش وإتنين وتلاته كمان

هههههههههه

معلش يا عبوود

اقصد يا فتكاات

يوووه يا مرمر

فعلا الناس بقت بوش و اولمرت و شاروون

انتى اللى قلتى فى اخر سطر

ربنا يسطر ع القاعدة

:spain-flag: