اعمل ايه يا جماااعة

[أنثـے مًنْ الّخٍـْيـِالْ→♀]

بسم الله ابدا

دلوقت يا جماعة

ليا صاحبة

اعرفها من زمن و اعتقد انى اعرف اخلاقها كويس

المهم صحبتى دى كانت بتكلم شاب على الايميل عادى

و الشاب ده انا كنت بكلمه بردو

بس بصراحة مستريحتش لكلامه و انا بكلمه

ففضلت انى اغير الايميل و معنتش ادخل المنتدى اللى كان هو صاحبه

و قلت لصاحبتى دى بلاش كلام معاه افضل لانه مش مرتاحة لطريقة كلامه

المهم و انتهى الموضوع بالنسبة لى على كده

من كام يوم

لقيتها و هى بتدردش معايا

بتقولى ان الرجل ده راح لها الجامعة و فضل ماشى و راها لحد البيت

و لما سالتها عن ازاى هو عرف يوصلها و كده

قالت لى انها ادته رقم الموبايل و قالت له اسمها و الكلية و انها اتفاجأت لحظة لما لقيته وراها فى الكلية

فرديت عليها و قلت لها امال انتى متوقعة ايه بعد كل ده مهو عرف اسم و كليتك و رقم موبايلك

قالت لى و الله انا مش عارفة عملت كده ازاى و معرفش ايه كده

و المهم انها طلبت منه انه يحذف رقم موبايلها من عنده و هو وعدها بكده و قال لها تم التنفيذ

و انها خايفة ليرجع يسبب لها مشاكل مع والدها و اخوها

و المهم اتفقنا فى اخر الحوار انى هفتح الميل اللى هو موجود عليه

و هدخل المنتدى بتاعه

واكتب موضوع مزيف بالتهنئة على خطوبتها

و فعلا عملت كده بناء ع الاتفاق

قمت لقيته بيكلمنى ع الميل

و بيقولى الكلام ده حقيقى و معرفش ايه

فضلت ااكد له صدق الكلام

فى اثناء الكلام معاه

لقيت صحبتى بتكلمنى و بتقولى ده عمال يرن علياا

يعنى ممسحش الرقم زى ما قالها

و هو مستمر فى السؤال عن صحة الكلام

قمت سالته بدل ما اجاوبه على اسئلته

ممكن اعرف ليه انت رحت لــ ... الكلية و مش مسحت رقمها

قال استغرب من كونى عرفت كل الكلام ده و قالى انه هيمسح الرقم و معرفش اى كلام كده

المهم من يومها انا قفلت الميل فى وش الاتنين

و حسيت بالندالة انى سبت صوحبتى دى فى الموقف ده مع انى حذرتها اكتر من مرة بالكلام معاه

بس فى نفس الوقت انا بلومها عن كونها تعطى حد متعرفهوش كل المعلومات دى

فى حين انى خايفة ادخل نفسى فى متاهة جايز مكنش ادهاا

و خصوصا ان الواد ده دايما كان بيلح عليا لو انى اعطيه لو حتى اسمى او وظيفة والدى

طيب ايه الحل من وجهة نظركم ..

اسيب اختى و صاحبتى دى و مدخلش نفسى >> و ده حل مش هيرضى ضميرى و خصوصا ان حكت لى كل حاجة حصلت و انى عارفة اخلاقها كويس

و لا اتدخل و احاول اتكلم مع اخينا ده انه يسبها فى حالها >> و من وجهة نظركم ازاى اقدر اساعدها من غير ما اورط نفسى

[nooody]

بصى يا طمطم مش انتى المفروض

تساعديها هى اصلا رافضه مساعدتك لها

كون انك حذرتيها ومش سمعت كلامك

ورغم كدة برضه اصرت على الغلط

يبقى خلاص انتى كدة عملتى اللى عليكى

هى اللى فى ايديها تصلح غلطها وتنسى الموضوع

تقعد مع نفسها وتحاول تفكر هتصلح اللى عملته دة

ازاى

عارفه انتى تبقى ندله فى حاله واحدة بس لو انتى

سبتيها من الاول ومش وقفتى جنبها

بس انتى حذرتيها وهى مش سمعت لك

خلاص بقى تتحمل نتيجه غلطها

[همس ايمان]

الاعتراف بالحق فضيلة وهى عارفة انها غلطت وهو مش هيسبها فى حالها وخصوصا لو سال واتاكد انا مش اتخطبت وان دى تمثيلية عشان تعرف هو لسه معاه الرقم بتاعها ولا لاء

احسن طريق انها تعرف والدها وتعترف انها اخطات وطالما هى كويسة زى ما بتقولى اكيد والدها هيفهمها وهو هيكون اكتر شخص يقدر يحميها ويوقف الشاب ده عند حده
لان لا انتى ولا هى هتقدروا تعملوا حاجة وممكن تكبروا الموضوع اكتر من كدة وهو هيعاند ومش هسيبها

ربنا معاه يا رب وينور لها طريقها

[أنثـے مًنْ الّخٍـْيـِالْ→♀]

بس يا هند

و الله اعرفها كويس و من عارفة هى ازاى عملت كده
!!

و نفسى اساعدها عشان مش يحصل لها اى ضرر من اى بنى ادم

و خصوصا ان اخر مرة كنت بكلمها اتنرفزت عليها و قفلت الميل و من يومها و دايما موبايلى مقفول عشان متعرفش توصلى

لما اجى اقول اسيبها و اقول ماليش دعوة .. الاقى نفسى رافضة موقفى ده لانها طلبت مساعدتى و على ما اعتقد عمر ما حد طلب منى مساعدة الا و حاولت على الاقل مساعدته

و فى نفس الوقت خايفة ادخل نفسى فى متاهة

بس بردو ارجع و اقول زيك

ان انا حذرتها من بداية كلامى معاه انها بلاش الكلام معاه لان كانت معظم كلامه استجوابات عن معلومات شخصية
و هى زى ما عملت مسمعتش الكلام

بس فى نفس الوقت مش هعرف مساعدهاش

!!

[أنثـے مًنْ الّخٍـْيـِالْ→♀]

همس ايمان

و الله يا هموسة اقتراح عين العقل و انا ايدته و اثناء كلامى معاها

قلت لها كده

قالت لى انها فعلا قالت لوالدتها كل اللى حصل

بس مش قادرة تقول لوالدها

!!

[nooody]

اقتباسالمشاركة الأصلية كتبت بواسطة stOp maSr tOp

بس يا هند

و الله اعرفها كويس و من عارفة هى ازاى عملت كده
!!

و نفسى اساعدها عشان مش يحصل لها اى ضرر من اى بنى ادم

و خصوصا ان اخر مرة كنت بكلمها اتنرفزت عليها و قفلت الميل و من يومها و دايما موبايلى مقفول عشان متعرفش توصلى

لما اجى اقول اسيبها و اقول ماليش دعوة .. الاقى نفسى رافضة موقفى ده لانها طلبت مساعدتى و على ما اعتقد عمر ما حد طلب منى مساعدة الا و حاولت على الاقل مساعدته

و فى نفس الوقت خايفة ادخل نفسى فى متاهة

بس بردو ارجع و اقول زيك

ان انا حذرتها من بداية كلامى معاه انها بلاش الكلام معاه لان كانت معظم كلامه استجوابات عن معلومات شخصية
و هى زى ما عملت مسمعتش الكلام

بس فى نفس الوقت مش هعرف مساعدهاش

!!

بصى يا طمطم كلنا بنغلط يا حبيبتى

بس بنغلط لما مش نلاقى حد يعرفنا الصح من الغلط

لكن ابقى انا عارفه الغلط واروح له برجلى

غير ان فى ناس حذرتنى

وبرضه اصر على الغلط

بصى الموضوع محير بصراحه

انتى نفسك تساعديها عشان ضميرك يرتاح

وفى نفس الوقت مش عارفه تساعديها ازاى

عشان مش تضرى نفسك

بس فكرى .... انتى هتساعديها ازاى يعنى

الموضوع اكبر منك ومنها يا طمطم

[dr.marmar]

إمممممممممممممممم
طمطم أعتقد ان عرفت مين
حتي لو طرف واحد من الموضوع
مين هو
ليا كلام معاكي علشان أتأكد
وبعدها هقلك رأيي إيه في الموضوع ده
وإنتي عارفه ليه
وأنا قلتلك قبل كده

[أنثـے مًنْ الّخٍـْيـِالْ→♀]

عندك حق يا هند

بس

؟؟؟

[dr.marmar]

كل بني إدم خطاء ياهند
ومش معني إنك حذرتي حد من الأول
وهو ماسمعش كلامك
يبقي خلاص هو يتحمل غلطه لوحده
عمر ماكنت الأخوه أو الصداقه كده
خليها هي عبيطه وغلطتت
وهي مش فاهمه او مش مقدره الي عملته
بردوا لازم اقف جنبها وأحاول أساعدها بكل حاجه أقدر عليها

[أنثـے مًنْ الّخٍـْيـِالْ→♀]

مرمر مش فاهمة قصدك

او مش فاكرة تقصدى ايه

بس الطرفين ع العموم انتى تعرفيهم

و كمان انتى لسه مشرفة فى المنتدى بتاعه
!!

لو موجوده بكرة ابعتى لى رسالة ع المنتدى و انا افتح لك الميل و نتكلم