مسابقة قيس وليلى

[روز]

السلام عليكم ورحمة الله وبركاته
مساء الخير على احلى اعضاء

اليوم جبت فكرة جديدة بصراحة الباش مهندس نور
هو اللي الهمهني بيها

الفكرة عبارة عن شعر بين الشعراء
يعني كل شاعر شاعرية بيشتركوا في كتابة شعر زي كدة

http://forums.msryat.org/showthread.php?p=1183387#post1183387

و لما يتوافق على الفكرة ان شاء الله يتوافق يتقدم اللي عايزين
يشتركوا وبيقولوا مين معهم
يعني المسابقة هتبقى بين اكتر من كابل
وطبعا الشعر هيتعمل على حسب قوانين وشروط الادارة عشان مش ندخل
في كلام يفسد المسابقة لا قدر الله

والشعر اللي هيكسب بيصير اصحابه من حقهم موضوع خاص بالشعر بتاعهم بس ما بينهم هما الاتنين

يعني اقتراح للجايزة طبعا بلس المشاركات يا دكتور طارق
داخلين على طمع من اولها

يا ريت الاقي تشجيع للفكرة ومستنية رأي الادارة

[SiLver Spectra]

انتوا طرحتوا الموضوع!!

طيب همشيه

لكن فكرة عمل مسابقات بين ثنائي ولد و بنت مش مقبولة لأنها هتخرج عن اطار الأخوة و هتقلب قيس و ليلى بجد

كفاية قسم الألعاب و الي بنشوفه منه كمان هيبقى في الشعر

الموضوع الي نزله نورر هنسيبه كاستثناء

بالتوفيق في أفكار أخرى...

[big bốss]

حضرتك مش كلهم هيكونوا ولد وبنت

ممكن عضوتين مع بعض او عضوين مع بعض



الفكره ان مسابقه تكون عن تكميل وتواصل الابتكار العقلى بين الاعضاء


ومفيش كلام خارج الشعر ولا حاجه

وقسم الالعاب دا حاجه تانيه للهو والتسليه



اما دا قسم شعر بس وابتكارات اعضاء


ياريت تتم اعاده النظر

بعد اذنك طبعا

[αЛαstoOorα]

الفكرة جميلة جداً ومفهاش آى شيئ من الفساد
الكلام دة لو الآعضاء اللى فى المنتدى مش آخوات
وكلهم عارفين بعض وواخدين على بعض قسم الآلعاب
كلنا بنخش فيه وبنهزر فيه ولد وبنت بس فى الآخر كلنا آخوات
وفى آحترام بنا وموضوع زى دة يعتبر موضوع لكشف مواهب
ولآنه كمان هيكون ثنائى ولد وبنت فا الموضوع هيزداد حماس وتشجيع
من الطرفين وممكن ينجح ويبقى ليه كيان والعضو صاحب الفكرة يحس آنه عمل حاجة يفرح بيها لما يخش المنتدى ويفكر فى غيرها والموضوع بسيط جداً قبل آتمام المسابقة والمشاركات داخلها تضع شروط معينة للمسابقة آذا آخلف المتسابق هذه القوانين وضرب بها عرض الحائط ولا آهتم بها يتقدم له آنذار من قبل الآدارة وآذا تكرر هذا الخطآ فا للآدارة فعل ما تريد آتجاه وآعطائه ما يستحقه آصل دة موضوع مش مدرسة حكومية البنات لوحدهم والولاد لوحدهم لاء لو شوفت غلط حاول تصححه متصلحش آقطع رقبته لكن فى الآشعار فى الآلعاب فى المنتدى كله لازم يبقى فيه آحتكاك بين ولد وبنت ولازم يبقى فى كلام وهزار لآنهم لو مش هياخدوا على بعض ومش هيعرفوا بعض هتبقى الردود بتاعتهم تقيلة على قلبهم كل اللى هيرد هيقولك مشكوووووور وموضوع جمييييييل زى بعض الناس اللى بنشوفهم لكن لو الكل واخد على بعض وفى آحترام فى المعاملة هتلاقى الرد بدل ما هو كلمتين بقى صفحه كاملة وهات معظم المواضيع هنا مشكووور وجميل للآعضاء اللى مش عارفين بعض آو ملهمش كلام مع بعض قوى وهات المواضيع اللى مليانة ردود ونقاش هتلاقيها بين آطراف عارفة بعضها ومتعودين على بعض الآخلاق فى آى موضوع مش حكاية آشعار والعاب واللى معندهوش آخلاق وشوفت منه الغلط حذره معملش بتحذيرك خد موقف معاه
ياريت تعيد النظر فى الموضوع

[SiLver Spectra]

شوف يا عبدو عشان تنظموا مسابقة عايزه متابعة من مشرف قسم أدبي

عشان يتابع و يقيم و يشوف هل بينقل الجمل و لا دي جمل بتاعته و شغلانه

خليها في الموضوع و خلاص و الي يدخل يكمل على الجملة

عايز تنظمها كمسابقة راسل مشرف قسم أدبي بحيث يديك الموافقة على متابعة المسابقة و تقييم المتسابقين و بعدها نبدأ ننظم القوانين و الجوائز

[SiLver Spectra]

اقتباس الفكرة جميلة جداً ومفهاش آى شيئ من الفساد الكلام دة لو الآعضاء اللى فى المنتدى مش آخوات وكلهم عارفين بعض وواخدين على بعض قسم الآلعاب كلنا بنخش فيه وبنهزر فيه ولد وبنت بس فى الآخر كلنا آخوات

بأي حق بتجزم بكلماتك أن كل الي في المنتدى بيتعاملوا كأخوات!!

أمال الأعضاء الي كانت بتاخد حظر بسبب انه بيبوس بنت في الألعاب و لا قاعد بيحب في واحده و بتبادبوا كلام غزل لبعض!!

انت ممكن تتكلم عن نفسك لكن مش على غيرك

رسائل التعارف و الايميلات و غيرها من مشاكل انت لا تدركها

يعني مش هتكون على دراية أكثر من الادارة الي بتشوف المخالفات


بالنسبة للمسابقة فزي ما عرضت في المشاركة السابقة

انكم تراسلوا مشرف قسم أدبي يكون مسؤول عن متابعتها

و أنا مستعد اقيم الجوائز و اوافق عليها

[αЛαstoOorα]

اقتباس المشاركة الأصلية كتبت بواسطة SiLver Spectra بأي حق بتجزم بكلماتك أن كل الي في المنتدى بيتعاملوا كأخوات!! باللى آنا شوفته مشوفتش من البنات آى شيئ وحش من ساعة ما دخلت ولا من الولاد أمال الأعضاء الي كانت بتاخد حظر بسبب انه بيبوس بنت في الألعاب و لا قاعد بيحب في واحده و بتبادبوا كلام غزل لبعض!! آديك قولت بياخدوه حظر؟ يعنى لو حصل كدة فى الموضوع مفيش آى مشكلة آنه برضه ياخد حظر عشان هى هى انت ممكن تتكلم عن نفسك لكن مش على غيرك آنا بتكلم ع الوضع اللى آنا شايفه مش شايف شيئ مش كويس فى المنتدى بتاعكم ولو كنت شايف حاجة خارجة عن الآخلاق آو الآدب مكنتش آستمريت معاكم هنا عشان كدة مكلمتش على نفسى بس آتكلمت على معظم الآعضاء اللى بدخل يومياً وبشوفهم رسائل التعارف و الايميلات و غيرها من مشاكل انت لا تدركها آى مشكلة وليها حل مفيش مشكلة ملهاش حلول حتى آذا كانت آكبر من حجمها يعني مش هتكون على دراية أكثر من الادارة الي بتشوف المخالفات مين قالك آنى على درايه آكثر من الآدارة آنا بقول وجهة نظرى يا عجبتك يا لاء بالنسبة للمسابقة فزي ما عرضت في المشاركة السابقة انكم تراسلوا مشرف قسم أدبي يكون مسؤول عن متابعتها و أنا مستعد اقيم الجوائز و اوافق عليها

مــــع التقدير,,

[SiLver Spectra]

اقتباس

اقتباس بأي حق بتجزم بكلماتك أن كل الي في المنتدى بيتعاملوا كأخوات!! باللى آنا شوفته مشوفتش من البنات آى شيئ وحش من ساعة ما دخلت ولا من الولاد

انت بقالك كام يوم في المنتدى!!
يا أخي أنا راجل بقالي 15 شهر في المنتدى
و شوفنا و اتعاملنا مع مخالفات

مش إنك تسجل في المنتدى و تقول ليه ما بشوفش الرسائل الخاصة و تحكم حكم أعمى!!
احنا أدرا بالأسباب بحكم خبرتنا و تجاربنا الي اتعاملنا بيها

اقتباس

اقتباس أمال الأعضاء الي كانت بتاخد حظر بسبب انه بيبوس بنت في الألعاب و لا قاعد بيحب في واحده و بتبادبوا كلام غزل لبعض!! آديك قولت بياخدوه حظر؟ يعنى لو حصل كدة فى الموضوع مفيش آى مشكلة آنه برضه ياخد حظر عشان هى هى

ما أنا كمان ورايا مشاغل كتير!!
مش فاضي و قاعد و حاطت اديه على خدي و مستني المخالف عشان أديله حظر
لكن بتخذ الاحتياطات الي تمنع حدوث مخالفات
أمال بقول ليه مشرف يتابع و يتفرغ للمسابقة و ينظمها

اقتباس

اقتباس انت ممكن تتكلم عن نفسك لكن مش على غيرك آنا بتكلم ع الوضع اللى آنا شايفه مش شايف شيئ مش كويس فى المنتدى بتاعكم ولو كنت شايف حاجة خارجة عن الآخلاق آو الآدب مكنتش آستمريت معاكم هنا عشان كدة مكلمتش على نفسى بس آتكلمت على معظم الآعضاء اللى بدخل يومياً وبشوفهم

تعرف ايه انت عن الأعضاء الجدد الي بتسجل معانا!!

زي ما بيقولوا سيب الصنعة لأهلها
مااجيش و أتدخل في اشياء ماتخصنيش و بدون أي خبرة اقول هي كويسه

بيكون في اعتبارات انت لا تدركها
مبنية على تجارب سابقة

المسابقة تنظم مافيش مشاكل عندي لكن بتنسيق مع مشرف قسم أدبي

عندكم طائر الشرق و سكرة

شوفوا المشرف الي يناسبكم و اتفقوا معاه على بندود المسابقة و كيفية اقامتها و على أي اساس هيتم اختيار أفضل كابل
يعني مثلا عن طريق لجنة أو عن طريق تصويت
الموضوع هيدار ازاي
و لازم تتم مراجعة كل الشاركات بحيث نتأكد انها مشاركات العضو نفسه مش ناقلها من منتدى تاني
و غيرها من اعتبارات

يغلق الموضوع لحين التنسيق مع مشرف

روز صاحبة الموضوع أو نورر
بقترح عليكم مراسلة مشرفة القسم
(سكرة) بحيث انها تنزل المسابقة في قسم الخواطر و تتابعها بشكل جيد و تبلغوها بالشروط و كيفية ادارة المسابقة
و أنا هتابع معاها لكن بعد ما ترتبوها الأول مع المشرفة

موفقين....