ايه رأيكو في قرار إقاله وزير التربية والتعليم يســـــري الجمل

[حياتي ذكريات]

السلام عليكم ورحمة الله وبركاته

ازيكم يا أحلى أعضــــــاء ان شاء الله بخير



من فترة مش كبيرة كلنا سمعنا خبر إقاله وزيــــــر التربية والتعليــــم
( يســـــــري الجمـــــل ) فحبيت أكتب موضوع عنه وأعرف أعضاء بنات مصر رأيهم ايه
لأن آراء الناس اختلفت في الموضوع ده منهم اللي قالو ان من أول ما قعد
على كرسي الوزارة والتعليم انهار ومنهم اللي قال انه اتخد شويه قرارات
صائبة والباقي لأ
على فكرة اقالته جت وكان بدأ مشروعه بالإشراف على المدارس وبدأ بتنفيذ
خطته اللي عملها للحد من انتشار انفلونزا الخنازير مش كانوا استنو شوية لحد
ما يخلص مشروعه ولا هما كانوا عارفين ان كل خطة بيعملها يسري الجمل لااازم تفشل ؟!

وبعد ما تمت إقالة الوزير انتشرت وبشكل كبير في كل المواقع وأغلبها عبارات وتهم
قاسية للوزير السابق من ضمنها وأشهرها واللي اعترف بيها رئيس جريده مشهورة في مصر
انه من فترة كان فيه مقابلة مع وزير التربية والتعليم في أحد الجرايد المشهورة وكانت بجد
مقابلة طويلة عريضة بس طلع رئيس التحرير وفجر المفاجأة ان يسري الجمل هوا بنفسه اللي كتب
الأسئلة والأجوبة ودفع فلوس لرئيس تحرير المجله عشان يحطو المقابلة دي في صفحاتها ؟!
عمركو شفتو وزير بيعمل كده ده بيتضح لينا ان اللي اتقال على يسري صح انه مش بيهتم
غير الظهور في وسائل الإعلام وآخر ما بيفكر فيه هوا التعليم

وعلى فكرة أنا في الأول ما عرفتش الخبر من وسائل الإعلام عارفين ليه
كل صحابي بيتصلو على الموبايل ومسجات تهنئة بخبر إقالة الوزير مع ان بعض
اللي هنوني مش من مصر وأنا عن نفسي أول ما سمعت خبر إقالته سجدت لله
شكر لأني السنة الجاية دراستي هكملها في مصر واخويا جاي يباركلي
بجد حسيت قد ايه الناس بتكره يسري الجمل مع انه ما قعدش وقت طويل أووي
على كرسي الوزارة

وعايزة أقلكم موقف طريف حصلي في اسكندرية
عارفين طبعاً في اسكندرية بتنتشر حكاية العيال اللي بنادو جرايد ويمشو في الشوارع
فيه ولد في يوم نادى بأعلى صوته ( إقالة الوزير يسري الجمل إقرأ وشوف ) طبعاً الناس بقت تزغرط
والهيصة انتشرت في المكان وكل الناس اشترت جرايد المفاجأة اللي حصلت انه احنا بعد
ما شرينا قعدنا ندور على الخبر ما لقيناهوش اكتشفنا بعد كده ان الولد بيقول كده عشان
الناس تشتري منه لا غير ؟!
بجد حسيت قد ايه الناس بتعاني واكتشفت حتى يمكن أجزمت ان أغلب الشعب المصري
بيكره يسري الجمل بسببين الزغاريط اللي ما بطلتش من كل بيت أول ما سمعنا الخبر
وانه الولد جاتله فكرة اعلان وزير التربية لأنه عارف ان المصريين مش بيحبوه ولا كان اختار
خبر إقالة وزير تاني

بالنسبة للوزير الجديد ( أحمد زكي بدر ) ايه رأيكم فيه
ياتري هيقدر يصلح كل اللي بوظه يسري الجمل لاني بكل صراحه
ما شفتش أسوأ من تعليم مصر لاني رحت يوم مع بنت عمتي في مدرسة ثانوية
أشوف ازاي الدراسة ماشية في مصر بجد حاجة تحرج ما فيش مدرسين داخلين
ولا طالعين ولو اتكرم مدرس ودخل يبقى هيعد يهزر ويتكلم ولا يطلع سيجارته من
جيبه ويعد وخلاص وأصلاً أما رحت المدرسة ما لقتش الا يمكن 20 بنت من أصل
50 او اكتر عرفت انه التعليم انهااار في مصر قلت يمكن عشان دي مدرسة حكومية
رحت سألت من قرايبي اللي داخلين مدارس خاصه ما لقتش فيه فرق بالعكس بيقولولي
الحكومية أحسن مليون مرة من الخاصه ؟!

_ أحمد زكي بدر _ مستنين منه ايه
يا ترى هيقدر يعيد للتعليم مجده ولا خلاص التعليم في مصر ما لهوش حل ؟!


عايزة أعرف آرائكم ايه في الموضوع ده
وانتو مع قرار إقالة الوزير ولا لأ
بانتظار ما تخطه أقلامكم وقلوبكم


عذراااا على الإطالهـ

[kitty cat]

مش هتفرق كتير يسري الجمل من احمد ذكي بدر

يعني مش الشخص اللي منتظر منه تغيرات جوهريه في التعليم

كان رئيس جامعه عين شمس وابدع في الفتره اللي مسك فيها

ربنا يكون في عون طلاب مصر واهالي مصر

[نانـــــو]

بصراحة انا ولا بحب ده ولا بحب ده وبالاخص الوزير يسرى الجمل لانه خربها خربها يعنى وتسلمى ياقمر على الخبر وياريت تقبلى مرورى

[حياتي ذكريات]

اقتباس المشاركة الأصلية كتبت بواسطة kitty cat مش هتفرق كتير يسري الجمل من احمد ذكي بدر يعني مش الشخص اللي منتظر منه تغيرات جوهريه في التعليم كان رئيس جامعه عين شمس وابدع في الفتره اللي مسك فيها ربنا يكون في عون طلاب مصر واهالي مصر

بصي هوا أكيد مش هيعينوا واحد أسوأ من يسري الجمل

و أصلاً صعب على أحمد زكي انه من أول ما يعد التعليم

يتصلح ومستوى التعليم يتقدم في مصـــر لانه الفترة دي تقريبــا

التعليــــم انهار في مصر

ربنا يكون في العون وان شاء الله أحمد زكي يعمل حاجة

تســـــــلمي على المرور

[حياتي ذكريات]

اقتباس المشاركة الأصلية كتبت بواسطة nano.love بصراحة انا ولا بحب ده ولا بحب ده وبالاخص الوزير يسرى الجمل لانه خربها خربها يعنى وتسلمى ياقمر على الخبر وياريت تقبلى مرورى

احنا لسه ما شفناش من أحمد زكي حاجه لحد دولوقتي

صعب اننا نحكم عليه وهوا لسه في بداية قعوده على كرسي الوزارة

تســـــــلمي على المرور وعلى رأيك

[محمد الشريف]

فى رأيى عدم الإفراط فى التفاؤل أو فىإقالة وزير وتعيين آخر

فشخص الوزير ليس الهدف والعبرة دائما بما يقدمه الوزير من

قرارات تمس المسألة التعليمية فالوزير غالبا مقيد بسياسات

الحكومة التى يتبعها ، وعندما نجد ونشعر بوزير وطنى مدرك

أن المنصب لن يدوم ويعمل بوطنية مجردة من الذات والأنا

ولا يفتتن بالزخارف والبهارج والتقارير التى تقم له فى مكتبه

ممن لايبغون سوى رضاه ويخرج من مكتبه ويمر بنفسه تحوطه

بطانة من المسئولين الصالحين يختارهم من وحى ايمانه بأن

المسئولية تكليف وليست تشريف ، وعندما يتم القضاء على

الروتين المميت القاتل والقضاء على الدروس الخصوصية

واختفاء شبح الثانوية العامة وتعميم التعليم الحديث الخالى

من الحشو وعندما نرى مدارسنا تمتلأ بطلابها حبا ورغبة

من طلابها وعندما نشعر بأن المعلم يؤدى رسالة لا وظيفة

عندما نرى المعلمين تجردوا من سلوكياتهم فى أداء واجباتهم

بضمير واستئصال ممن لايصلح منهم عندما تعود للمدارس

مفاهيم التربية قبل التعليم وكافة ما يداعبنا من آمال متوازنة

وغير ذلك مما قد أكون غفوت عنه .... عندئذ ... سنشعر

بوجود وزير جديد للتعليم ... ولندع الجمل فى حاله ولا يشغلنا

سوى مايجدى ويفيد ... فالحكم على الوزير الجديد مؤجل بما

نلمسه من تغيير للأفضل وللصالح العام ودعاءنا خالصا لله

أن يوفق الوزير الجديد فى مهام منصبه وكذلك كافة وزراء

حكومتنا وأن يؤمن بلادنا الغالية من كل سوء فمصر تحتاج

لكل وفى مخلص وطنى يحب بلاده ويخلص لها وفاءا

مع تقديرى

[fula]

السلام عليكم ورحمة الله وبركاته . شوفى بقى يا ستى يجيبو الجمل يودو الجمل مش فارقه انتى سمعتى ثلاثى اضواء المسرح وهما بيقولوا شاله الضو جابه شاهين الضو قال محناش لاعبين احنا محتاجين لتغير منظومة التعليم كلها من جذورها عشان نقدر ننهض بنظام التعليم يعنى تغير الاشخاص مش كفاية وتسلمى على الموضوع الهام ده ودايما متميزه باذن الله .:cv27:

[حياتي ذكريات]

اقتباس المشاركة الأصلية كتبت بواسطة محمد الشريف فى رأيى عدم الإفراط فى التفاؤل أو فىإقالة وزير وتعيين آخر فشخص الوزير ليس الهدف والعبرة دائما بما يقدمه الوزير من قرارات تمس المسألة التعليمية فالوزير غالبا مقيد بسياسات الحكومة التى يتبعها ، وعندما نجد ونشعر بوزير وطنى مدرك أن المنصب لن يدوم ويعمل بوطنية مجردة من الذات والأنا ولا يفتتن بالزخارف والبهارج والتقارير التى تقم له فى مكتبه ممن لايبغون سوى رضاه ويخرج من مكتبه ويمر بنفسه تحوطه بطانة من المسئولين الصالحين يختارهم من وحى ايمانه بأن المسئولية تكليف وليست تشريف ، وعندما يتم القضاء على الروتين المميت القاتل والقضاء على الدروس الخصوصية واختفاء شبح الثانوية العامة وتعميم التعليم الحديث الخالى من الحشو وعندما نرى مدارسنا تمتلأ بطلابها حبا ورغبة من طلابها وعندما نشعر بأن المعلم يؤدى رسالة لا وظيفة عندما نرى المعلمين تجردوا من سلوكياتهم فى أداء واجباتهم بضمير واستئصال ممن لايصلح منهم عندما تعود للمدارس مفاهيم التربية قبل التعليم وكافة ما يداعبنا من آمال متوازنة وغير ذلك مما قد أكون غفوت عنه .... عندئذ ... سنشعر بوجود وزير جديد للتعليم ... ولندع الجمل فى حاله ولا يشغلنا سوى مايجدى ويفيد ... فالحكم على الوزير الجديد مؤجل بما نلمسه من تغيير للأفضل وللصالح العام ودعاءنا خالصا لله أن يوفق الوزير الجديد فى مهام منصبه وكذلك كافة وزراء حكومتنا وأن يؤمن بلادنا الغالية من كل سوء فمصر تحتاج لكل وفى مخلص وطنى يحب بلاده ويخلص لها وفاءا مع تقديرى

كلامك صحيح وأنا بتفق معاك جداا في رأيك
احنا أما نشوف معلمين اسم على مسمى يدخلو يشرحوا
بذمة وضمير ويكون هدفهم هدف سامٍ وانشاء جيل متكامل الأوصاف
وتربيتهم على الأخلاق القيمة يبقى نقدر نقول ان الوزير الجديد عمل حاجة
لو كل مدرس أو مدرسة شرحوا للتلاميذ
الدرس بذمة وضمير ما كانش في حاجه اسمها ( دروس خصوصية ) لأن
دولوقتي الطلاب من وجهة نظرهم ليه نروح مدرسة وما فيش حد بيشرح
كفاية علينا الدروس يعني مفروض يعمل حاجة عشان تخلي الطلاب يجيوا
للمدرسة بدون تكاسل
وأهم حاجه تكون الوزارة زي اسمها ( وزارة تربية وتعليم ) يعني هدفهم الأول
تربية الطلاب وغرس الصفات المحموده فيهم ثم تعليمهم بمواد المنهج
احنا مش عايزين نحط كل آمالنا في الوزير الجديد عشان لو حصل حاجه لا
قدر الله ما نصدمش بواقعنا بس احنا بنسال الله انه يخلي الوزير الجديد خير لمصــر
وينض بالتعليم لأنه التعليم هوا اللي هيبني مصر

تســـــــلم على المرور وعلى رأيك الرائع
تحياتي لك

[حياتي ذكريات]

اقتباس المشاركة الأصلية كتبت بواسطة فلة1171997 السلام عليكم ورحمة الله وبركاته . شوفى بقى يا ستى يجيبو الجمل يودو الجمل مش فارقه انتى سمعتى ثلاثى اضواء المسرح وهما بيقولوا شاله الضو جابه شاهين الضو قال محناش لاعبين احنا محتاجين لتغير منظومة التعليم كلها من جذورها عشان نقدر ننهض بنظام التعليم يعنى تغير الاشخاص مش كفاية وتسلمى على الموضوع الهام ده ودايما متميزه باذن الله .:cv27:

وعليكم السلام ورحمة الله وبركاته

عندك حق احنا عايزين نغير المنظومة كاملة عشان ننهض بالتعليم
ودلوقتي كل وزير يقولك انا هعمل وهحط وهشيل وأما يتعين للأسف
تلاقيه اغتر بمنصبه ومكانته ونسي نفسه وسط الهيصة والبهرجه
بجد التعليم بكل صراحه فاشل في مصر جداا ولو الوزير الجديد ما
عملش حاجه مش عارفة ايه اللي هيحصل بعد كده مش هنقدر نقول
غير العوض على الله

تســــــــــلمي على المرور يا قمر
نورتي النقاش بردك الجميل