ممكن تساعدونى

[dr.mishmisha]

السلام عليكم

ياجماعة انا عضوة معاكم هنا من زمان

بس مدخلتش المنتدى بقالى مده طويلة

مش عارفة هتفتكرونى ولا ايه

بس رجعالكم بقى بمشكلة كده

اتمنى انكم تساعدونى فيها

انا اتقرت فاتحتى وخطوبتى ان شاء الله قرريب


اتخطبت لابن عمى

المشكلة ان انا وهو متربيين مع بعض تقريبا

ومش عارفين نخرج من الحكاية دى ويبقى تعاملنا مع بعض بشكل تانى

هو كمان تقريبا عنده نفس المشكلة

ومش عارفة هو اللى مش مساعدنى ولا انا اللى خيبة

الموضوع ده معقدنى جدا

نفسى نتعامل مع بعض زى اى اتنين مخطوبين

بس احنا زى ماتقولوا كده مكسوفين من بعض وفى حاجز مابينا مش عارفين نكسره

انا بسمع كلام كتير اوى وبيبقى كلام جميل كده نظريا

بس انا مش عارفةاحققه

ياريت ياجماعة تقترحوا عليا حاجات معينة اعملها تقربنى منه

وتقولولى رايكم فى الموضوع

مستنية ارائكم

واسفة انى طولت عليكم

[العفريت]

اهلا بيكي ولو ان لا يكرم المرء في داره عشان انا الجديد عليكم ، انا في رأيي وانا خضت التجربة دي وعمري 35 إن الحب بييجي مع مرور الوقت ولو هو محترم وجدير بيكي يبقا اتمسكي بيه ولو حتى كان بينكم حاجز الأخوة عشان انا في يوم من الايام رفضت بنت عمي واتجوزت من بعيد وكانت النتيجة .... مش عاوز افول في وشك ، إنتي مؤدبة وهو خجول والله إن شاء الله الأدب والخجل دول هيكونو الأضحوكة والنكتة بتاعتكم لما تتجوزوا صدقيني واللي هيفضل الأخلاق الطيبة والمعاملة الحسنة ومواضيع الخطوبة مالها لزوم خليكو على طبيعتكو بالحب هتبنوا مستقبلكو وربنا معاكو ، تقبلي مروري

[~®§§][][ سيد دندنة ][][§§®~]

بصى الاول انسى خالص انوه ابن عمك دلوقتى

وخلى فى خيالك انوه حبيبك وخطيبك

[dr.mishmisha]

السلام عليكم

متشكرة جدا لحضرتك

ربنا يكرمك يارب

ويارب فعلا ده يتحقق لانى خايفة جدا من الموضوع ده

متشكرة تانى لاهتمامك وردك

وادعووووووووولى علشان عندى امتحان بكرة

[dr.mishmisha]

اقتباسالمشاركة الأصلية كتبت بواسطة d.g. dandanaبصى الاول انسى خالص انوه ابن عمك دلوقتى

وخلى فى خيالك انوه حبيبك وخطيبك

لو كنت عارفة اعمل كده مكانش هيبقى فى مشكلة

متشكرة ليكى ياقمراية

[dr.marmar]

لالالالالالالالالالالالالالالالالا
أكيد أنا بحلم والله ياسمر
ايه ده حلم ياناس ده ولا علم
ليه يابنتي الغيبه دي كلها
وحشاني خالص والله يادكتورتنا
أولا مبروك ياجميل علي الخطوبه
ثانيا بالنسبه للي بتحكي عنه ده
ده طبيعي جدا
وبيحصل لاي واحده بتتخطب لواحد تعرفه حتي لو جارها
مش ابن عمها ومتربين مع بعض
ومع الوقت والزمن الأزمه دي بتعدي
لان كمان إنتوا لسه في فتره الخطوبه
يعني التعامل بينكوا بردوا في حدود ضيقه
وخصوصا انك أزهريه
يعني ماشاء الله ملتزمه بتعاليم دينك
وعارفه ربنا
وده الي بيخلي فيه نوع من الحياء والخجل في التعامل بينكوا
بس انتي وهو الي حاولوا تكسروا الحاجز ده مع بعض شويه بشويه

[dr.mishmisha]

السلام عليكم

وحشانى والله يامروة

وميرسى ياحبيبتى الله يبارك فيكى

بس مش عارفة يامروة انا حاسة انها فعلا هتعدى بالوقت بس مقلقة اوى

ومش مرتاحة

ربنا يقدم اللى فيه الخير ان شاء الله

ودعواتك بقى

وعايزة ارغى معاكى كتير جداااااااا لانك وحشانى مووووت

سى يو بقى

[dr.marmar]

إنتي كمان وحشاني اوووووووي والله ياسمسم
ان شاء الله نرغي كتير علي الميل
ربنا يوفقك ياحبيبتي
وييسرلك الأمور

[تاج ملاك]

الف مبروك و ربنا يهنيك بيه و نقولك في الزمن هذا ابن عمك احسن من الغريب

[ميدو العثل]

عثولتنا الدكتورة مشمشه
انا لسى جديد هنا على فكره يعن يمش هافتكرك ههههههههه
بالنسبة للخطوبه الف مبروك
وربنا يتمم بخير
بس المفروض من الاساسا الموضوع بتاع الخطوبه ماكنش تم لاسباب عديده ولكن طالما تم يبقى ربنا يعمل مافيه الخير
هاقولك ماكنش تم ليه :-
لان في جواز الاقارب مشاكل صحية للابناء
ولان فعلا جواز الاقارب بيكون فيه قلة عاطفه او العاطفه بتكون اخويه اكثر من عاطفيه
وبتظل كده مهما حاولنا نعمل لها تغطيه من عندنا او نتصنع الحب والرومانسيه
اضافه الى ان اي شئ بينكم كل منكم بينظر لماضي الشخص الاخر لانه بيعرف ماضيه كويس وبيعرف كل شئ عنه منذ طفولته
اما زواج الي مش قرايب بيكون كما يلي:-
الاولاد بيكونوا بصحه جيده بتوفيق الله طبعا
الحب بيكون رومانسي لابعد الحدود لان القريب لما يحاول يظهر حبه بتعتبريه نوع من التقرب او القرابه ولكن الغريب بتعتبري حبه حقيقي غير مصتنع
مابتعرفيش عن الغريب اي شئ عن ماضيه ولو عرفتي مش بتعرفي الا القليل وده بيكون كويس ليكي وله
لان اي شئ مخفي بيكون في صالح الاثنين

لو كان هناك بد من الجواز حاولي تعتبريه غريب وامرك لله انتي وهو
وحاولي انك تخرجي معه كثير وتتناسي انتي وهو قرباتكم بعض الوقت لحد ماتتعوضوا على كده
ومن رايي تطولوا فترة الخطوبه شويه