حلقات ( اجمد عضو ) مع ( morshooo )

[ماتركس]

حلقه متميزه يا مرووشوو

واجابات جميله واسلوب الاسئله اجمل

بالتوفيق ليك

[خارج عن القانون]

انا لما طلبت انى استضيفك يا احمد التزمت بالحيادية ع قد ما اقدر

علشان ما تقولش انى منحاز لعقليتى ونظرتى للامور اللى هى عكسك تماما

وعلشان كده انا هنا هعلق ع كلامك كعضو عادى مش كمحاور

اقتباس





انا هكلم عن الرئيس اولا انا مقتنع تماما بأن مبارك رجل سياسى من الدرجة الاولى خارجيا ولكن داخليا للاسف كان صفر دا باختصار طبعا

افهم من كده انك راضى عن علاقات مصر الخارجية ايام النظام القديم؟؟
راضى انه يكون كالعصا فى يد امريكا واسرائيل يحركوها كما يريدون؟؟
راضى ان معظم الدول العربية والافريقية لا تربطنا بهم سوى السفارات؟؟

اقتباس





كلنا شاركنا فى الثورة مع نزولنا كلنا طول الليل لحماية البيوت بتاعتنا والبيوت المجاورة لينا

مش كل واحد انضم للجان الشعبية مؤيد للثورة ,, انت كنت فى اللجان الشعبية علشان تحمى اخوك واخويا واختى واختك,, يعنى انت عملت كده لمصلحة شخصية مش مصلحة عامة,, والا ايه رايك؟؟

اقتباس





انا كنت مع استمرار الرئيس حتى نهاية فترتة الرئاسية عشان مش كل يومين نلاقى مجموعه نازلة الميدان بتطالب بمطالب جديدة بالرغم من لو الناس الى بتنزل كل يومين دول قعدو مع بعض هتلاقيهم اصلا مختلفين فى مطالبهم

هو انت نزلت الميدان علشان تعرف ايه مطالبهم؟؟ والا انت لسه بتعتمد ع الاخبار من التلفزيون؟؟

اقتباس





مستحيل كل الى حصل دا حصل فى ساعه واحدة دا غير باقى الكلام الى قولتة وانك تسيب الى بيحصل وتروح تتعشا تقريبا وتستخبا فى قهوة مع ان تصورك للاحداث مستحيل قهوة تفتح فى وسط جرى رجال الشرطة وضرب النار والقنابل دى

لو كنت نزلت الميدان كنت هتشوف بنفسك ان كل ده حصل وابعد انت بس عن حزب الكنبة ده ^^

اقتباس

طيب مطلبتوش لية بترك المجلس العسكرى الحكم بما انة من النظام السابق عموما انا كنت شايف المجلس العسكرى كان ناقصة حاجا واحدة بس انة يرضع المعتصميين وينيمهم بس لان الاعتصامات مكنش ليها اى لزمة الا وقف حال البلد والمجلس العسكرى ماشاء الله كان مهاودهم لاخر مدا وكان بينفذ طلبتهم .

سورى يا مورشو بس انا عايز افهم طلبات ايه ديه اللى المجلس نفذها؟؟ شكلك لسه بتابع القنوات الحكومية برضو^^

ولولا الاعتصامات ديه ماكنش مبارك اتخلع ومن غير الاعصامات ديه الشهيد عمره ما هيرجعله حقه

اقتباس

هما لسة فاكرين دلوقتى بعزل المشير وبعدين فى حاجا غريبا كل واحد من حزب يطلع يقول مطالب الى يقول احنا معتصمين عشان رموز الفساد تتحاكم وانتا بتقول عشان عزل المشير المهم ان محدش فاهم حاجا ولكن انا ضد الاعتصام فى الميدان وبعدين صحيح اصل كلهم خلصو امتحانات وبقو فاضيين فممكن يقعدو كدا لحد امتحانات الترم الاول من العام الدراسى الجديد يعنى لحد شهر يناير القادم بعد الاحتفال اكيد بمرور عام من الثورة

هما بيطالبو بعزل المشير دلوقتى وده علشان افتكروه كويس
بس بعد اكتر من 5 شهور اتاكده انه زيه زى اللى قبله فبيطالبو برحيلوه
ويا عم اسمع كلامى وسيب الكنبة ديه وانزل الميدان بنفسك وهتلاقى الاختلافات ع مطالب فرعية مش اساسية
وبخصوص الاعتصامات والناس اللى فاضيين زى ما انت بتقول انزل وشوف الناس دول
واسالئهم انتو فاضيين والا لا؟؟ هتلاقى اجابة موحدة "مصر اهم"

اقتباس





بص يا نجم بداية كدا فى ناس مسمعش عنهم والا فى صباح الخير يامصر حتى ^_^

طيب وايه رايك فى البرادعى

اقتباس





انا فاكر النقاش الى كان بيحصل بينى وبينك فى التوبيكات وفاكر انى قولتلك انى مش سياسى وكل الى بقولة وبعرضة وجهة نظرى الشخصية لانى مش مقتنع باى حد عارف كام معلومة يبقى سياسى

فكرتنى بواحد ميكانيكى حب يشتغل خباز^^

اقتباس





وانا لحد دلوقتى ضد محاكمتة واعتقد ان مفيهوش حيل للمحاكمة اصلا وكفاية الى هو فية

طيب مين يدفع حق دماء الشهداء؟؟

اقتباس





يعنى انتا تفتكر ان الى حصل كان صدفه ومنقدرش نعمل ثورة تانى لو حصل فساد تانى بس الى متاكد منة انة اكيد كانت سياسته هتتغير وهو نفسه كان هيهتم بالاصلاح خلال الكام شهر الى كان هيفضل فيهم

انك تعمل ثورة ده شىء بيحصل فى مصر كل 50 سنه بس
استنا كمان 50 سنه وهتلاقى ثورة تانيه
اما بخصوص الاصلاح فتفكر ايه اللى منعه انه يعمله فى خلال 30 سنه؟؟ وياترى اللى منعه فى خلال 30 سنه هسمحله انه يعمل اصلاح فى خلال بضعة اشهر؟؟

اقتباس





ليبيا اعتقد سبب ثورتهم انهم ( ملو من القزافى )

تصحيح معلومة ليك يا مورشو
ليبيا مش ثورة ملل ليبا ثورة حرية

[ღḾăĺăҜ ღ]

ميرسى حلقة جميلة اوى اوى وانا قرتها كلها بس كان طويل شوية وتسلم الايادى

وكمان الضيف ايجاباتة حلوة اوى

تحياتى : ملك

[Love Paradise]

السلآم عليكمـ ورحمة الله وبركآته ::

مآشآء الله إخواني ،، حلقة رآآئعة ،، رغم إختلآفي مع الآخ مورشو في بعض النقآط ،، إلآ إن معظم الاجآبآت والاسئلة في حد ذآتهآ منظقية تمامآ ::

لي عودهـ بإذن الله للمنآقشة ::
دمتمـ في رعآية الله ::

[الحان الورد]

حلقـة مميزة وجميلـة
الاسئلة برده حلوة وممتعـة
أنــآ بس عآيزة أقـول حاجة
لو كان الرئيس السابق فضل قاعد لحد
ماتخلص مدته وتيجي الانتخابات وكده
تفتكر كان هيفضل ساكت خلال الفترة ده ..؟
يعني باعتبار ان الشعب وافق
تفتكر حسني بعد 30 سنة ديكتاتورية كان هيقتنع فجأة بالديمقراطية
وثورة الشعب والحرية ومايحاولش يعمل اي حآجة
وخصوصا انه لو كان فضل موجود كان شآف ثورة ليبيا وسوريا واليمن
وان مفيش غير مصر بس هي اللي حققت نتيجة وان القذافي والاسد وصالح
لسه موجوديــن .. كل ده كان ممكن يخليه يفكر يعمل اي حآجة
عشــآن يفضل هو كمان وخصوصا برده ان جماعته كمان كانت هتبقى معاه
..
معلش لو كنت طولت بس ده حاجة كانت بتيجي في بالي
لما بسمع حد بيقول مبارك كان مفروض مايتنحآش
وطبعا ده رأيك وانا بحترمه ،،
طارق وخارج عن القانون ومورشـو .. حلقة ممتعة وجميلة
بالتوفيق دآيما
..

[morshooo]

فى البداية احب اشكر

طارق وعكاشة

على الاستضافة الجميلة جدا

والى فعلا كان اسلوبهم فى الحوار اكثر من رائع

وبشكرهم على المجهود الجميل الى بزلوة

وعلى اللقاء الحصرى ^_^

:cv37:

[morshooo]

اقتباسالمشاركة الأصلية كتبت بواسطة n O d Yحلقهـــــــــــــــــــــــ بجد متألقهـــــــــــــــــــــــــ اوي

شغل جامـــــــــــــــــــد منكـ يـ تــــــــــــاركــــــــــــــ

احمد موروشو كانت حلقه متميزهـ معــــــــــــــاهـ

و نورت يـ عكاشـــــــــــــــــــــهــــــ

ثانكيـــــــــــــــــــــــــــــو عــــــــــــــ الحلقهــــــــــــــــــــــــــــــــ

تحياتـــــــــــــــــــــــــــــي

نورتى يا نودى وسعيد جدا

بمرورك المميز دائما

بس انتى فين فى اليوميات مش بشوفك يعنى

ووقفتى توبيكاتك لية

عودى يا نودى عودى يا نودى :Sport-006:

[morshooo]

اقتباسالمشاركة الأصلية كتبت بواسطة Lαzєzαالحوار طوويل اوى وبصراحه بدأته وقلت مش هكمله واقوم انام احسن
بس الحديث بجد مشوق وكملته كله >>انجاز بقى كككك
باختصار كده
انا كنت عكس موقفك خالص ايام الثوره
وضد استمرار مبارك
لانه بعد ميقتل اخويا مش هضمنه ع نفسى؟
للاسف فكرتنى بأحداث يوم جمعه الغضب ويوم الاربعاء (موقعه الجمل )
من سوء او حسن حظى انى كنت موجوده اليومين دول
ولو حد حكالى من غير منزل ع اللى حصل ف الشارع ايامها
هكدبه
بس انا شفت ببعينى ناس بتموت؟
وحضرته قاعد من غير ميعمل حاجه؟
ولو زى مبيقولوا مكنش عارف
يبقى عذر أقبح من ذنب
فمش فاهمه ازاى ارضى انه يكمل فترته الاتنخابيه؟
بخصوص اللى بيحصل دلوقت ف التحرير

اولا اشكرك على التواجد الرائع

ثانيا : انا مش هكلم على موقعه الجمل والى حصل فيها مع ان فى حاجا

الى فى الميدان كانو ملايين والى داخلين بالجمال لو قولنا 50 واحد وهما اقل من كدا بكتير

يعنى مستحيل هيقدرو يعملو حاجا للمعتصمين ولكن انا اكيد ضد الفكرة نفسها

وهى ان ناس تستاجر اشخاص بجمال عشان ينزلو على المتظاهرين وفى حاجا كمان مهمة

احنا كنا فى ثورة ومستحيل ما يبقاش فى شهداء بس الغريب بقى لو احنا بنعمل كل دا

عشان شهداء يناير الى فيهم كتير من وجهة نظرى مش شهداء والا حاجا يعنى لما بنت ترمى نفسها

من البلكونة تبقى شهيدا ازاى ولما واحد يبقى رايح يحرق قسم وهو اصلا رايح ونيتة شر يبقى

شهيد ازاى وبقول دى وجهة نظرى فى بعض الشهداء طيب هما فين شهداء 73 الى فعلا

اسمهم شهداء عملنالهم اية

اقتباس جمعه 8 يوليو كنت مؤيداها وبشده رغم انى مش نزلت التحرير لظروف سفرى لان المجلس العكسرى وحكومه شرف بدأ يزودها شويه الناس عماله تاخد براءه ومفيش اى حاجه من اللى اتقالت هتتعمل اتعملت مفيش امن ف البلد خالص المرور زى الزفت عشان مفيش رجال مرور والخ بقى وطبعا كنت معترضه ع اللى بينادى بإاسقاط المشير والمجلس العسكرى لأن ده مش وقتها

هو مين الى قال عايزين شرف وجرى على التحرير واحتفل

وتانى يوم متصور فى محل فول وطعمية وال يعنى هو

مع الغلابة والشعب ^_^

انتى بتقولى مفيش أمن فى البلد وهو مين الى عمل كدا الشرطة

مش كل لما ينزلو يحصل مشاكل معاهم من المواطنيين وكل لما قسم

يفتح الاهالى تجرى تحرقة ازاى عايزنهم ينزلو بسهولة كدا بعد كل

الى حصل معاهم مع انى ضدهم فى العهد السابق والى كانو بيعملوة

مكنش بيتعمل فى اى مكان فى العالم

اقتباس تومام نزلنا وقولنا مطالبنا وعصام شرف طلع بيان نرجع بيوتنا بقى؟ ضد الاعتصام وبشده مش ناقصه تعطيل مصالح الناس تانى ونشوف هينفذ اللى قاله ولا لأ ولو مش نفذ هننزل تانى التحرير :biggrin:

لا يبقى هتنزلى تانى ماتقلقيش ههههههههه

المشكلة اننا خلاص عرفنا كل حاجا الى هيحصل

كل لما الناس تنزل الميدان وتطالب بحاجا ما تقلقيش هتتحقق

يعنى شرف هيغير حكومتة قريب جدا هيغير المحافظين

هيعمل كل حاجا ما تقلقوش بس انتو انزلو كل اسبوع :669:

اقتباس بخصوص البرنامج خليك زى مانت

طووووووووويب ^_^

اقتباس سورى ع الاطاله بس اهوه كلمتين لازم اقولهم حلقه جميله بجد:wink: طارق -خارج عن القانون>>مش عارفه اسمك :biggrin: تسلم ايدكم كملوا انتوا البرنامج بقى وسيبكوا من مورشو :biggrin:

اخس عليكى اخس

واهون عليكى برضو يكملو هما ويسبونى

اوك اوك انا موافق

بس عليا الطلابات ليكى يوم وهتيجى التوبيك

ومش هتخرجى منة بسلام هع :Sport-038:

[morshooo]

اقتباسالمشاركة الأصلية كتبت بواسطة hope and painحلقة جامدة جدا
وبجد وضحت حاجات كتير اوي
ممكن كان اختلف عليها الاعضاء
اجابات حلوة يااحمد
يمكن اختلفت معاك شوية بخصوص السياسة
بالرغم من ان انا ماليش في السياسة اصلا
بس دي وجهات نظر
مجهود عالي منك ياطارق انت وعكاشه
واخيرا فرحنا في احمد وداق من نفس الكاس ههههههه
وبرنامج اجمدعضو من انجح البرامج اللي موجودة ومن نجاح لاعلي يارب
بالتوفيق للجميع

داق من نفس الكاس محسسانى انى فاسد وظالم يابت انتى

^_^

اشكرك على التواجد الجميل جدا

وسعيد جدا بمرورك وكلامك الجميل جدا

عن البرنامج

اتمنالك التوفيق

[~..a7la smile..~]

حلقهــ تووحفة بجد,,
^_^
انا عاجبتني كتير بجد يا طارق انت و عكاشهــ,
مجهود جميل
اجابات حلوة منك اوي يا أحمد
لكن انا مختلفة معاك في بعض الأشياء ويمكن
مش انا الوحدي في التعليق ده
ده بجد كانت حلقهــ جامده أوي
واهوه ردوهالك
تحــياتي