حلقات ( اجمد عضو ) مع ( morshooo )

[Rona el Tota]

اعجآبآت عقلآنيه جدآ جدآ
بطريقه يصعب علي امثآلى فهمهآ
ههههههههههههههه
بهزر طبعا
احم احم
لآ بجد يآسمين عآٌقله اوى واجآبتهآ تحس فيهآ اتزآن وبتآخد صف محآيد
^^
ربنآ يوفقك ف حيآتك يآ دكتوره وتفضلي منورآنآ حتى لو مش بلون الاشرآف
وجودك وسطنآ كفآيه
وميرسي يآمورشو ع التوبيك المميز
تحيآتي
,,,

[warm heart]

بصراحة حلقة جامدة

وربنا يكون ف عونك يا ياسمينا

شوفي انا بقالي في المنتدى كتير وشوفت مواضيع زي دي كتير بس بجد البرنامج اسئلته صعبه اوووي .. وبجد ربنا يكون ف عونك

بس انتي كنتي قدها وعرفتي تجاوبي

يلا

[yasmine refat]

شكرا ليكم ياجماعه

منورين الموضوع ويسعدني قرأتكم للأجوبه

وشكرا على زوقكم

بالتوفيق للجميع

[SiLver Spectra]

حلقة جديدة من أجمد عضو
الإستضافة المرادي لصاحب برنامج أجمد عضو الي هو مشرف قسم اليوميات (مورشو)
الاستضافة مشتركة بيني و بين (خارج عن القانون)
حبينا نعمل فيه زي ما بيعمل فينا :biggrin:

هحاول اقدمه بنفس طريقة البرنامج
نبدأ بالعناوين

---

انا مقتنع تماما بأن مبارك رجل سياسى من الدرجة الاولى خارجيا ولكن داخليا للاسف كان صفر

كل المواضيع الى قولتها هتلاقى حاجا انا مكنتش منحاذ للنظام والا حاجا ولكن كنت بطالب باستمرار الرئيس لحد انتهاء فترتة

الى بيحصل دلوقتى مكنتش عايزة يحصل ومش بقول على انتشار البلطجة والا عشان الحالة الاقتصادية الى ماشاء الله بقت زفت

هو عشان كنت معارض ليك يبقى انا بتفرج على القناة الاولى

دلوقتى افتح اى قناة فضائية هتلاقى الضيوف ماشاء الله نازلين رغى وشتيمة وقلة أدب على الرئيس السابق وحكومتة طيب انتو كنتو فين من 7 شهور والا من 30 سنه

بالوضع الحالى اعتقد هيكون للاسوء لما نبقى قاعدين بقالنا 30 سنة مستحملين وفجأة عايزين البلد كلها تتغير فى 6 شهور يبقى رايحين لمكان غلط

البرنامج ناجح حتى لو كلمنى 100 عضو المهم انى مقتنع باسلوب البرنامج وطريقة طرحة

مفيش حد الاعضاء كلهم بيحبوة من اول مدير لمنتدى لحد اجدد عضو

---

نبدأ الحوار
(( معلش الحوار طويل شوية لكن ان شاء الله يكون ممتع ))
الأسئلة باللون البرتقالي = خارج عن القانون
اسئلة باللون الأحمر = سيلفر سبيكترا

أولا : الثورة والسياسة

- فى البداية كده عايزين نعرف ايه رايك فى النظام السابق

والنظام السابق كلمة تشمل:-

(الرئيس والعائلة والوزراء والحزب الوطنى ومجلس الشعب والمحافظين والمجالس المحلية والشرطة ايضا)

الرئيس والعائلة : انا هكلم عن الرئيس اولا انا مقتنع تماما بأن مبارك رجل سياسى من الدرجة الاولى خارجيا ولكن داخليا للاسف كان صفر دا باختصار طبعا

العائلة : اتكلم بلا حرج قول زى ما تقول الزوجة ماشاء الله عليها بعد الى حصل عرفنا انها كانت سيدة مدبرة جدا ^_^ مش مبزرة مش بتصرف كتير يعنى

الابناء : علاء وجمال هم من افسدو مصر وطبعا كلنا عارفين الى كان بيحصل عشان عملية التوريث تتم انا طبعا بكلم باختصار

الوزراء : ماشاء الله كان كل شيء مباح ليهم السرقه والمجاملات والنهب وكلة على قفا الشعب

الحزب الوطنى : بص انا ماليش اوى فى حكاية الاحزاب دى ولكن ان حزب ينجح بنسبة 99 % فى انتخابات مجلس الشعب يبقى اكيد حزب ماشاء الله علية مالوش حل يعنى ودا مستحيل فيبقى اكيد دا حزب والا بلاش

مجلس الشعب : انا سمعت الاسم دا قبل كدا ^_^ انا عايش بقالى 26 سنة ومعرفش يعنى اية مجلس شعب عشان معندناش مجلس للشعب اصلا

المجالس المحلية : اكتر ناس نهبت من الغلابة هما الناس بتوع المجالس المحلية انا بعتقد الناس دى لو مشيت هى كمان هيبقى فى اصلاح كبير جدا فى مصر

الشرطة : كلنا مكناش حابين الاسلوب الى اتبعتة الشرطة مع المواطنين وتقريبا كان لو عسكرى كان يحسسك انة لواء شرطة لكن اعتقد خلاص دلوقتى الامور هتتغير

وياريت تقولى رايك فيهم قبل الثورة واثناء الثورة وبعد التنحى؟؟؟

باختصار قبل الثورة كان كلة مدارى ومكنش حد عارف حاجا عن الى بيعملوة

اثناء الثورة مكنوش متخيلين الاحداث الى حصل ويمكن كان واضح على الجميع سواء رئيس او حكومة او كل المحيطين بيهم

بعد التنحى فى حاجا غريبة انا ملاحظها كله بقى يخرج يقول دا عندة كذا ودا كذا ومليارات ولحد دلوقتى انا شايف ان محدش ثبت علية حاجا والارقام كلها كاذبة بس لسة لما نشوف هيحصل اية

افهم من كده انك قبل الثورة مكنتش تعرف ان البلد فى حالة فساد سياسى واقتصادى؟؟؟

اكيد كنت عارف والدليل بقولك كان واضح نجاح الحزب الوطنى بنسبة 99 % فى انتخابات مجلس الشعب الى بقالى 26 سنة عايش معرفش يعنى اية مجلس شعب اما بقى الفساد الاقتصادى طبعا واضح قدامنا كلنا ومش محتاج تعليق

- طيب طالما انت كنت عارف انه فيه فساد .. ليه ما شاركتش فى الثورة؟؟

انا كنت متاكد ان فى فساد ولكن هاتلى واحد فى العالم مش فى مصر كن متخيل ان الثورة تنجح بس مع الوقت كنت بتاكد ان فى حاجا هتحصل وحصل فعلا ولكن انا كان الى يهمنى المصلحة العامة ميهمنيش انى اقول انى شاركت فى الثورة ونزلت الميدان مع ان كلنا شاركنا فى الثورة مع نزولنا كلنا طول الليل لحماية البيوت بتاعتنا والبيوت المجاورة لينا زى ما كنت انتا اكيد بتعمل طول الليل انتا والشباب تحت بيوتكم دا اكيد مشاركة فى الثورة

- لاحظ الجميع انك فى خلال ايام الثورة كنت منحاز للنظام السابق ... ايه السبب فى كده وايه اللى كان مخليك حابب النظام جامد كده؟؟؟

تمام بس لو تشوف كل المواضيع الى قولتها هتلاقى حاجا انا مكنتش منحاذ للنظام والا حاجا ولكن كنت بطالب باستمرار الرئيس لحد انتهاء فترتة ونقل السلطة بطريقة سلمية وكنت بقول انة مايرشحش نفسه مرة تانية والا هو والا ابنة والمواضيع موجودة وشوفها

طيب انت قولت فوق ان الرئيس داخليا صفر,, ليه بقا كنت مؤيد انه يستمر لاخر فترته؟؟؟

عشان الى بيحصل دلوقتى مكنتش عايزة يحصل ومش بقول على انتشار البلطجة والا عشان الحالة الاقتصادية الى ماشاء الله بقت زفت والا عشان السياحه الى خلاويص بقت بخ والا عشان الفتنه الطائفية الى كل يومين بنلاقى جديد فيها ويقولولك دى موأمرة من النظام السابق والا عشان كل يومين نلاقى فى مباراة كرة قدم اعتداءات وخناقات لالالا مش عشان كل دا انا كنت مع استمرار الرئيس حتى نهاية فترتة الرئاسية عشان مش كل يومين نلاقى مجموعه نازلة الميدان بتطالب بمطالب جديدة بالرغم من لو الناس الى بتنزل كل يومين دول قعدو مع بعض هتلاقيهم اصلا مختلفين فى مطالبهم

- لما نزلت توبيك يومياتى فى الثورة كنت معترض ع معظم ما جاء فى التوبيك مع انى كنت جايب الكلام ده بالفيديو ومع ذلك انت ماصدقتهوش ... تفسر بايه كده؟؟

انا قولتلك ملاحظاتى فى التوبيك وقولتلك لية انا اعترض على كلامك وقولتلك كمان ساعتها انها صورتلنا ان كل الى بيحصل دا بيحصل معاك انتا الشرطة بتجرى وراك انتا وبيضربة قنابل مسيلة للدموع عشانك انتا بتقول انك نزلت فى محطة المترو مش فاكر الساعه كام بس فى وقت بعد ما المترو بيقفل وكنت وضحت كل حاجا فى التوبيك

- انا مش قصدى ع طريقة سردى للثورة انا قصدى ع كلامك ده

اقتباس كل دا حصل يوم 25 يناير رصاص مطاط وخطوش وقنابل مسيلة للدموع كل دا كان يوم 25 يناير فضلتو لحد 4 الفجر المظاهرة شغالة اية يا جدعان هو احنا مش عايشين فى مصر والا اية

مع ان القنابل وضرب النار كانت موجوده فى الفيديو اللى فى التوبيك ,, ليه اصريت ان الكلام ده كدب؟؟؟

بالظبط انتا كنت قايل كل دا بس انتا مكملتش لية باقى كلامك الى قولتة واديك اهو بتقول انك وصلت الميدان الساعه 11 وقولت تقريبا بقيت فى الصفوف الاولى وبعد كدا حصل ضرب وجريت على المترو مع ان المترو اخرة 12 ومستحيل كل الى حصل دا حصل فى ساعه واحدة دا غير باقى الكلام الى قولتة وانك تسيب الى بيحصل وتروح تتعشا تقريبا وتستخبا فى قهوة مع ان تصورك للاحداث مستحيل قهوة تفتح فى وسط جرى رجال الشرطة وضرب النار والقنابل دى

- ايام الثورة كنت بتعمل مواضيع تخص الثورة كنت بتستمد وتستند بمعلوماتك وكلامك ع التلفزيون والا النزول للميدان والا اجتهادات شخصيه والا ايه بالظبط؟؟

مش انتا قولتلى انى بتفرج على التليفزيون المصرى ههههههههه مع ان والله عندنا دش وشوتايم كمان ^_^ هو عشان كنت معارض ليك يبقى انا بتفرج على القناة الاولى عموما انا دا رائيى وكنت مع استمرار مبارك حتى انتهاء فترة رئاستة

- انا لما قولت انك بتتفرج ع التلفزيون المصرى كنت اقصد التهكم ,, بس هنا انا بسألك علشان عايز اعرف انت كنت بتجيب كلامك منين واللى ثبت فيما بعد انه مضاد للواقع؟؟

بص انتا لو بتكلم على قنوات الحصيرة والعربية الاجرة انا مش بتابعهم بصراحة لسبب واحد انهم مش بيظهرو الحقيقة حبا فى مصر دى لو كانت الحقيقة يعنى والدليل اهو اول لما الامور اشتعلت فى ليبيا خلاص مبقوش يجيبو حاجا عن مصر الا بالصدفه عشان الحمد لله لقو حاجا جديدة يشتغلو عليها شهر والا شهرين جايين لكن مصر خلاص الحدث الكبير تم واتنحى الرئيس حتى لو حصل اية فى الشعب

- لما اتفرجت ع موقعة الجمل ايه اللى دار فى ذهنك ساعتها وايه كانت طريقة تفكيرك؟؟

بصراحه كانت حاجا تحزن بس متخيلتش ان يكون فى حد ورا الى حصل دا يعنى دلوقتى سامعين ان فى تقريبا 14 او اكتر هيتحقق معاهم بسبب الموضوع دا ومنهم وزراء واعضاء مجلس الشعب

- يعنى دلوقتى اتاكد ان الحزب الوطنى والحكومة والرئاسه كانو ضد البلد,, والا انت هتستنا لما يتحكم عليهم كمان؟؟

اكيد هستنى ومقدرش اقول لحد انتا متهم او حرامى الا لما يصدر علية حكم قضائى عشان اكيد القضاء المصرى لية احترامة وبعدين احنا لحد دلوقتى بنسمع وبنتفاجأ كل يومين حد بياخد برائة مش عارف هياخدو احكام امتى وخلى الشعب كدا عايش فى الوهم ومستنى اى حكم بس عايز اقول حاجا الناس دى مش هبلة عشان بالسهل كدا تثبت عليهم حاجا

- ايه كان رد فعلك وشعورك وتفكيرك لما سمعت بيان التنحى ؟؟

كنت متوقع التنحى بس زعلت لسبب وهو الفوضى الى كنت متوقع بحدوثها بس قولت الحمد لله انة تنحى ومحصلش زى الى بيحصل فى ليبيا واليمن حاليا

- نزلت كام مره ميدان التحرير ايام الثورة؟؟ وهل نزلت الميدان فى اى اعتصام او جمعة بعد الثورة والا لا؟؟

بعد الثورة نزلت مرة واحدة ومش فاكر كانت جمعه اية بصراحة بس نزلت قعد نص ساعه ومشيت ايام الثورة نزلت بتاع 3 مرات او 4

- ايه رايك فى المجلس العسكرى وطريقة اتخاذه للقرارات التى تخصنا نحن كمدنيين؟؟فى تفكيرك المجلس الاعلى مع الثورة والا ضدها وذلك لانه من النظام القديم؟؟

طيب مطلبتوش لية بترك المجلس العسكرى الحكم بما انة من النظام السابق عموما انا كنت شايف المجلس العسكرى كان ناقصة حاجا واحدة بس انة يرضع المعتصميين وينيمهم بس لان الاعتصامات مكنش ليها اى لزمة الا وقف حال البلد والمجلس العسكرى ماشاء الله كان مهاودهم لاخر مدا وكان بينفذ طلبتهم .

- ايه رايك فى اعتصام 8 يوليو الموجوده الان؟؟ وايه رايك بما يطالبو به من مجلس رئاسى مدنى وعزل المشير؟؟؟

هما لسة فاكرين دلوقتى بعزل المشير وبعدين فى حاجا غريبا كل واحد من حزب يطلع يقول مطالب الى يقول احنا معتصمين عشان رموز الفساد تتحاكم وانتا بتقول عشان عزل المشير المهم ان محدش فاهم حاجا ولكن انا ضد الاعتصام فى الميدان وبعدين صحيح اصل كلهم خلصو امتحانات وبقو فاضيين فممكن يقعدو كدا لحد امتحانات الترم الاول من العام الدراسى الجديد يعنى لحد شهر يناير القادم بعد الاحتفال اكيد بمرور عام من الثورة

- مرشحي رئاسة جمهورية مصر العربية لعام 2011

هتختار مين فيهم وياريت تكتب كام كلمة عن كل شخص فيهم

1: أحمد شفيق

2: أيمن نور

3: بثينة كامل

4: حمدين صباحي

5: عبد الله الأشعل

6: عبد المنعم أبو الفتوح

7: عمر سليمان

8: عمرو موسى

9: كمال الجنزوري

10: مجدى أحمد حسين

11: مجدي حتاتة

12: محمد البرادعي

13: محمد سليم العوا

14: مرتضى منصور

15: هشام البسطويسي

بص يا نجم بداية كدا فى ناس مسمعش عنهم والا فى صباح الخير يامصر حتى ^_^

يعنى فى مثلا بثينة كامل دى اخرها تقدم برنامج مش عارف مرشحا نفسها لية

كمان د / عبد المنعم ابو الفتوح راجل دكتور محترم وكل حاجا وتقريبا معاة ماجستير فى ادارة المستشفيات تقريبا يعنى مش عارف مرح نفسة لية

كمان مجدى احمد حسين اوك الراجل دا راجل سياسى ووالدة راجل سياسى كبير ولكن كل مناصبة كانت داخل مصر مناصب عادية رئيس تحرير ومحرر مزيع يعنى انا عن نفسى مقدرش ارحه

كمان محمد سليم العوا راجل مفكر اسلامى كبير ولكن انا غير مقتنع بترشيحه لرئاسة الجمهورية

مرتضى منصور مش عارف مرشح نفسة لية اصلا بس اعتقد ترشيحه يمكن عشان الزمالك ياخد الدورى ممكن

انا بس مش حابب اطول ولكن انا لو هرشح هختار افضل برنامج انتخابى من كلا من :

احمد شفيق

عمر سليمان

عمرو موسى

كمال الجنزورى

واكيد بعد ما اشوف برنامجهم الانتخابى هتكون الافضلية لحد فيهم

- ايه تعليقك عن الصورة دي؟

صورة جميلة جدا ^_^

هقولك على حاجا المواضيع انا كنت بنزلها ايام الاحداث الى حصلت ويمكن لو فتحت المواضيع وشوفتها هتلاقينى كاتب وجهة نظرى ان الرئيس يستمر حتى يتم تسليم السلطه عشان مايحصلش الى بيحصل دلوقتى وعلى فكرة الايام الجاية هنشوف اكتر من كدا خاصه وان اهالى السويس بيهددو بانهم هيروحو على قناة السويس يوم الجمعه فربنا يستر

- أيام الثورة كنت بتناقش معاك كتير و بوضحلك اسباب الرغبة في تنحي مبارك و عدم استكماله للفترة المتبقية ,,مش هقولك عشان السرقة ,, أنا مش بحب أبالغ أو اقول تهم غير مثبته بشكل قاطع ,,لكن هقولك على الأقل عشان افساد الحياة السياسية ,,كان ردك مختلف تماما عن اجاباتك عن الأسئلة السابقة ,,انت مش شايف ان دا كان تقصير منك لعدم اطلاعك على الحقائق ,,أو ممكن نسميها ضعف رؤية سياسية ؟

انا فاكر النقاش الى كان بيحصل بينى وبينك فى التوبيكات وفاكر انى قولتلك انى مش سياسى وكل الى بقولة وبعرضة وجهة نظرى الشخصية لانى مش مقتنع باى حد عارف كام معلومة يبقى سياسى والا انا اقف فى صيدلية وشهرين والا حاجا هعرف اسامى الادوية ومكانها واقول انى بقيت دكتور المهم حكاية افساد الحياة السياسية دى كانت واضحة جدا ولكن انا عايز اعرف حاجا هو الغلط كان على الى ماسكين البلد والا كان الغلط فى سكوتنا كشعب مع اننا لما اكلمنا حصل تنحى للرئيس يبقى الغلط انا شايف كان فى سكوتنا احنا والغريب بقى دلوقتى افتح اى قناة فضائية هتلاقى الضيوف ماشاء الله نازلين رغى وشتيمة وقلة أدب على الرئيس السابق وحكومتة طيب انتو كنتو فين من 7 شهور والا من 30 سنه .


- طيب ما الشعب لما فاق و حب يوقف مسلسل السكوت ,, كنت انت ضده على الاقل بموضوعاتك؟


على فكرة انا قولت انا مكنتش ضد الثورة ولكن كنت ضد الى حصل لية ومازلت ضد اهانة مبارك حتى الان يعنى لما الاقى على اليوتيوب عملينة مسخرة ليهم وشاكال كرتونية وملبسينة ملابس غريبة اعتقد ان دا جهل مننا وانا لحد دلوقتى ضد محاكمتة واعتقد ان مفيهوش حيل للمحاكمة اصلا وكفاية الى هو فية

- في موضوعك الي كتبته بعد الخطاب التالت كان ليك موضوع تقريبا من غير مضمون في قسم الاقلام ,, كان واضح فيه انفعالك من الخطاب بقولك (اقسم بالله انك أعظم رئيس)
هل شايف ان موقفك و حكمك كان صح وقتها؟

انا نزلت التوبيك دا بعد ما اعلنت جميع القنوات الفضائية خبر تنحى الرئيس يومها وكنت مش حابب ان دا يحصل وقولتلك اسباب قناعتى باستمرار مبارك حتى انتهاء فترة رئاستة لما الخطاب اتقال يمكن استغربت فى البداية انة مسجل ويمكن فى وسط الخطاب كان واضح المونتاج ولكن كنت مبسوط انة لم يعلن تنحية فنزلت التوبيك الى بتقول علية وممكن فعلا كنت منفعل لان وقتها الناس كانت مصدقت تهاجم مبارك والى يقول علية حرامى والى يقول علية فرعون والى يقول علية متخلف ....الخ والجميع تناسى يومها انه مازال رئيس جمهورية مصر العربية

- لو كان الرئيس استمر في حكمه ,,تفتكر كان هيبقى في تغيير واضح زي تنحيه ,,من حيث الاقتصاد و تعديل القوانين و غيره ,,و كان ايه الي هيضمن دا اذا كان بقالنا 30 سنة ماكناش ضامنين حاجة وقتها ,,بمعنى ان الوضع لما يهدا كان هيعيد نفس سياساته ,,مش شايف انها كانت هتبقى نفس سياسة الاصلاح في سوريا ؟

اكيد كان هيبقى فى اصلاح وتعديل للدستور خلال فترتة المتبقية واعتقد كانت هتبقى الفترة دى فى وجودة افضل من الفترة الى احنا فيها دلوقتى بمعنى احنا دلوقتى محدش فاهم اى حاجا لا حد فاهم الناس عايزا اية والا فاهمين هما بيطلبو بى اية وانا اعتقد انة لو موجود الامور كانت هتبقى اهدء من دلوقتى وبعدين حكاية نضمن منين ومش نضمن منين اومال احنا عملنا الثورة ازاى يعنى انتا تفتكر ان الى حصل كان صدفه ومنقدرش نعمل ثورة تانى لو حصل فساد تانى بس الى متاكد منة انة اكيد كانت سياسته هتتغير وهو نفسه كان هيهتم بالاصلاح خلال الكام شهر الى كان هيفضل فيهم

- الفكرة ان لو النظام نفسه عمل اصلاح ,,عمر ماكان هيبقى في تغيير جذري ,,التغيير هيبقى شكلي فقط مع بعض التغييرات الضمنية ,, طيب تعليقا على جزئية ان مبارك لو كمل كان الوضع هيبقى افضل من كدا ,,انت ماحستش ان مبارك كان عايز يستمر بس الوضع ماكنش مستحملة ,,بمعنى تفتكر الناس كانت هتروح بيوتها لو فضل مكمل!!؟
زي ما شوفت القذافي قاعد و بشار قاعد و صالح قاعد ,,هل وضع البلد افضل و لا لو كانوا تنحوا كان هيبقى افضل زي مبارك ؟ دي نقطة ,,ثم تفتكر مين السبب في تأزم الوضع مش النظام؟

وهو دلوقتى حصل تغيير جزرى المشكلة دلوقتى ان الناس مستعجلة وهو دا الى مخلينا مش فاهمين احنا عايزين اية
اكيد مبارك مكنش متخيل انة يسيب الحكم وكلنا عارفين انة كان بيجهز الحكم لجمال ولكن الى حصل حصل والثورة قامت والميدان موجود ومحدش كان هيمنع الثوار انهم ينزلو لو مكنش عمل اصلاح فى البلد والا عجبك الى بيحصل دلوقتى انا بحس ان الناس بقت تتلكك مش ملاحظ ان ميدان التحرير اصبح نكتة لينا اى واحد عايز يهزر مع حد يقولة الميدان عندك روح اعمل اعتصام واحد زعلان مع زوجتة تلاقى الى يقولة روح على الميدان اعمل اعتصام الموضوع انا شايف انة زاد جدا عن حدة

- ايه شايفه مختلف بين ثورة تونس و مصر و ليبيا و سوريا و البحرين حسب وجهة نظرك ؟


انا مش شايف فى اختلاف كبير بين الثورات يمكن جميعهم قامو بالثورة للاسباب الفساد والفقر مع ان ليبيا معتقدش ان فيها نسبة فقر كبيرة ولكن تونس كلنا عارفين سبب قيام ثورتها والقصة الشهيرة مع ( المواطن الراحل بوعزيزى ) الى بتلخص الى بيحصل فى تونس ليبيا اعتقد سبب ثورتهم انهم ( ملو من القزافى ) عشان مستحيل يكون بسبب الفقر سوريا فيها من مصر شوية ( فساد النظام على قانون الطوارئ على غلاء الاسعار ) دى تقريبا اسباب الثورة فى سوريا البحرين يمكن ثورتها قامت بسبب الفقر والبطالة والقمع الدائم للنشطاء السياسيين الى اقصدة من الى قولتة ان هو دا حال الوطن العربى الرئيس الى بيحكم مش من السهل انة يتنازل عن الحكم بسهولة وسبحان الله كلهم مقتنعين بحاجا واحدة بس وهى لا لترك الحكم اعتقد ان دى اسباب قيام الثورات ومفي اختلاف بين الثورات الى حصلت حتى الان

- في دول ما حصلش فيها ثورات بالرغم من انها دول تفتقر للحرية و يسود فيها الفساد ,,تفتكر السبب ايه؟


انا بصراحه مش عارف بس اعتقد ان السبب ان مفيش قوة سياسية تقدر انها تقف امام هذة الحكومات او معندهمش الجرائة والمغامرة انهم يحررو بلدهم من هذا الفساد والفقر لان فعلا الموقف غريب جدا وتفتكر لو مكنوش عملو ثورتهم اثناء قيام بعض الدول العربية بقيام ثورتها فى الوقت الحالى هل تستطيع هذة الدول القيام بثورة قريبا اعتقد لا

- حلو كلامك ,,يعني السبب هنا هو الشعب ,,ماعندوش وعي كاف أو معندوش الجرأة انه يتكلم و يعارض ,,أنا متفق معاك في الكلام دا ,,بس تفتكر يا احمد لو كلنا ايام الثورة ايدنا مبارك ,,كانت هتحصل ثورة اصلا ؟ ,,مش كنا هنبقى زي الدول التانية الي ماحصلش فيها ثورات برغم كم الفساد و غياب الحرية الي فيها ؟

انا مقولتش نأيد مبارك انا قولت نخلية يكمل فترتة الانتخابية واكيد مكنش حد يأيدة لفترة رئاسية جديدة ويمكن هو اعلن دا فى ثانى خطاب مع اننا كنا بنطالبة بكدا انة ما يرشحش نفسه مرة تانية ويبقى لية نائب رئيس ويسلم الحكم وكل دا اعلنة فى الخطاب ولكن الثوار كانت مطالبهم مش محددة وكانت كل مرة تظهر مطالب جديدة وانا بقولك انا نفسى دلوقتى جميع الاحزاب تقعد مع بعض والى بيقولو احنا ابطال الثورة كمان معاهم وتشوف هيحصل اية لو محصلش خلاف بينهم يبقى ليكم الحق

- شايف مستقبل مصر أفضل و لا أسوء ؟


اتمنى يكون الافضل ولكن بالوضع الحالى اعتقد هيكون للاسوء لما نبقى قاعدين بقالنا 30 سنة مستحملين وفجأة عايزين البلد كلها تتغير فى 6 شهور يبقى رايحين لمكان غلط لما الناس تهدد بقفل قناة السويس يبقى رايحين لمكان غلط لما نقول هنعتصم لحد محاكمة الفاسدين يبقى رايحين لمكان غلط لما نطالب بتعيين شرف رئيس الحكومة عشان نزل الميدان ودلوقتى البعض يطال بأقالتة عشان منزلش الميدان الاسبوع الماضى يبقى رايحين لمكان غلط لما كل ما يحصل حاجا او مشكلة نقول اصل دول بلطجية متاجرين من رموز العهد السابق ومنعترفش ان هو دا حال البلد حاليا يبقى رايحين لمكان غلط .

ثانيا : برنامج اجمد عضو

- مش ملاحظ ان البرنامج فى بدايته كان استضافته كانت ممتازة وببتكلم عن مواضيع ايجابيه ,, اما الان اصبحت معظم الاستضافات فيه عن مشاكل تخص الاعضاء فى المنتدى ... ليه غيرت من شكل البرنامج؟؟

يمكن انا وضحت ان كان لازم اسلوب البرنامج يتغير خاصة وان من بعد اول 20 حلقة من البرنامج بقت كل اليوميات استضافات وكل الاعضاء خلاص عرفنا عنهم كل حاجا تقريبا فكان لازم اغير فى البرنامج والحمد لله لحد دلوقتى البرنامج ناجح جدا واخد وسام كمان ودا يدل على نجاح البرنامج

- حد تانى من الاعضاء كلمك فى ان البرنامج اصبح فعلا يتكلم عن المشاكل فقط ؟؟

بالظبط هما 4 اعضاء انتا واحد منهم ^_^

بس الفكرة مش فى كام لان انا شايف ان البرنامج ناجح حتى لو كلمنى 100 عضو المهم انى مقتنع باسلوب البرنامج وطريقة طرحة وهقول تانى لو البرنامج بتاع مشاكل فعلا انا هكون اول واحد عايز يغيرة

- بحس فى اوقات ان كل وجودك فى المنتدى هو انك بدور ع اى مشكلة او حاجه حصلت وتروح مستضيف العضو وتتكلم معاه عن الحاجه ديه,, يعنى من الاخر انك عايز جنازة وتشبع فيها لطم,, ايه ردك؟؟

يمكن دى وجهة نظرك وبحترمها ولكن لو الادارة كانت شايفا دا اكيد كانت هتقولى اوقف التوبيك ولكن كل الى حصل مدير المنتدى قالى ابقى ابعت للطرفين اصحاب المشكلة انك هتعمل حلقة بخصوصهم وخد موافقتهم بس كدا يبقى اكيد التوبيك عادى مش مقصود بية عمل مشكلة فى المنتدى

- حاسس إن البرنامج دا عملك مشاكل كتير؟


بالعكس التوبيك هو الى عرف الاعضاء على morshooo واعتقد نجاحة عندى اهم من مشاكلة ويمكن المشاكل مجتش الا فى اخر حلقتين تقريبا يعنى انا عملت تقريبا 40 حلقة او اكتر لما الاعضاء يشتكو دلوقتى وهما بالظبط 4 اعضاء اعتقد ان التوبيك نجح جدا ومجبليش مشاكل والا حاجا

- ايه هي أكتر حلقة تعبت فيها ؟


يمكن كل الحلقات بصراحه بتبقى متعبة بس فى حاجا واحدة فى تنزيلها فقط لكن فى الاسئلة وكدا الحمد لله لا ويمكن السبب انى بعمل حاجا انا حاببها وشايف انها مهمة للاعضاء فاكيد بعملها وانا سعيد ومبسوط بيها وببقى منتظر رد فعل الاعضاء عن الحلقات

- أكتر حلقة كنت مستمتع بيها مع الضيف ؟


فى حلقات كتير جدا بصراحه كنت سعيد بيها جدا جدا ويمكن الجميل ان كل حلقة ليها شكلها وليها اسلوبها ويمكن الاسئلة كل حلقة بتبقى مختلفة ودا الى بيبسطنى جدا وبحس ان فعلا انا بعمل حاجا حصريا ليا وللمنتدى يعنى محدش هيدخل من منتدى تانى ياخد الاسئلة كوبى وينزلها فى منتدى تانى

- حلقة كانت غريبة بالنسبالك ,,و قولنا برضو افضل حلقة عندك ؟


حلقة غريبة يمكن بتاعت الاسلامبولى كنت اول مرة اعمل حوار عن الاخوان ويمكن انا م متابع جيد لنشاط الاخوان فكان لازم اظهر امام الضيف انى مزاكر كويس ويمكن بصراحة دخلت مواقع كتير وموقع الاخوان عشان استفسر عن بعض الاحداث افضل حلقة يمكن بالنسبالى وكانت مفاجاة للجميع ومكنش حد متوقع احداثها الحلقة الوحيدة الى اتحزفتلى بخصوص خلافات ماتركس ورفيف وعكاشة ودندنة ويمكن من حسن الحظ لو تفتكر بعديها بيوم المنتدى وقع لمدة اسبوع والامور هديت لما رجعنا مع ان كنت بجهز لحلقة اعتقد انها كانت هتبقى اهم حلقة ليا فى التوبيك ولكن النصيب بس اوعدكم هتتعمل ^_^

ثالثا : الاشراف

- حاسس ان بقى في كره اتجاهك بعد ما مسكت اشراف قسم صعب زي اليوميات؟


مفيش حد الاعضاء كلهم بيحبوة من اول مدير لمنتدى لحد اجدد عضو مش هتلاقى عضو كلة بيحبة ولكن انا الحمد لله راضى عن نفسى جدا وعن معاملتى مع الاعضاء ويمكن فى عضاء بيقولو انى مش كويس عشان بطلب ايملاتهم ولكن انا قولت قبل كدا وبقول تانى انا فعلا بطلب ميل اى حد ودا مش عيب والا حرم انى اكلم حد واقلة هات ايميلك ومش بضرب حد على ايدة عشان يوافق حتى لو طلبت بعد كدا رقم الفون اعتقد انى بطلب حاجا واى حد علية يا يوافق على الطلب او يرفضة ودى حرية شخصية للجميع انة يوافق على انة يدى رقمة لحد تانى او لا

- ايه المواضيع الي مش بتفضل وجودها في القسم؟


المواضيع الى فيها اسئلة ثابتة مش بحبها يعنى اسئلة واحدة ونفضل نختار اعضاء يدخولو يجاوبو مش بحبها وكمان الاحلام كل واحد يحلم بحاجا يصحا الصبح ينزلها وتلاقيها دمها تقيل جدا بس كلة داخل يجامل الله توبيك جميل وضحكات وحركات ودلوقتى حاجا جديدة ظهرت فى القسم كل واحد يعمل توبيك ويقول احنا بندور على فلان والى يقول احنا واخدين فلان بس لو جيت تشوف الفايدة من التوبيك اية هتلاقى والا حاجا

- طيب هل انت ناوي مثلا تقفل المواضيع دي او تمنعها ؟ و لا انت مع مبدئ ان العقليات مش زي بعضها , و كل واحد له الحق في في التعبير عن افكاره و ان كانت بسيطة؟


انا مش بقول عليهم فكارهم بسيطة عشان محدش يفتكر انى مش مقتنع بأفكارهم بالعكس احنا فى منتدى وفية اعضاء مااء الله كتير وكل واحد ولية فكرة ولية التوبيكات الى بيحب يتابعها انا مثلا كمشرف قسم مش شرط كل توبيك ينزل ادخل ارد علية عكس مشرفين كتير بيعملو كدا بيرودو وخلاص ولكن انا مقدرش اقفل التوبيكات دى لان مفيهاش حاجا خارجة عن قانون المنتدى الى اقدر اعملة فى القسم انى انقل توبيك لو مكانة مش فى اليوميات او احزف توبيك مخالف لقوانين المنتدى لكن انا مقدرش اقفل توبيك عشان انا مش حابة فى القسم

- عندك افكار جديدة للقسم ؟


بصراحة الفترة الحاليا انا يمكن نشاطى قليل بسبب شغلى والفترة الجاية احتمال كبير اسافر ولكن اوعد الجميع ان شاء الله هيبقى فى جديد فى القسم خاصة وان رمضان على الابواب وكل سنة وانتو طيبين ولازم يبقى فى حاجا جديدة فى القسم تسلينا بعد الفطار واحتمال نتسحر كمان مع بعض كلنا استنونى بس فى رمضان ( اسلوب التشويق اشتغل ) ^_^

رابعا : شخصية أحمد
- لو قولتلك انت شخصية عندية ,,هتقول آه أو لأ؟
هقول اى انا فعلا عنيد بس مش من فراغ لما بشوف انى الحمد لله صح بفضل اطالب بالى عايزة من غير ملل وساعات بقفل الحوار دون نقاش قدام شايف انى بنسبة كبيرة صح

- أملك ايه في الحياة ؟
ان شاء الله اقدر اكون اسرة واقدر احققلهم كل طلابتهم دون تقصير وافضل احافظ على والدى واخواتى دول العمر

- حسيت إن الاسئلة صعبة شوية؟
تقريبا لا بس كانت طويلة شويتين ومش عارف الاعضاء هيقروها والا لا

**********************************


في النهاية بنشكر مورشو على سعة صدرة و رده على الاسئلة بشكل جيد
و بشكر خارج عن القانون على مشاركته في الحوار

[ĶǎnDO̳̿uChǎ ツ]

حلقهـــــــــــــــــــــــ بجد متألقهـــــــــــــــــــــــــ اوي

شغل جامـــــــــــــــــــد منكـ يـ تــــــــــــاركــــــــــــــ

احمد موروشو كانت حلقه متميزهـ معــــــــــــــاهـ

و نورت يـ عكاشـــــــــــــــــــــهــــــ

ثانكيـــــــــــــــــــــــــــــو عــــــــــــــ الحلقهــــــــــــــــــــــــــــــــ

تحياتـــــــــــــــــــــــــــــي

[Lαzєzα]

الحوار طوويل اوى

وبصراحه بدأته وقلت مش هكمله واقوم انام احسن

بس الحديث بجد مشوق وكملته كله >>انجاز بقى كككك

باختصار كده

انا كنت عكس موقفك خالص ايام الثوره

وضد استمرار مبارك

لانه بعد ميقتل اخويا مش هضمنه ع نفسى؟

للاسف فكرتنى بأحداث يوم جمعه الغضب ويوم الاربعاء (موقعه الجمل )

من سوء او حسن حظى انى كنت موجوده اليومين دول

ولو حد حكالى من غير منزل ع اللى حصل ف الشارع ايامها

هكدبه

بس انا شفت ببعينى ناس بتموت؟

وحضرته قاعد من غير ميعمل حاجه؟

ولو زى مبيقولوا مكنش عارف

يبقى عذر أقبح من ذنب

فمش فاهمه ازاى ارضى انه يكمل فترته الاتنخابيه؟

بخصوص اللى بيحصل دلوقت ف التحرير

جمعه 8 يوليو كنت مؤيداها وبشده رغم انى مش نزلت التحرير لظروف سفرى

لان المجلس العكسرى وحكومه شرف بدأ يزودها شويه

الناس عماله تاخد براءه ومفيش اى حاجه من اللى اتقالت هتتعمل اتعملت

مفيش امن ف البلد خالص

المرور زى الزفت عشان مفيش رجال مرور والخ بقى

وطبعا كنت معترضه ع اللى بينادى بإاسقاط المشير والمجلس العسكرى

لأن ده مش وقتها

تومام نزلنا وقولنا مطالبنا وعصام شرف طلع بيان

نرجع بيوتنا بقى؟

ضد الاعتصام وبشده

مش ناقصه تعطيل مصالح الناس تانى

ونشوف هينفذ اللى قاله ولا لأ

ولو مش نفذ هننزل تانى التحرير :biggrin:



بخصوص البرنامج

خليك زى مانت



سورى ع الاطاله

بس اهوه كلمتين لازم اقولهم

حلقه جميله بجد:wink:

طارق -خارج عن القانون>>مش عارفه اسمك :biggrin:

تسلم ايدكم

كملوا انتوا البرنامج بقى وسيبكوا من مورشو :biggrin:

[βзήŦ ℓǻẑĨήǻ]

حلقة جامدة جدا
وبجد وضحت حاجات كتير اوي
ممكن كان اختلف عليها الاعضاء
اجابات حلوة يااحمد
يمكن اختلفت معاك شوية بخصوص السياسة
بالرغم من ان انا ماليش في السياسة اصلا
بس دي وجهات نظر
مجهود عالي منك ياطارق انت وعكاشه
واخيرا فرحنا في احمد وداق من نفس الكاس ههههههه
وبرنامج اجمدعضو من انجح البرامج اللي موجودة ومن نجاح لاعلي يارب
بالتوفيق للجميع

[Words Whisper]

هعلق بس على كام نقطة

ودهـ مش معناهـ اني مع أو ضد باقي الحوار

اقتباس ولكن كنت ضد الى حصل لية ومازلت ضد اهانة مبارك حتى الان يعنى لما الاقى على اليوتيوب عملينة مسخرة ليهم وشاكال كرتونية وملبسينة ملابس غريبة اعتقد ان دا جهل مننا وانا لحد دلوقتى ضد محاكمتة واعتقد ان مفيهوش حيل للمحاكمة اصلا وكفاية الى هو فية

أتفق معاكـ ماعدا في المحاكمة

محاكمة الرئيس السابق مش تأديبية له

هي رسالة للي بعد كدهـ

انه هتغلط يبقى هتتحاسب مش أكبر من القانون

وانه القانون أكبر و أهم من العواطف الشخصية

انما بقى الغلط في مباركـ

فللأسف دهـ مش أخلاق خالص

ومباركـ مهما حصل هيظل في ذاكرة التاريخ

رجل شاركـ في تأسيس مصر قبل حكمه

و رجل سياسي حكم مصر ...

اقتباس اتمنى يكون الافضل ولكن بالوضع الحالى اعتقد هيكون للاسوء لما نبقى قاعدين بقالنا 30 سنة مستحملين وفجأة عايزين البلد كلها تتغير فى 6 شهور يبقى رايحين لمكان غلط لما الناس تهدد بقفل قناة السويس يبقى رايحين لمكان غلط لما نقول هنعتصم لحد محاكمة الفاسدين يبقى رايحين لمكان غلط لما نطالب بتعيين شرف رئيس الحكومة عشان نزل الميدان ودلوقتى البعض يطال بأقالتة عشان منزلش الميدان الاسبوع الماضى يبقى رايحين لمكان غلط لما كل ما يحصل حاجا او مشكلة نقول اصل دول بلطجية متاجرين من رموز العهد السابق ومنعترفش ان هو دا حال البلد حاليا يبقى رايحين لمكان غلط .

تمااااااااااااااااااااااااااااااام

وبدل ماكل شوية نعمل ثورة

و نقول ننزل الميدان

نغير أنفسنا الأول

الرئيس تنحى والحكومة تغيرت

و البلد بترجع ورا

قبل مانطالب الحكومة تتغير

لازم نطالب أنفسنا بالتغيير ..



وفي النهاية حوار حلو

بالتوفيق للجميع

دمتم بحفظ الرحمن .............

[countess]

حلقه جامده جدا

وعكاشه بجد انت محاور سياسي فاجئتني هاعمل معاك عقد لقسم السياحه ماشي بالمبلغ الي تحبه )

طبعا القعده الحواريه بجد قريتها سطر سطر واستمتعت مع بعض تحفظي لسؤال كدا بس موش هاعلق عليه كثير لني علقت بما فيه الكفايه في اجبات الثورات بقسم السياحه

عكاشه وطارق ومورشو ميغسي ليكم ع الحلقه النايس :cv10:

[yasmine refat]

حلقه بجد مميزه جدا

والاسئله رائعه جدا

ومنور يامورشو باجوبتك المميزه

بالتوفيق للجميع