حلقات ( اجمد عضو ) مع ( morshooo )

[الحان الورد]

،

حلو الحوار يا مورشو
رغم انه طويل بس وانا بقرأه محستش بالطول دآ ^^

حوراء انتِ شخصية جميلة ومميزة في شغلك ، حزنك دا الكل اكيد بيقدره
ممكن تلاقي ناس ماتقدرش او ماتحسش اوي باللي انتِ حاسة بيه
بس دا طبيعي شوية لان محدش بيحس بوجعك قدك ,
لكن انك ماتتكلميش عنه عشان في كذا حد مش عاجبه كدا , تبقي غلطانة من رأيي
عندك قسم صفحات مكشوفة , فيه هتكون ليكِ صفحتك الخاصة بيكِ
اكتبي فيه اللي انتِ عايزاه ومحدش ليه الحق يعترض أو يدخل ..
وربنا يرزقك السعادة يارب

منورة الحلقة طبعاً ، وشكراً يا مورشو ع المجهود
بالتوفيـق ..

[۩۩ elMagic ۩۩]

حوار مميز مع شخصيه انا بأحترمها جدا هنــا
وانتى عضــوه صاحبة عطاء محدش يقدر ينكره
والمجلات اللى بتظبطيها دى بجد جامده جداا
خصوصا انها بتتعمل بالكتاب الفلاشــى
شكل جديد اول مره الناس تعرفه هنا
وهو طبعا شغله صعب مش سهل
وتحويل صيغ الصور بقآ للـ pdf
وبعدها بيتحط على البابلشر ولفه طويله وتعب
ومحدش بيكون عنده طولة بال فى الحاجات ديه وصبر علشان يظبطها
الا الشخص اللى بيحب المكان اللى موجود فيه
واللى دايما بيسعى علشان يقدم اللى عنده بشكل يجذب كل الاعضاء
وانتى ماشاء الله شغلك متميز جداا زى ما متعودين منكـ ..
وبالنسبه للادارى المنتخب
فا المجامله ممكن تكون عامل مساعد بس بيكون أخير للعضو
وانما شغله ومجهوده وأسلوبه مع الاعضاء هو السبب الرئيسى فى الفوز
انتى ممكن تكونى شخصيه منطويه شويه
لكن لو بقيتى مرنه كده مع الاعضاء فى أسلوبكـ
اكييد الاوضاع ساعتها هتتغير للأفضل
والميزه فى المنصب دا انه متجدد
فا اللى مش بيحالفه الحظ دلوقت الجيات كتير مش هتفرق
وانتى قربتى جداا توصلى للمنصب
علشان تفرغى طاقتكـ لصالح المنتدى زى ما انتى عايزه
وان شاء الله الحزن يقلب بفرح وميبقاش فيه حزن خالص معاكــى
احنا كلنا شايلين بلاوى جوانا
لو سيبناها تتملك فينا عمرنا ما هنعرف نعمل حاجه
علشان كده ارمى ورا ظهركـ وخلى توكالك على الله
ربنا يوفقكـ اختــى بأذن الله ويارب تحققى كل ما تتمنيه
تسلم يا ابو حميد للمجهود المميز
مودتـــــــى ,,,

[الأميرة رودي]

, حوار جميل جداااا
وحوراء دايما منوره المنتدى بشغلها ونشاطها وتواجدها الراقي...
وبعد ماشوفت المجله حسيت اد إيه هى بتتعب فى شغلها ده وفعلا بتدي للمنتدى كتيرجدا من وقتها ومجهودها.
الله يوفقها يارب وتحقق كل امنياتها.
تسلم للاستضافه الجميله ياأحمد
بالتوفيق دايما

[واد حبيب]

حلقه جميله جدااا يا مروشو
والاجمل من الحلقه هي الضيفه حوراء
ان شاء الله ربنا يبعد عنك الحزن ويجي الفرح ويكون ملزمك دايما
بس عوز اقولك حاجه عن الانتخابات
عمر الانتخابات ما كانت علي الاميل
لانها لو كانت علي المعارف علي الاميل كنت كسبت في المرتين اللي فاتو
ايام الانتخابات كان عندي اكتر من 150 عضو من المنتدي علي الاميل وكان عندي 4 اميلات ده قبل الاميل ما ينسرق يعني
يعني لو كان بمعارف كنت انا فوزت لكن كل عضو في المنتدي بيشوف مين اللي يستاهل اكتر
انتي مجهودك جميل في المنتدي
ان شاء الله ربنا يكرمك المره اللي جايه في الانتخابات وانا مش ارشح نفسي ههههههههه
بتوفيق دايما
الحبيب

[нαиαи]

اممم بصراحه انا ما احب المجاملات لكن بجد
بحس من ردود حوراء و كلامها إنها بنوته متواضعه جدا و خدومه بشكل كبير ^^

استضافه حلوه وطبعا حوراء هي اللي محليتها ^_^

[عاشقة الهدوء]

حلقه رائعه يامورشو وضيفه لها شخصيه منفرده ومميزه وطيوبه جدا وصريحه الى ابعد الحدود
احبها واحترمها كثيرا واتمنا لها السعااده الاخت الغاليه حوراء موضوع الحزن ده ياحببتى والالم
والابتلاءات كلنا بنواجهها فى الدنيا من فقدان عزيز او حبيب وغيره من هذه الامور فكلها امور طبيعيه
ووارده ونحن كمسلمين موحدين بالله مؤمنين بالقضاء والقدر يجب علينا ان نصبر ونحتسب على كل
الاشياء التى فقدناه والاشياء التى تعكر صفو حياتنا ونقابلها باالابتسامه ونعطى النفس والجسد
حقه علينا ولا نكثر عليه الهموم والاحزان حتى نكمل المسيره ونعيش حياه افضل بعد ذلك اساسها
الصبر والحكمه وراحة النفس واليقين فى الله والتمسك به فهو اقرب الينا وحبه ورحمته لنا اعظم واجل
من حب الاب والام فهو رحمن الدنيا والاخره ورحيمهما
بالنسبه بئه للادراى المنتخب وانك شايفه ان فيه مجاملات او هوه بيكسب من خلال اصدقائه الكثيره على الميل وما شابه ذلك
انا مش متفقه معاكى فيها انا هقولك على شىء الانتخابات الماضيه الى كانت بينك وبين ودمعه وبعض الاخوه الآخرين
طبعا انتى اخدتى المركز التانى ده شىء جميل ودليل على ان نااس مقدره مجهودك وانتخبتك بناءا على كده
نيجى بئه لمنه (دمعه حاائره ) مش نجحت عشاان اصدقاء كتير ومجاملات وميل لا طبعا لآن منه من غير كلام نشاطها
كان ملحوظ من وقت تسجيلها فى المنتدى ومجهودها رااقى وكانت داايما بتهتم بالعضو الصغير قبل الكبير دا غير
موهبتها الراقيه فى الابداع وكمان مواضيعها المميزه والمتألقه التى دوما حصريه وقيمه وغير اشياء اخرى كثيره
تقوم بها فهذه الاشياء دليل نجاحها وتفوقها وعاوزه اقولك على حاجه كمان ياحوراء انتشار منه فى المنتدى من زماان
واهتمامها بالردود فى جميع الاقسام ده دليل نجاحها برضه فأكثر الاعضاء بيميلوا طبيعى للانسان الى دايما مهتم
بيهم وبيشوفوه دايما فى مواضيعهم وفى كل جاانب جربى انتى تعملى النقطه دى وهتشوفى الفرق ؟؟؟
وانتى ياحوراء غنيه عن التعريف وليكى مجهودات رووعه مع اهتمامك بالردود وانتشارك فى جميع الاقسام وداائما هيبئه
ليكى وضع تاانى فامش عاوزه أسمع منك تانى أن الادارى المنتخب بينجح من أضافة الميلات والمجاملات
تمام يابنت ههههههههه بينجح من الكلام ألى قولتوا ليكى فووق ربنا يوفقك ياحببتى ومنتظرين ترشحى نفسك
الانتخابات القاادمه ونتمنى التووفيق ليكى واعلمى ان كل شىء بتوفيق الله ولكل مجنهد نصيب نورتى ياحورى
وعذرا للاطاله ربنا يسعدك ويحفظك ويريح قلبك اللهم امين وتسلم يا احمد على الحلقه الرائعه مووفق دائما

[M@HMOUD]

بس حوار جميل وممتع
وانا اول مرهـ اقرا موضوع لاخروا
وهى شخصيه محترمه وعثوله
وان شاء الله تكون ايامك الجايه سعيدهـ
وعاوز بردهـ تتضايقى انك خسرتى الانتخابات
وان شاء الله تترشحى المرهـ الجايه وتكسبى

بالتوفيق ليكى

[زنبقة تناجى ربها]

موروشو لقاء جميل مع ضيفة رقيقة ورائعة ..

حبيبتى حوراء مو حلو نضيع وقتنا بالحزن ..

فيه لحظات نضطر نكون حزينين ..

الحزن المفروض مانخليه بحياتنا لكن نخليه يضطر يجينا ..

إذا جاء غصبا عننا اوكى لكن مانخليه يطول عندنا على طول بسرعة نقول له يبعد لانه بصراحة ضيف مزعج ..

والسلام عليكممممممممممم

[Lost Pearl]

حلقة حلوة ,, و كنتي منورة يا حوراء

بالنسبة لحزنك ف حاولي تدوري علي حاجة تخرج طاقتك بجد هتحسي ب فرق

و اللي هزوده عن اللي قبلي ف الانتخابات ان انا كمان اما اترشحت كان عندي حوالي 70 واحد ع ال email و مش اخدت غير حاجة و تلاتين صوت عادي جداااا

و كنت انا و الماجيك كمان ههههههه

ف الموضوع بجد مش مجاملات علي طول ,, ممكن تصدف مرة و لا اتنين بس ف الغالب بتبقي بناءا ع الشغل و المجهود

و مش تزعلي ده نصيب

مش ممكن لو كسبتي الضغط يتعبك اكتر

ربنا يوفقك دايما يا جميلة ف حياتك

و يرزقك باللي يسعدك ,,

[تيتشر نفشه ツ]

حوراء ياحوراء

قرأت كلماتك كلــــــها بدون ملــل والله وبالعكس كنت سعيده وانا بقرأ

مورشو اداني فرصه اتعرف عليكي شخصيا واكثر حاجه عجبتني والله

انتي عارفه غلاوتك عندي وانا ويعلم ربنا اللي فوق سبع سماوات

اني من اول نقاش معاكي اني عرفت كـــــــــــــــــــــــــل اللي كتبتيه فوق دا

والله ياحوراء حسيتك قوي .. حسيت طيبتك واخلاقك وذوقك وتقديرك لأي شخص

عمرك ماتأخرتي على حد فـ طلب حتى لو كان مهلك بالنسبه ليكي

عطائك جــــــــــدا واضح في المنتدى ومحدش يقدر ينكر دا

ليا اعتراض كبيــــــــــر على سؤال مرشد اللي بيقول انك مش بتعرفي تتعاملي مع كل

الناس .. انا وحده من الناس اللي متابعتي جيده لأبعد الحدود لـ مشاركات حوراء

على الاعضاء

كلها بتحمل الصفاء والصدق واعطاء الموضوع حقــه بأكمل صوره ممكن تتخيلها

وان مره كانت مقصره مع احد وقالت انا مشغوله فهيا مش آله يعني

هيا بشر زينا بتتعب وليها طاقه محدوده ( المفروض احنا بدورنا نريحها شويا من الطلبات

ونحس بمدى اتعابها ومجهوداتها اللي بتبذلها)

بالنسبه لحزنك ياحوراء

شوفي ياروح قلبي

انتي من كلامك عرفت انك شخصيه ( منطلقه ) مشاعرها دايما بتطلعها

اي احساس قلبك يحسه بيخرج مش بيتكتم ( يعني اللي فقلبك على لسانك )

كون ان احد يشوف فيكي انك منتظره تعاطف منه او حاجه لاء

العيب مش فيكي علشان بتخرجي اللي بتحسي

العيب فيه هوا اللي شايف ان اي حد بيقول اللي حاسس بيه يبقى مستني عطف حد

ودا أكبـــر غلط

ولكن انا عاوزه اقولك حاجه حبيبتي

اوعي تذنبي نفسك بأمراض غيرك

اوعي تكتمي الي فقلبك علشان حد زي ماقالتلك دينا عندك صفحتك

انزفي فيها وطلعي كل الي فقلبك ومش تعبري حد واللي يفهم يفهم زي ماهوا حابب

مش يهمك من اي حد لان سدقيني مش حد هيتضرر مستقبلا غيـــــــــــــــــــــــــــرك انتــــــــي

الكتمان صفه وحشه قوي بتعود بالضرر اولا واخيرا على صاحبها

خليكي فعفويتك الجميله دي

وخليكي منطلقه وخليكي حساسه زي مانتي وخليكي صافيه ونقيه زي مانتي

اوعي ياحوراء تغيري طباعك عشان حد

اهتمـــي فيـــكـي أنتـــي وبـــس .. اهتمي براحتك انتي وبس ..

يارب يريح قلبك دوم ويسعدك ويرزقك باللي يستحقك يااااارب ..

ويرحم بابا وماما ويقابلك فيهم بالفردوس الاعلى من الجنه ياحبيبتي

اللهم امين

واسفه للإطاله ياقلبي