الحقووو عنده 43سنه ولسه ابن امه!!!! ادخلو وانتو تفهمو الحكايه

[fula]

السلام عليكم ورحمة الله وبركاته... يا اعضاء المنتدى الغالين انا حبيت اطرح عليكم النهارده حكايه موجوده ومتكرره قدامى الرجل اللى عنده 43 سنه ده انسان موجود بالفعل مع احد اقاربى فى العمل كان توفى ابوه وهو صغير وامه تزوجت بس الزوج الجديد مكنش الاب المثالى ولكن الام قامت بتربيته بمفردها لكن مع الاسف ربته عديم الشخصيه وميقدرش يعمل حاجه فى حياته لوحده حتى انه بعد ما صار شاب وتزوج وانجب 3ابناء لم يكن يستطيع حتى ان يحفظ ادق اسرار حياته مع زوجته عن امه وده طبعا ادى الى ان طلبت زوجته الطلاق وهجرته الى الابد لان اى زوجه عايزه زوجها رجل له شخصيه والى اليوم يذهب الى عمله فى ايده كيس السندوتشات بتاع ماما واصبح موضع سخريه زملائه ...والسؤال هنا هل يمكن ان تربى المرأه وحدها دون وجود رجل حتى وان كان خال او عم سمعت مره الدكتور يحيى الرخاوى الطبيب النفسى يقول بأن الولد بالذات يحتاج الى وجود رجل كقدوه له حتى تكون التربيه سليمه ..وانا عن نفسى شفت الموضوع ده لما اخويا خطب واحده ابوها وامها منفصلين لكن الاب ملوش وجود فى حياتهم ولا امها بتخلى خالها او عمها او حد يدخل ابدا وانا كنت بقوله ان مينعش ان الواحد يناسب ست ولازم يكون فى رجل فى الصوره تعرف تتكلم معاه واتكرر الموضوع ده قدامى يا جماعة انا رأى ان لو اى ست ارمله او مطلقه لازم تحافظ على انه يكون اى حد من الاقارب الرجال فى حياة ابنائها خصوصا الذكور ودلوقتى انا عايزه اشوف رايكم فى الموضوع ده وياترى اى شاب عايز يخطب تفرق معاه انه يحط ايده فى ايد ست او رجل وياترى انتو شايفين ان الشاب لو ربته امه لوحدها دون وجود خاله حتى او عمه لو ابوه مش موجود ممكن ولا مش كل الستات زى بعض وفى ستات بتقول عن نفسها انها ب100 رجل فى انتظار ارائكم ومشاركتكم واسفه للاطاله بس الموضوع يؤرقنىمن مده وعايزاكم تشاركونى فيه وبالتوفيق لجميع اعضاء وعضوات المنتدى الرائع:cv4:

[لمسه شقاوه]

يسلموووووووووووووووووووووووو ع مووووووووضوع يا فله
تقبلي مرووووووووووووووري

[جوهرةالقصر]

اولا اشكرك علي الموضوع الجميل

ثانيا انا ضد ان لو انسان عايز يخطب يحط ايده في ايد ست لان ساعتها ممكن بعد ما يخطب بنتها ويتجوزها يبهدلها ويضربها لانه هيقول ان مفيش راجل يقف لها علشان كده لازم يبقي في راجل اما خالها او عمها

اما بالنسبة لموضوع ان الست تربي ابنها لوحدها انا مش شايفة انه في مشكلة لان ده بيرجع لنوع التربية اللي ربيته بيها وهو صغير

وتسلمي علي الموضوع الرائع

يا اجمل فلة

[ماتركس]

السلام عليكم باستاذتنا الكبيره فله اولا تسلم ايدك علي مووضووعك الجميل ده
وثاانياا عايز اقووالك مهماا كانت المراه في هيه مراه المراه مخلووق ضعيف وقلبهاا طيب متنفعش تبقي زي الراجل علشاان المراه بتعطف علي اولادهاا زياده عن اللزووم وقلبهاا مبيهونش عليهاا انهاا تزعل ابنهاا او بنتهاا لكن الرجل مهماا كاان عاطفه بس بيكوون اشد عن المراه في التربيه والمووضووع برضووه بيجي من الدلع الزياده لالاابنااء يعني مش لازم ندلع برضووه ابنائناا زياده عن اللزووم علشاان مصلحتهم وعلشاان مستقبلهم
وتسلم ايدك ياا فله علي مووضووعك الجميل ده

[fula]

اقتباس المشاركة الأصلية كتبت بواسطة لمسه شقاوه يسلموووووووووووووووووووووووو ع مووووووووضوع يا فله تقبلي مرووووووووووووووري

تسلمى يا لمسة شقاوة على مرورك ونورتى الموضوع

[fula]

اقتباس المشاركة الأصلية كتبت بواسطة جوهرةالقصر اولا اشكرك علي الموضوع الجميل ثانيا انا ضد ان لو انسان عايز يخطب يحط ايده في ايد ست لان ساعتها ممكن بعد ما يخطب بنتها ويتجوزها يبهدلها ويضربها لانه هيقول ان مفيش راجل يقف لها علشان كده لازم يبقي في راجل اما خالها او عمها اما بالنسبة لموضوع ان الست تربي ابنها لوحدها انا مش شايفة انه في مشكلة لان ده بيرجع لنوع التربية اللي ربيته بيها وهو صغير وتسلمي علي الموضوع الرائع يا اجمل فلة

تسلمى يا جوهرة القصر على مرورك ونورتى الموضوع بس انا مش قصدى هنا ان الست متعرفش تربى انا قصدى انها بتكون عاطفية اكتر فى التربية واحيانا بنحتاج للتربية الصحية الجدية والحزم فى بعض الامور وده موجود اكتر عند الرجل على ما اعتقد لان الست قلبها بيكون رقيق شويه مع اولادها

[SiLver Spectra]

مش متفق معاكي اطلاقا يا فلة
لأني اعرف نماذج كتير أبهاتهم اتوفوا من و هما أطفال ممكن 5 سنين
و اتربوا تربية ممتازة
و الولد طالع راجل راجل

دا مش مقياس اننا نقيس على حالة أو اتنين
لأنك لو هتعملي احصائية هتلاقي رجاله كتير بتوع أمهاتهم زي ما عبرتي عنهم
و بيكون ابوه و أمه عايشين و مربيينه

هي بتعتمد على اسلوب التربة الي بترسخ شخصية الإبن

أكيد الزوج له أثر لكن مش شرط
في ستات بميت راجل و تقدر تربي ابناءها أحسن تربية
لا تقولي عمه و لا اقاربه

لكن تعميم النظرية فيها شيء من الظلم

شكرا لموضوعك الي عجبني فيه أسلوبك البسيط في التعبير الشخصي

[فرولة]

اولا تسلم ايدك على الموضوع
ثانيا العيب مش فى كل الستات يمكن يكون العيب عندها هيا لانها ربته غلط
مش كل الستات مبتعرفش تربى
انا جدى ابو بابا مات وبابا عنده سنه وعمى كان عنده 3سنين وجدتى اللى ربتهم ومرضتش تتجوز ابدا
والحمد لله مشوفناش منهم حاجه من دى بالعكس شخصيتهم قويه جدا ناجحين فى حياتهم وفى شغلهم
واتجوزو وخلفو وانا بنت واحد فيهم يعنى العيب مش فى كل الستات العيب فى بعض السيدات
بس بصراحه جدتى شديده فى تعاملاتها زى مبيقولو بميت راجل ويمكن يكون ده ساعدها ان شخصيتها قويه
وهما فعلا اخدو منها قوة الشخصيه
وده ميمنعش ان لو الست ضعيفه ممكن يساعدها راجل
وتسلم ايدك

[fula]

اقتباس المشاركة الأصلية كتبت بواسطة ماتركس السلام عليكم باستاذتنا الكبيره فله اولا تسلم ايدك علي مووضووعك الجميل ده وثاانياا عايز اقووالك مهماا كانت المراه في هيه مراه المراه مخلووق ضعيف وقلبهاا طيب متنفعش تبقي زي الراجل علشاان المراه بتعطف علي اولادهاا زياده عن اللزووم وقلبهاا مبيهونش عليهاا انهاا تزعل ابنهاا او بنتهاا لكن الرجل مهماا كاان عاطفه بس بيكوون اشد عن المراه في التربيه والمووضووع برضووه بيجي من الدلع الزياده لالاابنااء يعني مش لازم ندلع برضووه ابنائناا زياده عن اللزووم علشاان مصلحتهم وعلشاان مستقبلهم وتسلم ايدك ياا فله علي مووضووعك الجميل ده

ماتريكس استاذه ايه ده انت اللى استاذنا وفارس المنتدى تسلم على تشريفك ورأيك المتميز انا تلميذتك وبتعلم منك وربنا يديم عليك النجاح والتميز

[fula]

اقتباس المشاركة الأصلية كتبت بواسطة silver spectra مش متفق معاكي اطلاقا يا فلة لأني اعرف نماذج كتير أبهاتهم اتوفوا من و هما أطفال ممكن 5 سنين و اتربوا تربية ممتازة و الولد طالع راجل راجل دا مش مقياس اننا نقيس على حالة أو اتنين لأنك لو هتعملي احصائية هتلاقي رجاله كتير بتوع أمهاتهم زي ما عبرتي عنهم و بيكون ابوه و أمه عايشين و مربيينه هي بتعتمد على اسلوب التربة الي بترسخ شخصية الإبن أكيد الزوج له أثر لكن مش شرط في ستات بميت راجل و تقدر تربي ابناءها أحسن تربية لا تقولي عمه و لا اقاربه لكن تعميم النظرية فيها شيء من الظلم شكرا لموضوعك الي عجبني فيه أسلوبك البسيط في التعبير الشخصي

استاذ طارق استاذنا كلنا شرفت الموضوع بوجودك بس والله انا متفقه معك جدا وابسط مثال عمتى زوجها توفى واطفالها صغار جدا وابنها ولد وحيد مع اربع بنات وبالرغم من هذا تحمل المسئوليه من الطفوله وكان قدها وقام بتزويج شقيقاته الاربعه اولا وتحمل مسئولية زراعة الارض والبيت وكل حاجه ثم اخيرا تزوج هو بس انا اللى قصدته ان فى بجد نماذج من هذا وذاك وانا اتكلمت عن حالات فرديه بس موجوده وحتى عرضت رأى طبيب نفسى عن قيام المرأه بالتربيه وحدها وحبيت بس اشوف رأى الاعضاء وانا يمكن بحكم على حالات عانيت منها بجد وشفتها قدامى لكن لا يمكن ابدا تعميم اى نظريه على كافة البشر استحاله لان محدش يشبه حد ابدا منعا للظلم واعتقد انى عرضت دلوقتى نموذج اخر للارمله اللى بجد عرفت تربى رجل هى صحيح عمتى بس ده النموذج اللى انا اعرفه وتسلم بجد على تشريفك وعلى رأيك اللى بجد اسعدنى