قصة منتدى بنات مصر << الجزء التانى بعد غيبة طويييلة

[Rona el Tota]

السلام عليكم ورحمة الله وبركاته
اعضاء منتدانا الجميل
احلى صباح /مساء عليكم كلكم
طبعا اعضاءنا القدام هما بس اللى ممكن يفتكروا حلقات المسلسل دة
كان جميل جدا وكل اللى فيه كانوا اخواتى بجد
ومهما بعدنا عن بعض اكيد كلهم محفورين فى ذاكرتى للابد
المهموز تقدروا تطلعوا على الموضوع
هنا
http://forums.msryat.org/showthread.php?t=16577
طبعا الشخصيات هتتغير لان معظمهم بعدوا عننا <<يارب يرجعولنا بالسلامة
لكن الفكرة هتبقى واحدة
وهى اننا هنتخيل الاعضاء فى حياتهم العادية برة المنتدى
واللى عاوز يكمل طبعا يتفضل



هنبدا بسم الله

[Rona el Tota]

نور وطارق واحمد (واحد من الناس)او (تكنكال)او (ميدو روكى) <<ماشاء الله كل دول نفس الشخص يعنى شامبو وبلسم اربعتاشر فى واحد
فى الجامعة
طبعا
طول النهار والليل قاعدين عالمنتدى او بيلعبوا بلاى ستيشن << اخرهم اتارى ولعبة ماريو المتزحلق من عالشجرة خخخخخخخ
والسنة دى عندهم مهددة بالتزحلق والدبلرة
ادعولهم
ماعلينا
نرجع للموضوع


طبعا هما التلاتة قاعدين فى المحاضرة
اللى عمال يلعب فى الموبيل
واللى حاطط الهاند فري فى ودنة ولا مهتم بالراجل اللى بيشرح دة
واللى ماسك ودن زميله وهاتك يارغى
طبعا طارق كان نايم << مطبق من امبارح عالبلاى ستيشن وخسر طبعا خخخخ
المهم نور بيقول
نور: ولا ياطارق .....
نور : طارق قوم يلا....
طارق: ياعم سيبنى ياعم انا مطبق ....
الدكتور: والله عال حضرتك مطبق وجاى هنا وعاوز تتخرجلى كمان
برة يامحترم ومشوفش خلقتك تانى فى اى محاضرة
احم احم <<طارق لسة مش مستوعب وعاوز يكمل نوم
ههههههههههههه
طبعا نور واحمد وطارق المفترض انهم صحاب
فنور واحمد سابوا طارق يتعامل مع الموضوع لوحدة وخلعوا
خخخخخخخ

ننتقل عالبنات
رونا وطمطم ونودى ومرمر كانوا فى المول وبيتمشوا
طبعا رونا اقترحت انهم ياكلوا فى مطعم << يااااااااه تانى؟؟
رونا: بقولكو ايه يابنات المطعم دة شكلو كول عالاخر تعالوا ناكل
طمطم : وحياة خالتك ؟؟؟ وعاوزة تدبيسينا زى كل مرة
رونا: لا ياجماعة المرة دى انا عاملة حسابى
نودى: والنبى ؟؟ دة على اساس انك قبل كدة مكونتيش عاملة حسابك
رونا: وهيحصل ايه يعنى لو كنت عزمتكو عالاكل سبع مرات فى مطعم غالى وخلتكوا تحاسبوا وخلعت انا ؟؟
مرمر: بقولوكوا ايه اخرنا عم جابر اللى عالناصية يللا بينا
خخخخخخخخ

تيا ولمسات وروز كانوا عاوزين كالعادة يفكروا في خطة محكمة ومحكنة ومهببة يطلعوا بيها عين نورر بعد الاوشاعات اللى طلعها عليهم
تيا << بهمس زى همس العصابت واللمبة اللى رايحة جاية فوق دماغهم دى
: بقولكوا ايه انا من رأئي نتصل بيه عالموبيل ونقولوا الحق بسرعة بنت خالتك بتولع واحنا رجال المطافي بنحاول نعالج الموقف واحنا متواجدين دلوقتى فى سوق العبور للسلع المسروقةو...
قاطعتها لمسات : ايه يابنتى صفحة الحوادث اللى معيشانا فيها دى استنى انا دلوقتى هفكر فى فكرة
ودايركت اتصلت لمسات على نورر اللى كان كالعادة مقيم فى محل عم شحتة بتاع البلاي ستيشن
نورر : مين الزفت اللى بيتصل دلوقتى عليا؟؟
احمد طبعا خسران يجى 10ماتشات <<مش عارفة ازاى مشرف رياضي خخخ
احمد: خلاص انا هرد ياعم هات الموبيل
احمد : الو مين ؟؟ عاوز ايه ؟؟اخلص ؟؟ كل دة بترغى لولولولولولك اخلص مين معايا ؟؟
لمسات : اعوذ بالله في حاجة اسمها السلام عليكم خد نفسك ياعم الاول
احمد : ياستى مين معايا
لمسات: انا عاوزة اكلم نوررر ممكن ؟؟
احمد لنور: ايوة ماشية معاك ياعم فوز وماتشات وبنات
انا مش بحسد اناباقور بس
نور : ايه دة مين بنت ؟؟ بنت على موبايلى انا؟؟
طارق:ايوة ياعم ابسط هتدخل موسوعة جينيس عمر محد فى الجروب دة واحدة عبرتو
خخخخخخخ
نور وبيكلم البنت اللى خللت عالسماعة : ايون مين؟؟
لمسات : ايه يلا انا لمسات
نورر للمجموعة : ظبطت الفلاش ياخويا انت وهوة طلعت لمسات يافالح منك له
نور : ايوة ياستى عاوزة ايه ؟؟
لمسات :................
ياترى لمسات هتعمل ايه فى نور
ايه المقلب دة ؟؟؟
وطارق خلاص اترفد من الكلية ولا فيه امل؟؟
وعم جابر بتاع الفول اكل البنات ولا لا؟؟
حد يكمل بقى

[Rona el Tota]

ايه ياجماعة
محدش عاوز يرد
الموضوع وحش للدرجة دى؟؟

[big bốss]

ههههههههههههههههههههههه


يخرب عقلك يارونا



دماغك سم


انا بتاع بلاستيشن حاضر


من عنيا هكمل



تسلمى على الموضوع

[SiLver Spectra]

ايه يا بت يا رنا
مهزقاني ليه كدا
مش تعملي حسابك اني ممكن احذفلك القصة
المفروض كنتي تفوزيني في البلاي ستيشن

لا لا لا
مالكيش مستقبل في التأليف
دا أنا محترف بلاي ستيشن يا بنتي من أيام السيجا

في انتظار الجزء الجديد
و المره الي جايه تزبطينا ...
لحسن مش هيحصل خير
^^

[ARAGON]

بقى بالذمة يا طارق

انا سيبتكـ وخلعت من المحاضرة

هو أنا معاك في طب يا مان.. ولا ايه

مش عارف..

على العموم انتي زعلانه من الخمستاشر اسم يا رونا

ولا عشان من يوم ما سجلتي في المنتدى ملكيش إلا اسم

ترم ترم...
موضوع جميل.. للاسف جيت ارد الصبح..

السيرفر وقع مني..

رجعت الظهر.. ونسيت ارد

قولت ارد يمكن يحصل حاجة..
..................

واما نشوف نور .. ها يعمل ايه..

ماشي يا فوز..

[тoкα..♥]

هههههههههههههه تووووووووووحفه يارونا بجد ضحكت لما شبعت
في انتظار التكملة

[حنـــــون]

تووووووووووووووووحفه والله يارنا

تسلم ايدك ياجميل

تحيااااااااااااااااااااتى

حنون

[nooody]

تصدقى يا رونا انا لو فاضيه

كنت بقى كملتلك السيناريو كله

بس حظ ابطال القصه انى مش فاضيه

بس تتعوض ان شاء الله

[SiLver Spectra]

رونا : انتوا لابسين فساتشين و رايحين فين يا بنات
حنون : رايحين حفلة ملكة جمال بنات مصر
رونا : ما ماحدش قالي ليه سخس عليكم
همسه : و انتي مالك انتي و مال الحاجات دي
رونا : هي الحفلة لسه عليها اد ايه
حنون : احنا رايحين دلوقتي حالن
رونا : يادي الخيبه دا أنا لسه ما جهزتش نفسي
همسه : أنا كويتلك الجلابية بتاعتك
رونا : مرسي يا حبيبتي ربنا يخليكي ..ثواني هلبس الجلابية و جايه معاكم
نودي : لا مافيش ثواني خلاص احنا ماشيين و ابقي حصلينا

لبست رونا الجلابية المشجرة و الغوايش
و طلعت تجري عشان تحصلهم كانوا هما ركبوا التاكسي و مشيوا
شمرت الجلابية و قاعدت تجري وراهم
استنووووووني...ما تسيبونيش ...مافيش معايا غير 3 جنية
و ما لحقتش التاكسي
ياتي النيله..

هعمل ايه يا ربي
و فجأه...
وقفت احدى التكاتك بجوار رونا التوتة
فسجدت رونا التوته سجدتي الشكر كما يفعل جدو بعد احراز هدف في مرما غانا

التوكتوك : هتروحي فيين يا حجه
رونا : وديني لحفلة ملكة جمال بنات مصر

وصل التوكتوك لمقر الأمانة العامة لحلف الشمال الأطلسي لملكات جمال بنات مصر
التوكتوك : لسه جنيه و نص يا مادام
رونا : ماعنديش غير جنيه و نص
التوكتوك : لسه جنيه و نص يا مدام الأجره 3 جنيه
رونا : طب خد نص و سيبلي جنيه أجيب بيهم فطار
التوكتوك : الأجرة يا مادام

و دفعت رونا التوته مافي جعبتها (3 جنيه)
بعد أن كاد صاحب التوكتوك يخرج الماطوة بتاعته

رونا و الدموع في عينيها : مش هقدر أجيب شقتين فول و شقة طعميه أفطر بيهم

دخلت رونا التوته القاعة
فوجدت بنات المنتدى هناك
و منهم ميس ايجيبت صاحبة اللقب ل3 مرات على التوالي و سبع مرات ككل

و فجأة و بدون سابق انظار...















انتهت القصة