تعملي إيه لو خطيبك كده ؟

[هدوء الكون]

اقروا الحوار دا بين بنت وخطيبها
وقولولي
إذا كنتي بنت هتعملي ايه مع الراجل دا


الحوار كالأتي


هو و هى ماشيين على الكورنيش .. الجو حار ..
الشمس محرقه

هي : عطشانه .

هو : وأنا كمان.

هي : يعنى ... عايزه اشرب!

هو : أكيد مادام عطشانه يبقى عايزة تشربي .

هي : المفروض – بما أن عندك إحساس يعنى –
إني لما أقولك عطشانه تجيب ليا حاجة ساقعه .

هو : ومين اللي هيحاسب ؟؟

هي : أنت طبعاً .

هو : منين ياحسره .. ماانتى عارفه الكانز وغطاه .

هي : ماقلتش عايزه كانز .. كفاية إزازه ميه ساقعه .

هو : طب لو هاتجيبى اعزمينى معاكى .

هي : يابنى أنت مابتحسش ، وبعدين بقالنا 3 ساعات ماشيين ،
أنت مش ناوي تقعدنا ولا إيه؟

هو : عندك الكورنيش كله .. اختاري الرصيف اللي يعجبك .

هي : قصدي تعزمنى في مكان شاعري .

هو : في الحر ده .. ماينفعش .

هي : بلاش دى .. نأخد مركب عالكورنيش .

هو : المراكب بتغرق اليومين دول .. خلينا ع البر أحسن .

هي : بلاش المركب تعالى نأكل ترمس .. أظن ده رخيص .

هو : إنتى تضمني منين إن الراجل غاسل إيده وغاسل الترمس

هي : أعوذ بالله .. إنت مقفلها كده ليه ؟؟

هو : بصراحه معييش فلوس .

هي : يا سلام!! .. ماأنت كان معاك إمبارح .

هو : إمبارح دخلت السينما مع بنت حلوه كده فالفلوس خلصت

هي : بنت حلوه ؟؟!! وبتقولها في وشى .

هو : أكذب عليكى يعنى .

هي : لأ .. تحرق دمى أحسن .

هو : أنا مش شامم ريحه شياط يعني .

هي : يخرب بيت البرود .

هو : برود إيه ؟؟ ماهو الجو مولع أهو .

هي : إنت اللي بارد .

هو : بارد إزاى ؟؟ دا أنا بشُر عرق .

هي : بقولك إيه .. روحنى .

هو : أروحك ؟! هو إنتى ماتعرفيش تروحي لوحدك .

هي : آآآآه .. طب أنا ماشيه.

هو : ليه يا حبيبتي؟؟

هي : حبك برص .

هو : والله البرص بيفهم عشان حبني.

هي : بجد كده كتير .

هو : كتير إيه ؟؟

هي : إرحمنى .. واضح إن الحر بيجى معاك بالعكس .. يا بارد

هو : يعنى مصممه تمشي؟؟

هي : أيوة وحالاً كمان .

هو : طب استني لما نوصل آخر الشارع .

هي : اشمعنى بقى ؟؟

هو : أصل أنا ساكن هناك .. و مايرضكيش أروح لوحدى .

هي : لااااااااااااااااااااااا

هو : ينفع كده ترمي نفسك في الميه مين هايوصلني بقى دلوقتي


حاجات عجيبه بتحصل في الدنيا
يلا قولوا رأيكم بقى
ههههههههههههه

[toxic girl]

هههههههههههههههههههههههههههههههه
بصراحة انا اقتله واخلص
ميرسي يا قمر عالتوبيك جااااااامد

[هدوء الكون]

ههههههههههههههههههههه
شكرا لمرورك ياقمر

[أحلي ياسمينة]

مرسي ياهدوء الكون علي التوبيك الحلو وبجنن والله كتير بصراحة ربنا يساعدها كيف تحملت كل هالحوا أنا مطرحها ما امشي مع ناس بخلاء هههههههههههههههههههههههه عند اللزوم بعزموا عشان يحس ويختشي شوية

[دقات قلب]

هههههههههههههههههههههههههههههههههههههههههههههههههه ههه

انا ياامى اموت نفسى واخلص من يا اما اموته هوا واخلص منه

[هدوء الكون]

هههههههههههههههههههههههههههههه
شكرا لمروركم الجميل

[ﮐليوٻاټرا]

يالهوي دى مش طبيعي كأن هو الست انا لو منها ارمي فالمية واخلص هاهاهاهاي

ميرسي ع الموضوع

[هدوء الكون]

هههههههههههههههههه
هدي اعصابك يمكن ترميني وراه
شكرا لمرورك يا قمر

[الغامضه]

ههههههههههههههههههههههه
ايه دا كده يباه العنوسه احلى
من ده
ثانكس

[sosooo]

لالالالالا
انا عمرى ما هعرف
حد زيه اصلا يعنى
يالله
ايه البخل ده؟