الزوج ده من صالحك انتي مش عارفة مصلحتك فين ؟

[حياتي ذكريات]

السلام عليكم ورحمةالله وبركاته

النهاردة حبيت أطرح موضوع دايما البنات بيتكلمو فيه ساعات يجي واحد يتقدملك وانتي ترفضيه

لسبب انتي شايفة انه ما ينفعش تعيشي معاه ويبقى شريك الحياة

بس الأهل ساعات قراراتهم بتبقى صارمة شوية ويجبرو البنت دي على الجواز من اللي متقدملها

والبنت ما تقدرش تعمل حاجه غير إنها تنصاع لأمر والديها بحجه انهم عارفين مصلحتها فين

وطبعاً الزوج بيقى الضحية في الحكاية دي وانتي كمان

اللي خلاني أعرض الموضوع ان واحده أمها وأبوها غصبوها على الجواز من شخص وهي رفضت

رفض تام لان قلبها ما استريحش صلت صلاة استخارة وبرده ما استريحتش في النهاية اتخطبت ليه

وبعدين حست بجد انها مش هتقدر تكمل معاه قامت قالتله انا مش هقدر اكمل معاك ولازم ننفصل

لاني هظلم نفسي وهظلمك معايا وفسخت بإيديها طبعا فعل البنت دي كدا يعتبر انها نزلت كلمت أبوها للأرض

بس في النهاية الغلط من أبوها لانه غصبها وهي مش عايزاه طبعا كل البنات ما عندهمش الجراة

عشان يعملو زيها كدا

انا بقى عايزة أشوف أرائكم ايه

لو مريتي انتي في الموقف ده هتعملي ايه ؟
هترضي وتوافقي وخلاص وتبقي الضحية مقابل إرضاء أهلك ؟
هتلومي اهلك في حياتك المستقبلة ولا هتقولي ده مقدر ومكتوب ؟
والشباب ياريت يقوللنا لو اختهم في نفس الموقف هيقف مع أي الطرفين ساعات برده الاهل بياخدو
برأي الأبن ويهتمو بيه ؟

[احلى وهم]

حياتى ذكريات
اولا المفروض الاهل مش يغصبو بنتهم حتى لو العريس مناسب
بس مفروض الاهل يقنعو البنت بيه ولو مش اقتنعت مش يفرضو عليها لانها حياتها هى وهى اللى هتعيش معاه
ولكن لوفرضو عليها تتعامل مع الانسان ده جايز يكون كويس زى ما اهلها شايفين فتقتنع بيه بعد ما تتعمل معاه

[اميره الحب والعذاب]

بصي الموضوع ده مهم جدا
لانه بيحصل كتير اوي في مجتماعتنا
يعني الاهل مبيكنوش شايفين غير الوظيفه وهيقدر يعيشها ولا لا هو محترم وعارف دينه ولا
بس الامشاعر واحساس البنت بيقول وانه بيجي من العشره
انا اشيفه انها تسمع الكلام وتجرب عشان كده اخترعو فكره الخطوبه
يعني لو كانت فعلا مش متقبلاه تعمل ذي صحبتك كده
لان ده عمر وعشان متفضلش طول عمرها ترمي اي خطاء سواء منها او منه علي اهلها لانهم جوزها واحد متعرفوش
تقبلي موروي
eng mai

[اميره الحب والعذاب]

بصي الموضوع ده مهم جدا
لانه بيحصل كتير اوي في مجتماعتنا
يعني الاهل مبيكنوش شايفين غير الوظيفه وهيقدر يعيشها ولا لا هو محترم وعارف دينه ولا
بس الامشاعر واحساس البنت بيقول وانه بيجي من العشره
انا اشيفه انها تسمع الكلام وتجرب عشان كده اخترعو فكره الخطوبه
يعني لو كانت فعلا مش متقبلاه تعمل ذي صحبتك كده
لان ده عمر وعشان متفضلش طول عمرها ترمي اي خطاء سواء منها او منه علي اهلها لانهم جوزها واحد متعرفوش
تقبلي موروي
eng mai

[đΘόđΘό]

لو مريتي انتي في الموقف ده هتعملي ايه ؟
شوفي انا يأمه يقنعوني يامه هاقنعهم وان شاء الله اكيد انا الي بنتصر في النهايه وبعدين لو افترضنا ان البنت بتدلع هيا صلت استخاره وحست انها مش هاتقدر وفي النهايه لو كانت سعيده او حزينه في حياتها مع جوزها مفيش حد هايحس بيها غير نفسها
هترضي وتوافقي وخلاص وتبقي الضحية مقابل إرضاء أهلك ؟
مع احترامي لاهلى بس عمري ما هعمل حاجه انا مش مقتنعه بيها
هتلومي اهلك في حياتك المستقبلة ولا هتقولي ده مقدر ومكتوب ؟
المشكله اننا بناخد قرارات ولو نجت نقول اصل احنا فاهمين كل حاجه ولو فشلت نقول اصل ده قدر ومكتوب بس ربنا ادنا العقل عشان نفكر ونميز ومينفعش احط اللوم على غيري

[حياتي ذكريات]

اقتباس المشاركة الأصلية كتبت بواسطة احلى وهم حياتى ذكريات اولا المفروض الاهل مش يغصبو بنتهم حتى لو العريس مناسب بس مفروض الاهل يقنعو البنت بيه ولو مش اقتنعت مش يفرضو عليها لانها حياتها هى وهى اللى هتعيش معاه ولكن لوفرضو عليها تتعامل مع الانسان ده جايز يكون كويس زى ما اهلها شايفين فتقتنع بيه بعد ما تتعمل معاه

السلام عليكم
رأيك سليم وأنا معاك في إن الأهل ما يغصبوش بنتهم حتى لو
كانو شايفينه مناسب لأن البنت هي اللي هتعيش معاه مش هما
وبرده ساعات القلب مش بيتقبل اللي قدامه
والأهل لو كانوا شايفين العريس مناسب يقدروا يقنعو البنت بيه
ولو ما اقتنعتش واتجوزته لازم بقى تحاول تتأقلم مع الوضع ويمكن
في يوم تغير رأيها
شكـــــراً على المرور
تحياتي لشخصك الكريم

[حياتي ذكريات]

اقتباس المشاركة الأصلية كتبت بواسطة love&pain بصي الموضوع ده مهم جدا لانه بيحصل كتير اوي في مجتماعتنا يعني الاهل مبيكنوش شايفين غير الوظيفه وهيقدر يعيشها ولا لا هو محترم وعارف دينه ولا بس الامشاعر واحساس البنت بيقول وانه بيجي من العشره انا اشيفه انها تسمع الكلام وتجرب عشان كده اخترعو فكره الخطوبه يعني لو كانت فعلا مش متقبلاه تعمل ذي صحبتك كده لان ده عمر وعشان متفضلش طول عمرها ترمي اي خطاء سواء منها او منه علي اهلها لانهم جوزها واحد متعرفوش تقبلي موروي eng mai

السلام عليكم
مش لازم البنت تكون تعرف الولد من قبل ما يتقدملها عشان توافق
ساعات بيتقدم ناس وتصلي استخارة وتلاقي سبحان الله في قلبها
رضا بالشخص ده بس لو الأهل اقنعو البنت انها تتجوز وهي مش عايزاه
وتسكت مثلا وتقول هشوف فتره الخطوبة أوقات كتير مش بيرضو يفسخو
الخطوبة عشان كده في نظر الأب وقعت كلمته في الأرض فمش سهلة ان البنت تتهاون
في الأول وتقول بعد كده يبقى هفسخ
شكــــــراً ليكي على المرور يا قمر
نووورتي الموضوع برأيك
كل التقدير

[بوسبوس]

الموضوع ده بيحصل كتير

ممكن الاهل شايفين حاجه البنت مش شيفاها

ده غير انهم شايفين ان شغله كويس

وبنتهم هتعيش مرتاحه فى حياتها

ممكن يكون قرارهم ده صح وممكن لا

وده بيظهر فى فتره الخطوبه

وفتره الخطبه دى بيظهر حاجات كتير

فأكيد هتقدر تقرر هى عايزه ايه بعد ماتعرفه

لو البنت ارتاحت خلاص لكن لو العكس يبقا كل شئ نصيب

[حياتي ذكريات]

اقتباس المشاركة الأصلية كتبت بواسطة بنت مصر dodo1992 لو مريتي انتي في الموقف ده هتعملي ايه ؟ شوفي انا يأمه يقنعوني يامه هاقنعهم وان شاء الله اكيد انا الي بنتصر في النهايه وبعدين لو افترضنا ان البنت بتدلع هيا صلت استخاره وحست انها مش هاتقدر وفي النهايه لو كانت سعيده او حزينه في حياتها مع جوزها مفيش حد هايحس بيها غير نفسها هترضي وتوافقي وخلاص وتبقي الضحية مقابل إرضاء أهلك ؟ مع احترامي لاهلى بس عمري ما هعمل حاجه انا مش مقتنعه بيها هتلومي اهلك في حياتك المستقبلة ولا هتقولي ده مقدر ومكتوب ؟ المشكله اننا بناخد قرارات ولو نجت نقول اصل احنا فاهمين كل حاجه ولو فشلت نقول اصل ده قدر ومكتوب بس ربنا ادنا العقل عشان نفكر ونميز ومينفعش احط اللوم على غيري

السلام عليكم
عندك حق في آخر جملة قلتيها بجد لو نجحت بتقول احنا فالحين ولو فشلت
ساعات بنرضى ولا بنحط اللوم على اللي أجبرنا والموضوع في النهاية
قسمة ونصيب
تسلمي على مرورك يا قمر
تحياتي ليك
دمتي في حفظ الرحمن

[special girl]

شكرا لموضوعك الجميل جدا ومرسي عليه انا لو حصل معايا الموقف اكييد هرفض طبعا لاني لو وافقت كده هيكون مش بس ظلم لنفسي لا انا هظلمه وهعذبه وانا برفض مقوله( الحب بعد الزواج )طبعا مش لازم يكون في حب قبل الزواج ولكن علي الاقل شعور بالقبول انا رأي انه الاهل لازم يكون عندهم صفه الحوار والنقاش والاقناع وفن الافناع مهم جدا في حياتنا وفي كل موقف وطبعا لازم البنت تحترم رأي الاهل ولكن معني تحترم انه تبين لهم وجهه نظرها ولكن بأدب وحوار..........

تحياتي لكي..................