هتعملي إيه يا عثووله لو خطيبك كدا؟؟!!!

[oЯҜeĐα]

هاى يا بنانيت جبتلكم النهاردة حكاية جامدة جدا مع واحد وخطيبتة
عايز كل بنت تدخل تقول تعمل اية لو خطيبها كان كدة اوك

تعالوا نشوف اية اللى حصل


هو وهى ماشيين على الكورنيش .... الجو حار جدا....الشمس محرقة



هى. عطشانة

هو . وانا كمان

هى يعنى عايزة اشرب !!!!

هو . حاجة اكيدة مدام عطشانة يعنى عايزة تشربى.


هى بما انك عندك احساس لما اقولك عطشانة تجبلى حاجة ساقعة

هو ومين اللى هيحاسب

هى انت طبعا

هو منين يا حسرة ما انتى عارفة الكانز وغطاة

هى مقولتش عايزة كانز كفاية مية ساقعة

هو طب لو هاتجيبى اعزمينى معاكى

هى هو انت مش بتحس وبعدين احنا بقالنا 3 ساعات ماشيين انت مش ناوى تقعدنا ولا اية


هو عندك الكورنيش كلة اختارى الرصيف اللى يعجبك

هى قصدى تعزمنى فى مكان شاعرى


هو فى الحر دة مينفعش


هى طب بلاش احنا ناخد مركب فى البحر على الكورنيش


هو لالالا المراكب بتغرق اليومين دول خلينا على البر احسن


هى بلاش المركب تعالى ناكل ترمس اظن دة رخيص


هو انتى تضمنى منين ان الراجل غاسل الترمس وغاسل ايدة


هى يا ساتر عليك انت مقفلها كدة لية


هو اصلى بصراحة مش معايا فلوس


هى ما انت كان معاك امبارح

هو اصل انا دخلت السينما مع بنت زى القمر والفلوس خلصت

هى بنت قمر !!!! وبتقولها فى وشى


هو اكدب عليكى يعنى


هى لا احرق دمى احسن


هو انا مش شامم ريحة شياط لية


هى يخرب بيت البرود


هو برود اية!! الجو مولع اهو



هى انت اللى بارد


هو بارد ازاى؟؟ ما انا بشر عرق انتى مش شايفة


هى بقولك اية روحنى


هو اروحك لية انتى مش بتعرفى تروحى لوحدك


هى طب انا همشى


هو لية كدة


هى ارحمنى واضح ان الحر بييجى معاك بالعكس يا بارد


هو يعنى مصممة تمشى


هى اة ودلوقتى حالا كمان


هو طب استنى لما نوصل اخر الشارع


هى لية يعنى


هو اصل انا ساكن اخر الشارع يرضيكى اروح لوحدى


هى لاااااااااااااااااااااا (وبعديها انتحرت)


هو تؤتؤتؤتؤ ينفع كدة ترمى نفسك فى المية من غير ما توصلينى

[سمنتا]

يالهووووووووووووووووووووووى على البرود ايه ده انا لو خطيبى كده كنت موته على طول او كنت هولع فيه او ابسط حاجه اسيبه يروح لوحده

[a m i r a]

ههههههههههههههههههههههههههه بجد جميله موووت تسلمي علي النكت فاكرتني هههههههههههههه

[الجميله الباكيه]

ههههههههههه
بجد بارد وغلس جدا
بس اكيد كنت هقتله مش هنتحر
ميرسى ياقمر جميل الموضوع اكتر من رائع

[oЯҜeĐα]

هههههههه
عصبيه اوي ياسمنتا
نوورتيني ياقمري

[oЯҜeĐα]

ميرسي على مروورك منه ياجميله

[oЯҜeĐα]

هههههههه
ايوه كدا
نوورتي جميله ياقمر

[AnGeL SenSe]

ههههههههههه لابجد جميلة ...لو ربنا اداني واحد زي دة يبقى انا كدة اخدت اكبر مقلب في حياتي بجد كنت حرمية من فوق الكورنيش عشان ميتعبش معاه ناس تاني غيري

[oЯҜeĐα]

هههههههههه
ايوه كدا
نووورتييني ياقمري
ميرسي ليكي

[mon mon]

يالهوى

ده انا روحى طلعت مجرد ما قراتها بس

امال لو شوفته هعمل ايه

ده انا مش بعيد انى احرقه وبعدين اقطعه وبعدين اضربه بالنار وبعدين...............

كفايه كده يدوب علشان اشفى غليلى

تسلمى يا قمر على التوبيك